Telegram Group Search
- النوايا هذين تلقوهن فالتمر إلا نحنا عندنا عيون ايحقن و عقول يفهمن .
- بوجمعة البرعصي :

" مو باين آلها شي نسو ، لعند ليلة البارح بكت "
- امراجع السعيطي :

اللي امرضه ضيقة عِلم ، نضمن دواه في قول يا الله .. !
- كل شيء له علاج إلا قِلة الأصل وسَوادِ القلب .
- أصبحنا وأصبح المُلك لله ♥️.
- قيل في الكتمان :

عارف ليَّام ايرضنِّي ، ما بيت نقوللكم كنِّي .. !
- وقد قيل في الخيبة..

أوهمتي يا عيني في الطل
وقلتي حس اشبوب نزل
- واحد من اكبر مشاكل الجيل هو تبرير الغلط بالغلط ، مثلاً تنصح شخص على فعل فاضح هو يدير فيه في وقت توا غالباً هيرد عليك بغلط انت تدير فيه او حد ثاني يدير فيه ويقولك اهو عادي يدير هضا نا ليش لا ؟

الفكرة انه لما تجيك نصيحه متفكرش في قيمة الناصح بلعكس ركز في قيمة النصيحة او وقعها عليك لو فعلاً هتصلح فيك استقبلها عادي حتى لو من شخص متقبلش .
- إطمن و خليها ع الله ♥️.
💙❤️
- " كلمه لنقاني او لنقني "

كلمة برقاوية مركبة يُرادفها في الفصحى " اعترف بأنني " .. وهي اعترافية تستخدم إذ اراد احد الاعتراف أو الإقرار بشيء او شعور او ما كان عليه فعله .. لم يجد لها المترجمون معنى واضح ولكن تُقال في كلامنا اليومي .. !


- علي سبيل المثال يقول الشاعر عادل القرباعي :

امعاي بالخطا ليش كافيت .. بكيتني بانن عواري
عزيتك ذراعي لويت .. الحق ياخذه منك الباري
لنقاني فيه ارتزيت .. اعيون من سماه بحاري .. !

- برقه و اللغة .
- السترة كويسة في اي شي ، الرسول عليه الصلاة والسلام قال من ستر مسلمًا في الدنيا سترة الله في الاخرة .
حتي لا تبتلي استر الناس ، وما تكون انت والشيطان ضد اخوك المسلم تشوف من حد عيب او غلط حاول تستر وتغض الطرف وتنصح وما تحكي بيه لحد ، واستر حتي نفسك اذا كنت ع معصية وما تجاهر بيها قدام الناس ، قال صلي الله عليه وسلم كل أمتي معافاة الا المجاهرين .
الي هما يديرو في المعاصي قدام الناس او يديرها بروحه ويجي يحكي بيها ويقول درت كذا وكذا ،
كان صلي الله عليه وسلم يدعو فيقول اللهم استر عوراتي وامان روعاتي ، اطلبو من الله الستر دائمًا .
- العرب :

يعز على المرء ان يُترك في نصف الطريق وان يسأل لماذ أُفلتت يده .. تعز عليه فكره انهُ كان يستحق أن يُحارب من أجله .. !


- البرقاويون

أيش مالي و مال اعربه .. كنا عزيز ما حارب علي .. !

" للغناي اكرم بو خطوبه "

- برقة و اللغة .. !
- الناس مش مفرقين بين الساحر و الشيخ ولا عارفينهم سحارة ويترددو عليهم ؟

‏مُصيبة هذي وخلل في العقيدة .
- لقد تجاوزتك - لكنّه كان انتصار حزين للغايه :

إنريده ايهون عزيز ، زرِّيت خاطري نين دارها .. !

ثم يناقض نفسه :

عليه خاطري ميعدت ، ينسى عزيز مو مابيلها .. !

للغنَّاي الراحل سليمان الشريمه .
- رمزي بو برمه :

نحنا بير أميِّة ربِّي ، تشرب و اتروِّق و اتعبِّي .. !
- بو بكر بو حوية :

- عمري فيك ما شوقي نسيب
وعمري فيك مانيس اقسام

- مهما حط منضاري وطيّب
مهما دق دقاقي ارمام

- ضنك في عمري ما نخيب
لك مازلت ولغيرك حرام ♥️.
- اللي ديره في نيجيريا تلقى في لبرق

مثل ليبي جديد .. !
- تعامل مع الجميع وماتحطش ثقة في حد .
2025/03/27 21:07:54
Back to Top
HTML Embed Code: