Бүгүн сарсыарда А.Г.Габышев аатынан "Биһик" оҕо уһуйаанын бэлэмнэнии бөлөх оҕолоро Савелий Алексеев уонна Валерия Егорова кэлэ сырыттылар. Ахсынньы 4 к. "Биһик" оҕо уһуйаана үбүлүөйдээх 60 сылын бэлиэтиир. Кырачааннар салайааччылартан интервью ыла сылдьаллар эбит. Оҕо эрдэхпинэ детсадка сылдьыбыппар сыһыаннаах ыйытыктары биэрдилэр. Бастакы баспытааталым туһунан, оҕо уһуйааныгар сылдьан өйдөөн хаалбыт түгэннэрбиттэн ыйыттылар. Чобуо, сайаҕас оҕолор диэн хайҕаатым.