group-telegram.com/hussein_hider/412
Last Update:
انه ام الاربعه وروحي.. المحمد تشتكي جروحي
على غيابه
اون يم گبره واتحسر.. ابن بنتك تره تأخر
شنو اسبابه
ادعي .. بدمعي
على غيابه
………………….
ام البنين ودمعتي.. تنزل گبل سيل النده
حزني اعله ابو اليمه جزه.. وتعده حزن الوالده
حتى اليروحلها ولد..ونها خفه و چن وهده
بس انه وني مستمر.. وماصار مثله ولاسده
وحيده وعايشه بحسره .. واروح الگبر ابوالزهره
وابث نوحي
يطه وروحي محتاره.. حبيبي گلي شخباره
دوه جروحي
وانعي.. بدمعي
على غيابه
………………….
يالهادي من شال الضعن.. من عيني چن شال الضوه
والمشكله موبالسره.. احبابي من راحوا سوه
واعله الهوى تعيش الخلگ.. بس اني يخنگني الهوى
من عندي ماكسروا ظهر.. لن الظهر مني انطوه
انام بدمعي يوميه.. انا وگلبي ونواعيه
على احبابي
چبيره الحسره ياطه.. تطيح ضلوعي وياها
من مصابي
وضعي .. بدمعي
على غيابه
………………….
شكبر المدينه يالنبي.. بفراگه جن صارت گبر
خانگني كلشي بغيبته.. والدمع من ينزل جمر
والشيب البراسي نبت..مو كبر هذا من الهجر
نشفت دموعي من البچي ..وگمت اعصر عيوني عصر
اموت واحيه كل ليله .. وصلاة الشوگ اصليله
بدمع عيني
العمر مايسوه بغيابه.. وحياتي بشمة ثيابه
تسليني
طبعي.. بدمعي
على غيابه
………………….
وجه الحسين وشوفته.. يسوه العمر كله وهله
هاضمني كلشي بروحته.. وخنگتني وحشة منزله
ذيج المضايف خاليه.. الماخلت من چلمه هله
يالمصطفى وذاك الشمل.. اتطشر بروحة كربله
الاجل يلفي تمنيته.. ولاشوفن خله بيته
من وجوده
بلاواهس عشت فگده.. الضوه لمن مشه بعده
الحياه سوده
اسعي.. بدمعي
على غيابه
………………….
لاطارش يمرني بخبر.. منهم ولاواحد وصل
يالهادي ابن بنتك عدل.. لو بالغرب ظل وانچتل
متبشر بخير السمه .. حمره ودمه منها نزل
لاسامح الله يالنبي.. الخايفه منه حصل
وابن حذلم صرخ واسمع .. يهل يثرب تره تگطع
ابو الاكبر
وگع ضامي على الغبره.. وخيول السحگته عشره
بصاري البر
بسمعي..بدمعي
على غيابه
………………….
الشاعر
حسين حيدر الكربلائي
كربلاء المقدسة٢٠٢٤/٧/٥
BY الشاعر حسين حيدر الكربلائي
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/hussein_hider/412