МАТУЛІНА КУХНЯ.
СЫРНІКІ ПОЛАЦКІЯ.
1⃣
Паспрабуйце беларускія сырнікі ў макава-сметанным заліванні - за вугы не адцягнеш !

Прадукты :

Тварог (у ідэале хатні) - 400 г
Разынкі светлыя без костачак-100 г
Мука-100-150 г
Яйкі-1 шт.
Цукар-50-100 г
Ванільны цукар - 1-2 пакуначка
Раслінны алей - для фрыцюру
Для сметанно-макавай заліванні:
Смятана 15-20% - 500 г
Мак-50 г
Цукар-100 г
Алей сметанковы-50 г

Макавыя заліванні (запраўкі) у Беларусі шырока распаўсюджаныя. Мак запарваюць і расціраюць з цукрам, змешваюць са сметанковым алеем, або са смятанай, робяць з яго начыння для блінцоў ці проста пасыпаюць выпечку макам.

Тэхналогія прыгатавання сырнікаў таксама не зусім звычайная-іх абавязкова замарожваюць.

Навошта?
А іх потым лёгка пераварочваць у фрыцюры. Сырнікі сапраўды вельмі смачныя.

Прыгатаванне :

Злучаем тварог, цукар, папярэдне запараныя і прамытыя разынкі, яйка і муку. Добра ўсё вымешваем. Мукі можа сысці больш, можа менш, усё залежыць ад вільготнасці тварагу.
👇

МАТУЛІНА КУХНЯ.
СЫРНІКІ ПОЛАЦКІЯ.
2⃣
Арыентуйцеся на шчыльнасць цеста. Яно не павінна быць пругкім і цвёрдым, хай застаецца злёгку клейкім.

Калі мукі будзе занадта шмат, то і сырнікі нашы атрымлівацца жорсткія, што істотна сапсуе іх густ.

Калі цеста будзе гатова, прыступаем да вырабу нашых сырнікаў. Скручваем невялікія шарыкі (2 см.у дыяметры) і абкачаць іх у муцэ. 

Выкладаем нашы шарыкі на дошку ці паднос, пасыпаныя мукой і адпраўляем у маразілку мінімум на тры гадзіны.

Пакуль сырнікі мерзнуць, робім макавую заліўку: мак заліць кіпенем і накрыць вечкам, хай 15 хвілін пастаіць, распарыцца.
Падпалім сметанковае масла, дадамо цукар, смятану, мак. Добра змешваем. Ставім на маленькі агонь, грэем соус, але да кіпення не даводзім.

Сырнікі абсмажваем у фрыцюры да румянай скарыначкі.

Выкладзем іх на папяровыя ручнікі, каб прыбраць лішні тлушч.

Выкладаем сырнікі ў форму,заліваем соусам і адпраўляем сырнікі з макам у разагрэтую да 180 градусаў духоўку на 15-20 хвілін.

Падаем гарачымі !

СМАЧНА ВАМ ЕСЦІ ❤️!

ДАБРАНАЧ - АД МАТУЛІ.

"Зараз наша харчаванне-
Бульбачка на ўсе лады
На вячэру, на сняданне,
На абед яна заўжды.

Бульбу пячэм, бульбу парым,
З бульбы робім камакі,
Бульбу смажым, бульбу варым,
З бульбы хлеб такі-сякі.

Бульбу тарчым і крахмалім,
З бульбы клёцкі і кісель.
Бульбу ганьбім, бульбу хвалім,
Бульбаю жывем усе.

З бульбы бабка, з бульбай каша,
З бульбы харчаванне ўсё.
Бульба наша – сіла наша,
Бульба – нашае жыццё."

( ВАСІЛЬ ГОЛУБ )

Чаму на ноч пра бульбу ?
Дык па старой традыцыі адзначым Дзень беларускай кухні (27 чэрвеня) !

Харчаванне - не меньш значная за іншыя рысы народнай культуры, таму ёсць шмат даследаванняў, прымавак, а галоўнае - рэцэптаў, якія зберагаюцца па-сёння !

Дранікі - у беларускім Спісе гісторыка-культурных каштоўнасцяў. У ЮНЭСКА зацікавіліся нашымі лепельскімі клёцкамі... А чаму не ? У нас усё - найлепшае !

Праўда,смакаваць у гэты час не будзем... зберагаем страўнік да ранку...

ДАБРАНАЧ, СЯБРЫ ❤️!

Салодкіх сноў...

ДОБРАГА РАНКУ !
МАТУЛЯ ВІТАЕ !

"Сонца сарамліва зазірнула
ў вокны хаткі на лясной паляне,
потым асмялела — агарнула
стройную сасонку прамянямі.

I ад сну начнога абудзіла
белага рамонка, незабудку.
Мякка па лясочку пахадзіла,
птушак і звяроў будзіла хутка.

Весела прырода ўжо спявае,
песняй птушкі сонейка вітаюць,
цёплы ветрык між галін гуляе,
і мурашкі працу пачынаюць.

I раса асколкамі люстэрка
па зялёным сцелецца раздоллі...
Значыць — будзе сёння цэлы дзень
сонечнае яснае надвор'е."

( ВОЛЬГА САВУЦІНА )

Сонца зранку - сапраўды, добрая прыкмета !

Яшчэ хочацца больш плюса ў надвор'і і калі дожджык (а яго абяцаюць!) то хай ласкавы і маленькі, без "выварочвання" парасонаў...

А ўвогуле, я асабіста люблю гэты дзень з першых яго хвілін, таму што - лета, таму што заўтра - выходны, а сёння буду займацца любімай працай і, увогуле, тысячы асабістых прычын, дробненькіх і вялікіх, ісці ў новы чэрвеньскі дзень з настроем і планамі !

Хай збываюцца ўсе ВАШЫ стваральныя памкненні,Сябры !

ДОБРАГА РАНКУ ❤️!

КУЛЬТУРНАЯ ПАЛІТРА БЕЛАРУСІ. МІНСК.

КУЛЬТУРНАЯ ПАЛІТРА БЕЛАРУСІ. СЛОНІМ. ГРОДЗЕНШЧЫНА.

КУЛЬТУРНАЯ ПАЛІТРА БЕЛАРУСІ. МАЛАДЗЕЧНА. МІНШЧЫНА.

КУЛЬТУРНАЯ ПАЛІТРА БЕЛАРУСІ. ВАЎКАВЫСК. ГРОДЗЕНШЧЫНА.

КУЛЬТУРНАЯ ПАЛІТРА БЕЛАРУСІ. БРЭСТ.

НАША НАДВОР'Е.

Прагноз надвор'я па Беларусі на 27 чэрвеня.

Воблачна з праясненнямі.
🌧 На большай частцы тэрыторыі пройдуць дажджы,
Месцамі чакаюцца моцныя дажджы і навальніцы.
Вецер паўднёва-заходні, паўднёвы парывісты,
у асобных раёнах моцны парывісты.
Максімальная тэмпература паветра днём складзе + 19..+25°з.

У Мінску чакаецца:
воблачнае з праясненнямі надвор'е.
🌧 Часам дождж (верагоднасць ападкаў больш за 90%),
⚡️ магчымая навальніца.
Вецер паўднёвы парывісты.
Тэмпература паветра:
раніцай +12..+15 ° з,
днём +19..+21 ° з,
увечары +14..+16°з.

НАШ КАЛЯНДАР.
НАРОДНАЕ.
БЕЛАРУСЫ ПРЫКМЯЧАЛІ...

27 чэрвеня - Елісееў дзень.

Царква кажа пра прарока Елісея, які жыў у IX стагоддзі да нашай эры ў паселішчы Авелмаум блізу ракі Ярдан. Паводле легенды, да служэння яго заклікаў прарок Ілля-адзін з самых шанаваных святых Старога Запавету.

Таксама, хрысціяне ўзгадваюць Сабор Дзівееўскіх святых - манашак і святароў жаночага Серафіма-Дзівееўскага манастыра. Мясціна ў сяле Дзівеева была заснавана ў другой палове XVIII ст.. Цяпер гэтае месца шануюць,як чацвёрты зямны надзел Багародзіцы пасля Іверыі (сучасная Грузія), Святой Гары Афон і Кіева-Пячэрскай лаўры.

У гэты дзень, калі стаяла спёка, ірвалі ў канавах крапіву і секлі яе. Гэта быў абрад для выкліку дажджу, ён гарантаваў ураджай. Алн, дажджлівае 27 чэрвеня абяцала сем тыдняў непагадзі.

Існавалі і іншыя прыкметы дня :
рыба гуляе ў рацэ 🐠– ноччу можа быць навальніца ;
шмат камароў – ураджай на ягады🍓;
шмат мошак – на ўраджай грыбоў🍄‍🟫.

Сёння імяніны ў Георгія, Уладзіміра, Аляксандра, Мікалая, Марыі, Лізаветы.