group-telegram.com/IRI2day/241
Last Update:
🔵Իրանի Ճանապարհների և քաղաքաշինության նախարարի ու Ադրբեջանի փոխվարչապետի մասնակցությամբ տեղի է ունեցել Աստարա գետի վրա նոր կամուրջի հիմնարկեքի արարողությունը: Ըստ իրանցի նախարարի՝ նախատեսվում է նախագիծն ավարտին հասցնել 18 ամսում:
➡️Աստարա գետի վրա Իրանն Ադրբեջանին կապող երկու կամուրջ կա, որից մեկը՝ երկաթուղային: Վերջինս շահագործման է հանձնվել 2018 թվականին: Ավտոմոբիլային կամուրջի կառուցման հարցը ակտիվորեն շրջանառվում է 2020 թվականից։ Ի սկզբանե հայտարարվել էր, որ 2020-ի հունիսին տեղի կունենա հիմնարկեքի արարողությունը։ Սակայն կամուրջի կառուցման մասին փոխըմբռնման հուշագիրը ստորագրվել է միայն մեկ տարի անց՝ 2021 թվականի հունիսին, համաձայնագիրը՝ երեկ։
➡️Դեռևս հունիսին հայտարարվել էր, որ 4,7 մլն եվրո արժեցող նախագիծն իրականացվելու է համատեղ ֆինանսավորմամբ (50/50) և 12 ամսվա ընթացքում (իսկ դեկտեմբերին հայտարարում էին, որ 15 ամսում է կառուցվելու, հիմա էլ՝ 18): Ասում են՝ կամուրջի կառուցմամբ՝ օրական 1000 միավոր մեքենա կկարողանա անցնել դրանով (մուտք/ելք):
➡️Նոր կամուրջի կառուցման անհրաժեշտությունը կողմերը պայմանավորում են բեռնափոխադրումների ծավալների շատ և գործող կամուրջի նեղ լինելու հանգամանքով, ինչը երբեմն ներկայացվում է նաև որպես Աստարայում բեռնատարների հերթերի գոյացման պատճառներից մեկը։ @IRI2day
BY Իրանն այսօր
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/IRI2day/241