Abu-Dabidagi Barqaror taraqqiyot haftaligi sammitida O‘zbekiston Prezidenti Shavkat Mirziyoyev Janobi Oliylari:

✅ Barqaror rivojlanishga oʻtish, global xavfsizlik uchun yashil iqtisodiyot va mintaqaviy oʻzaro bogʻliqlikka eʼtibor qaratish muhim;

✅ 2025-yil O‘zbekistonda “Atrof-muhitni asrash va “yashil” iqtisodiyot” yili deb e’lon qilindi, bu mamlakatning uglerod chiqindilarini kamaytirish va yashil texnologiyalarni joriy etish majburiyatini yuklaydi;

✅ So‘nggi besh yilda energetika sohasiga $20 milliard sarmoya kiritildi, 14 ta quyosh va shamol elektr stansiyalari ishga tushirildi, 2030-yilgacha qayta tiklanadigan energiya manbalari ulushini 54% ga yetkazish reja qilingan;

✅ Mazkur yo‘nalishda mintaqaviy hamkorlikni yanada kuchaytirib, Markaziy Osiyoni “yashil” iqtisodiy rivojlanish va “toza energiya” markazlaridan biriga aylantirish niyatidamiz;
✅ Biz Markaziy Osiyoning quyosh, suv, shamol energiyasi hamda “yashil” vodorodni ishlab chiqarish bo‘yicha ulkan salohiyatini birgalikda rivojlantirishdan manfaatdormiz;
✅ Nufuzli ilmiy markazlar, ekspert va olimlarni Toshkentda ochilgan “Yashil” universitet bilan tadqiqotlar va innovatsiya dasturlarini amalga oshirishda faol hamkorlikka chaqiramiz;

✅ O'zbekistonda qishloq xoʻjaligida resurs tejovchi texnologiyalarni joriy etish borasidagi saʼy-harakatlarda sezilarli yutuqlarga erishdik, tarmoqqa suv tejovchi texnologiyalarni 100 foiz tatbiq etish bo‘yicha tizimli ishlar qilyapmiz;

✅ Qishloq joylarda ekologik barqarorlikni yaxshilash tashabbuslari bilan bir qatorda “Yashil makon” dasturi doirasida shaharlar hududlarining kamida 30 foizi ko‘kalamzor maydonlarga aylantiriladi;

✅ 2030-yilgacha zararli chiqindilarni 35 foizga qisqartirish va bu majburiyatni doimiy oshirib borishni reja qilganmiz;

✅ Iqlim tufayli yo‘qotish va zararlarni baholash bo‘yicha xalqaro markazni ta’sis etish, daryo ekotizimlari xavfsizligini ta’minlash, Suv tejovchi texnologiyalar mintaqaviy xabini tashkil qilish, O‘simliklar genetik resurslari bankini yaratish tashabbuslarini ilgari surdik va barcha hamkorlarimiz bilan amaliy ishlarni boshlashga tayyormiz.

X | Facebook | Instagram | Telegram