It's Tanzeel ♡.

كتار بنات عندهم عقده ما بقدرو ياخدو راحتهم وسط جماعه ما بقدرو يتونسو حتي ف شله او جماعه بفضلو السكات و الاستماع بس و في نوع تاني ما بحب الظهور اصلا ما بكون عندو اجتماعيات اصلا بكون بس ف البيت و النوع دا علاقاتو محدوده شديد، طبعا الخوف الاجتماعي دا عندو اشكال كتيره شديد و مرات بصل مراحل صعبه تحتاج علاج نفسي و المتابعه مغ طبيب نفسي، دا بكون واصل مراحل بعيده .... بس مرات ف خوف اجتماعي معقول او نقدر نسميهو الخجل الزايد عند اغلب البنات ..
زي مثلا بتكون اجتماعيه نوعا ما بس بتخاف تشارك ف الونسه او ما بتقدر تتحاور بصوره مناسبه و ما عندها الشجاعه الكافيه انها تتكلم قدام الناس بتفضل السكات دايما .


طيب علاج الخوف أو الرُهاب ده شنو؟!

طبعا زي م قلت ليكم بختلف من شخص لشخص و مرات بكون حالتو مستعصيه جدا و بتطلب العلاج الدوائي بواسطة الطبيب النفسي .
بس هنا ح نشرح العلاج الذاتي يعني حاجات تقدري تعمليها براك و تلقي بيها نتائج اذا انتي عارفه حجم مشكلتك قدر كيف و محتاجه شنو

مرات العلاج بكون حاجه بسيطه بيدك بس انتي عاوزه تشجيع...

#خطوات_العلاج:

١_ لازم تعززي ثقتك ف نفسك لانو دايما العندو خوف و خجل من الناس دا زول بكون ثقتو ف نفسو مهزوزه و دايما سبب الخوف الاجتماعي دا بكون راجع للتربيه ف الطفوله و البيئه زي مثلا وقت كنتي طفبه او ف سن المراهقه مريتي مواقف ما سمحه ضمن جماعه من الناس و الحاجه دي ما اتنست ليك و خلت عندك خوف من الناس

اول شي لازم تعمليهو انك تعززي ثقتك ف نفسك و تقويهاا و تتخلصي من الضعف

٢_ بطلي تطلقي احكام علي نفسك و علي الناس 🙂 يعني ما تقولي انا لو اتكلمت او شاركت الناس ح يضحكو علي او ح يقولو علي كذا و كذا او انا فاشله و ما بقدر و هكذاا.... بطلي اوهام ما توهمي نفسك بحاجه ما حاصله و لازم تتكلمي مع نفسك كلام ايجابي

٣_ اهم شي ف العلاج المواجهه و التعرض للمسبب الخوف عندك 🙂 بتخافي من الناس و انك تتكلمي قدامهم لازم تعودي نفسك كل مره اطلعي للناس رجاله حسنه و شاركي حبه حبه اتكلمي لكن تتعودي و تكسري هاجس الخوف جواك مستحيل تعالجي خوفك دا و انتي بتهربي و بتتدسي من الناس و الجماعات .... لازم تواجهي و تتعودي شويه شويه انك تكسري الخوف دا جواك و الكسر دا ما بحصل الا بالمواجهه

٤_ اتخيلي المواقف مثلا اتخيلي نفسك ف وسط جماعه من الناس و انك اتكلمتي و شاركتي طبعا تخيل ايجابي يعني احلام يقظه كدا ... اتخيلي موقف كامل و انك احسنتي التصرف فيهو شويه شويه كرري التمرين دا و عيشي فيهو وقت يجي موقف زي دا انتي ح تلقي نفسك تلقاتئيا اتصرفتي زي التخيل العملتيهو❤️

٥_ اعملي تمارين يوجا و تمارين رياضيه و تمارين تنفس و استرخاء الحاجه دي ح تساعدك كتير و بتريح اعصابك و بتقلل ليك من التوتر

٦_ اتحديثي مع نفسك بصوره ايجابيه دايما و بطلي جلد الذات و الوهم و دايما واجهي المواقف ما تتهربي و حتي ف نفسك انو الماس ما ح تاكلك لو قلتي شي غلط و عادي اي زول ممكن يخطأ ماف زول كامل و مكمل ✌🏻...و ختي في نفسك اذا عاوزه فعلا تتعالجي لازم تواجهي المواقف

٧_ بطلي العزله ما تقعدي براك الحاجه دي ح تزيدك زياده اختلطي بالناس حتي لو ناس البيت اقعدي اتعودي علي الجماعات و عشان تتكسري الهاجس دا برا ف المجتمع حاولي اعملي نشاطات تانيه شاركي في مبادرات او العمل الطوعي لانو العمل الجماعي بعالج بنسبه كبيره مشكله الخجل او الرهاب الاجتماعي

اتدربي بالموااااجهه ثم المواجهه غصب عنك اقعدي مع الناس اجبري نفسك جبر انك تكسري الهاجس دا و صدقيني بالتدريب و شويه شويه ح تلقي نفسك عبرتي و اتخلصتي من المشكله دي

بالعزله و الانطوائيه و الهرب ما بتحلي شي.
حتي لو مشيتي ل طبيب نفسي العلاج الدوائي بكون علاج سلوكي برضو ما بعالجك و ما بجيب نتيحه العلاج في يدك انتي. بيدك انتي تقرري عاوزه تكوني كدا طول حياتك ولا عاوزه تتغيري

ف بعض الناس سبب المشكله حقتهم دي مواقف كعبه زمان ف الطفوله حاولي اتجاوزي الحصل معاك زمان و انسيهو وارميهو ورا ضهرك و ابدي من جديد❤️.

طبقي كل الخطوات دي و خلي عندك رغبه حقيقه عشان تساعدي نفسك الزمن دا صعب شدديد لازم الواحده فينا تكون قويه و قادره تواجهه المجتمع بكل قوه و شراسه اذا كنتي ضعيفه و جبانه من المجتمع صدقيني المجتمع ح يدوس عليك و يستغلك اسواء استغلال ...غير كدا اذا ما عالجتي مشكلة الخوف و الخجل من المجتمع ما ح تنجحي ف شغلك او ف بزنسكك الخاص عموما كدا ح تواجهي صعوبات ف حياتك و ف تحقيق النجاح لقدام

طبقي كل الخطوات دي و بكل جديه ورغبه حقيقه و اذا ما لقيتي نتايج يبقي انتي حالتك صعبه شديد و متاخره يبقي لازم تقابلي اخصائي نفسي 😘 عشان توعي لمشكلتك اكتر و تلقي العلاج البناسبك.

انتي قويه و انتي بتقدري❤️.

بحبكم ي السمحات.


#مشكلة_وحل.
#سلسلة_كيف(1)
#الخوف.
#هولة.
@Fadfadah98.

www.group-telegram.com/ms/Fadfadah98.com/3100

3.8K viewsتنزيل صابر 🖤, edited  Jan 9, 2021 at 02:30

كتار بنات عندهم عقده ما بقدرو ياخدو راحتهم وسط جماعه ما بقدرو يتونسو حتي ف شله او جماعه بفضلو السكات و الاستماع بس و في نوع تاني ما بحب الظهور اصلا ما بكون عندو اجتماعيات اصلا بكون بس ف البيت و النوع دا علاقاتو محدوده شديد، طبعا الخوف الاجتماعي دا عندو اشكال كتيره شديد و مرات بصل مراحل صعبه تحتاج علاج نفسي و المتابعه مغ طبيب نفسي، دا بكون واصل مراحل بعيده .... بس مرات ف خوف اجتماعي معقول او نقدر نسميهو الخجل الزايد عند اغلب البنات ..
زي مثلا بتكون اجتماعيه نوعا ما بس بتخاف تشارك ف الونسه او ما بتقدر تتحاور بصوره مناسبه و ما عندها الشجاعه الكافيه انها تتكلم قدام الناس بتفضل السكات دايما .


طيب علاج الخوف أو الرُهاب ده شنو؟!

طبعا زي م قلت ليكم بختلف من شخص لشخص و مرات بكون حالتو مستعصيه جدا و بتطلب العلاج الدوائي بواسطة الطبيب النفسي .
بس هنا ح نشرح العلاج الذاتي يعني حاجات تقدري تعمليها براك و تلقي بيها نتائج اذا انتي عارفه حجم مشكلتك قدر كيف و محتاجه شنو

مرات العلاج بكون حاجه بسيطه بيدك بس انتي عاوزه تشجيع...

#خطوات_العلاج:

١_ لازم تعززي ثقتك ف نفسك لانو دايما العندو خوف و خجل من الناس دا زول بكون ثقتو ف نفسو مهزوزه و دايما سبب الخوف الاجتماعي دا بكون راجع للتربيه ف الطفوله و البيئه زي مثلا وقت كنتي طفبه او ف سن المراهقه مريتي مواقف ما سمحه ضمن جماعه من الناس و الحاجه دي ما اتنست ليك و خلت عندك خوف من الناس

اول شي لازم تعمليهو انك تعززي ثقتك ف نفسك و تقويهاا و تتخلصي من الضعف

٢_ بطلي تطلقي احكام علي نفسك و علي الناس 🙂 يعني ما تقولي انا لو اتكلمت او شاركت الناس ح يضحكو علي او ح يقولو علي كذا و كذا او انا فاشله و ما بقدر و هكذاا.... بطلي اوهام ما توهمي نفسك بحاجه ما حاصله و لازم تتكلمي مع نفسك كلام ايجابي

٣_ اهم شي ف العلاج المواجهه و التعرض للمسبب الخوف عندك 🙂 بتخافي من الناس و انك تتكلمي قدامهم لازم تعودي نفسك كل مره اطلعي للناس رجاله حسنه و شاركي حبه حبه اتكلمي لكن تتعودي و تكسري هاجس الخوف جواك مستحيل تعالجي خوفك دا و انتي بتهربي و بتتدسي من الناس و الجماعات .... لازم تواجهي و تتعودي شويه شويه انك تكسري الخوف دا جواك و الكسر دا ما بحصل الا بالمواجهه

٤_ اتخيلي المواقف مثلا اتخيلي نفسك ف وسط جماعه من الناس و انك اتكلمتي و شاركتي طبعا تخيل ايجابي يعني احلام يقظه كدا ... اتخيلي موقف كامل و انك احسنتي التصرف فيهو شويه شويه كرري التمرين دا و عيشي فيهو وقت يجي موقف زي دا انتي ح تلقي نفسك تلقاتئيا اتصرفتي زي التخيل العملتيهو❤️

٥_ اعملي تمارين يوجا و تمارين رياضيه و تمارين تنفس و استرخاء الحاجه دي ح تساعدك كتير و بتريح اعصابك و بتقلل ليك من التوتر

٦_ اتحديثي مع نفسك بصوره ايجابيه دايما و بطلي جلد الذات و الوهم و دايما واجهي المواقف ما تتهربي و حتي ف نفسك انو الماس ما ح تاكلك لو قلتي شي غلط و عادي اي زول ممكن يخطأ ماف زول كامل و مكمل ✌🏻...و ختي في نفسك اذا عاوزه فعلا تتعالجي لازم تواجهي المواقف

٧_ بطلي العزله ما تقعدي براك الحاجه دي ح تزيدك زياده اختلطي بالناس حتي لو ناس البيت اقعدي اتعودي علي الجماعات و عشان تتكسري الهاجس دا برا ف المجتمع حاولي اعملي نشاطات تانيه شاركي في مبادرات او العمل الطوعي لانو العمل الجماعي بعالج بنسبه كبيره مشكله الخجل او الرهاب الاجتماعي

اتدربي بالموااااجهه ثم المواجهه غصب عنك اقعدي مع الناس اجبري نفسك جبر انك تكسري الهاجس دا و صدقيني بالتدريب و شويه شويه ح تلقي نفسك عبرتي و اتخلصتي من المشكله دي

بالعزله و الانطوائيه و الهرب ما بتحلي شي.
حتي لو مشيتي ل طبيب نفسي العلاج الدوائي بكون علاج سلوكي برضو ما بعالجك و ما بجيب نتيحه العلاج في يدك انتي. بيدك انتي تقرري عاوزه تكوني كدا طول حياتك ولا عاوزه تتغيري

ف بعض الناس سبب المشكله حقتهم دي مواقف كعبه زمان ف الطفوله حاولي اتجاوزي الحصل معاك زمان و انسيهو وارميهو ورا ضهرك و ابدي من جديد❤️.

طبقي كل الخطوات دي و خلي عندك رغبه حقيقه عشان تساعدي نفسك الزمن دا صعب شدديد لازم الواحده فينا تكون قويه و قادره تواجهه المجتمع بكل قوه و شراسه اذا كنتي ضعيفه و جبانه من المجتمع صدقيني المجتمع ح يدوس عليك و يستغلك اسواء استغلال ...غير كدا اذا ما عالجتي مشكلة الخوف و الخجل من المجتمع ما ح تنجحي ف شغلك او ف بزنسكك الخاص عموما كدا ح تواجهي صعوبات ف حياتك و ف تحقيق النجاح لقدام

طبقي كل الخطوات دي و بكل جديه ورغبه حقيقه و اذا ما لقيتي نتايج يبقي انتي حالتك صعبه شديد و متاخره يبقي لازم تقابلي اخصائي نفسي 😘 عشان توعي لمشكلتك اكتر و تلقي العلاج البناسبك.

انتي قويه و انتي بتقدري❤️.

بحبكم ي السمحات.


#مشكلة_وحل.
#سلسلة_كيف(1)
#الخوف.
#هولة.
@Fadfadah98.

BY It's Tanzeel ♡.