Районыбызда машина белән сыер саву осталары һәм эре мөгезле терлекләр үрчетү буенча технологларның традицион конкурсы узды. Азнакай муниципаль районы хуҗалыкларыннан 10 иң яхшы технолог һәм 17 иң яхшы сыер савучы катнашты.

Конкурс терлекчелек тармагы белгечләренең һөнәри осталыгын күтәрүгә һәм эре мөгезле терлекләрне карау һәм үрчетү өлкәсендә иң яхшы практикалар белән алмашуга юнәлтелгән мөһим чарага әверелде.

Ярыш нәтиҗәләре буенча технологлар арасында беренче урынны Төхвәтуллин Илнур Илдар улы ("Союз Агро" ҖЧҖ, Карамалы бүлекчәсе) алды, ул диплом һәм 10 мең сум акчалата премия белән бүләкләнде.

Шулай ук машина белән сыер саву операторлары арасында беренче урынга Вәлиева Илгизә Нәвил кызы ("Союз Агро" ҖЧҖ, Карамалы бүлекчәсе) лаеклы булды.

Балаларыбыз — безнең куанычыбыз, таянычыбыз, киләчәгебез.

Халыкара балаларны яклау көне белән!

Районыбызның "Тарсус" ял паркында балаларны яклау көненә багышланган матур мәдәни чара узды.

Биредә район күләмендәге конкурсларда катнашып лаеклы урыннар алган балаларыбызны бүләкләдек.