ما غبت عن بالي ولا هان طاريك .

خذييتَ من الوفا . .

‏أنت تبغى زبدة العلم والشي الاكيد
‏انت في كونٍ لحاله وخلق الله بكون

يا غناة القلب يا مدهل الصدر الوسيع
‏يوم صدر الشاعر الذرب محدً يدهله

‏جيّتك تكفيه عن جية العالم جميييع
‏قافل مخرج مكانك و قافل مدخله
‏
‏انت شوفك خير و امطار و سيول و ربيع
‏و شوف غيرك مثل شوف الديار الممحله

حالف ما توب عن حبه مهما حصل
‏لو عطوني من كنوز الذهب كبر الجبال

" عادك أغلى من مشى على رمل الضلوع / لو دياري عن ديارك مسافة ونَهوة ".

‏ما يملى عيني يا هوى البال مخلوق
إلا انت يا اللي صرت مني و فينيّ .

‏اجيب لك عمر الهنا في كفوفك
‏وازرع لك من الأيام نسمات المسرة .

‏عز الله إنك غاية المشفيّ يبو وجهٍ جميل
‏وطماعة اللي من درب الحبّ سج وسلا

‏تبسم لي فداك اللي مضى واللي بقى يفداك
‏ترى لولا غلاك وضحكتك مابعت خلاني .

والله أني أحبه حب القدامى الأولين
‏حب ما يضره لا بعد ولا قلة مراسيل

تبقى وليف القلب لو صار ما صار
وتبقى نظر للعين لو ما تشوفك

وتبقى سلاح الروح ولو منك اضرار
وتبقى عزيز وعزتك من وصوفك

اسمك نقشته بين الاضلاع تذكار
وقلبي نزعته خوف يزعج حروفك

على مشارف الليّل نشرب شاهي

أبيك الجاي من عمري أنا ما أبيك شي و راح
‏مدامك " أول و آخِر " مدامك أغلى أحبابي .

والله العظِيم انك حبيبي ولا يحتاااجّ .

‏والله إني ما أسفهلّ بونس غيرك لو عطوني
‏قصر في حي المصيف وقصر في حي العليّا
‏- سعد بن جدلان
‏مُتحدثاً عن الونس لا صرت بجانب محبوبك
‏ وإن لحظةٍ معه تسوى الدنيا بأهلها

‏وطرّاه أيضاً الشاعر اللي قال :
‏شفت حياة الملوك وعيشة البطره
‏تسوى نهارٍ شبكة أيديك بيديني .

‏انت الشعور الصادق وغيرك سراب
‏وانت المقرّ الثابت وغيرك ممر

‏غلاك بضلوعي تربّع لين ذاب
‏يفوح مثل العود من فوق الجمر

‏يا أغلى البشر وجهك علاج الإكتئاب
‏ومْواصلك مثل السحاب المنّهمر

‏حتى ولو قلبي شَعر بـ الإغتراب
‏انت الوطن واجمل ملذّات العمر .