Чәк-чәкне саклау турында сүз чыкты. Татар ашлары, Шүрәле, Су анасы кебек үк, халык мирасы, аларны да сакларга кирәк булуы бар. Кайчакта милли ашларда кызык күренешләр очрый. Мәсәлән, бәлеш дип карыйсың, ә ул “пирог с курицей и картошкой” булып чыга, яки пәрәмәч кебек итеп бөреп, “кныш” дигән пирожки саталар (Латвия тирәләрендә андый ризык бар икән). “Трафик” кибете “эчпочмак” һәм “треугольник” атамаларын икесен дә куллана, ләкин рекламасында татарча вариантын куймаска булган.