СапÆ

Тыхмитӕ кӕмӕн бакодтой, уыцы прокуроры систой йæ куыстæй   

🔻Республикӕйы сӕйраг прокуроры уынаффӕмӕ гӕсгӕ прокуратурӕйы кусджыты нымӕц фӕкъаддӕр кодтой. Æнæ куыстæй чи баззад, уыдоны 'хсӕн ис, тыхмитӕ кӕмӕн бакодтой, уыцы сылгоймаг-прокурор дӕр. Йӕ бынаты ныхмӕ йын радтой куыст равзарыны фадат, фӕлӕ уӕгъд уыдысты ӕрмӕст шофырты бынӕттӕ. Ууыл сылгоймаг не сразы.

Уымӕй уӕлдай ма, йæ ныхӕстӕм гӕсгӕ, уголовон хъуыддаг куы байгом кодтой, уӕдӕй фӕстӕмӕ йын йæ куыст цыппар хатты басгӕрстой. Йӕ хъуыдымӕ гӕсгӕ йӕ ахӕм хуызы прокуратурӕйæ цӕуын кӕнынц. Сӕвзӕргæ уавӕр раиртасыны тыххӕй сылгоймаг бацагуырдта Уӕрӕсейы генералон прокурор Игорь Красновы ӕххуыс.

«Сапӕ» ма куыд хъусын кодта, афтӕмӕй йын тыхмитӕ чи бакодта, уыцы ӕмкусӕг Григорий Авакяныл сылгоймаг-прокурор бахъаст кодта июлы райдианы. Нӕлгоймаджы ӕрцахстой, августы та хъуыддаг йӕхимӕ райста Слестгӕнӕн комитеты сӕйраг управлени Мӕскуыйы. 16-ӕм декабрмӕ уыдзӕн хъахъхъӕнджыты къухы.

💬 «Цы 'рцыдис, уый тыххӕй 3-ӕм июлы йӕ разамындӕн куы фехъусын кодта, уӕд ын ӕххуысӕй зӕрдӕ бавӕрдтой, фӕлӕ куыд уынӕм, афтӕмӕй уавӕр бынтон ӕндӕрхуызон у. Генералон прокуратурӕйӕ куырдтам, цӕмӕй хъуыддагмӕ цӕст дарой, уыдон та йӕ фӕстӕмӕ ардӕм ӕрбарвыстой. Ӕмӕ уӕдӕй фӕстӕмӕ иу сгӕрст иннӕйы фӕдыл», — зæгъы йæ адвокат Кокайты Алан.

Сылгоймаг ныффыста Уӕрӕсейы президентмӕ ӕмӕ бацагуырдта адӕймаджы бартӕ хъахъхъӕнӕджы ӕххуыс. Йӕ ныхӕстӕм гӕсгӕ, слестгӕнджыты къорды нæ бауагътой, фыдми кӕм ӕрцыд, уыцы кабинетмӕ, ӕвӕстиатӕй йӕ цалцӕг кӕнын райдыдтой, камерӕты видеотӕ та схафтой. 

Сылгоймаг «Сапӕ»-йӕн куыд радзырдта, афтӕмӕй 1-ӕм ноябры республикон прокуратурӕйы ӕдасдзинады службӕйы разамонӕг Мысыкаты Левыл Уӕрӕсейы слестгӕнӕн комитет байгом кодта уголовон хъуыддаг, рӕстдзинад ӕмӕ хъуыддаг равзарынӕн цӕлхдуртӕ кӕй ӕвӕрдта, уый тыххӕй. Фӕлӕ дыккаг бон генералон прокуратурӕ йӕ уынаффӕ аивта.

💬 «15 азы кӕм фӕкуыстон, уыцы къабазы бон мӕ бахъахъхъæнын нӕу, кӕнӕ та йӕ нӕ фӕнды. Мӕ зындзинӕдтимӕ иунӕгӕй аззадтӕн. Ацы хъуыддаг тагъддӕр куы фӕуид ӕмӕ аххосджын закъонмӕ гӕсгӕ ӕфхӕрд куы баййафид, уый мӕ тынг фӕнды» — зӕгъы сылгоймаг.

⚫️ Дæхи «СапÆ»-йыл бафысс

Please open Telegram to view this post

VIEW IN TELEGRAM

Please open Telegram to view this post

VIEW IN TELEGRAM

www.group-telegram.com/ms/ironsapa.com/2272

296 viewsNov 25 at 10:50

Тыхмитӕ кӕмӕн бакодтой, уыцы прокуроры систой йæ куыстæй   

🔻Республикӕйы сӕйраг прокуроры уынаффӕмӕ гӕсгӕ прокуратурӕйы кусджыты нымӕц фӕкъаддӕр кодтой. Æнæ куыстæй чи баззад, уыдоны 'хсӕн ис, тыхмитӕ кӕмӕн бакодтой, уыцы сылгоймаг-прокурор дӕр. Йӕ бынаты ныхмӕ йын радтой куыст равзарыны фадат, фӕлӕ уӕгъд уыдысты ӕрмӕст шофырты бынӕттӕ. Ууыл сылгоймаг не сразы.

Уымӕй уӕлдай ма, йæ ныхӕстӕм гӕсгӕ, уголовон хъуыддаг куы байгом кодтой, уӕдӕй фӕстӕмӕ йын йæ куыст цыппар хатты басгӕрстой. Йӕ хъуыдымӕ гӕсгӕ йӕ ахӕм хуызы прокуратурӕйæ цӕуын кӕнынц. Сӕвзӕргæ уавӕр раиртасыны тыххӕй сылгоймаг бацагуырдта Уӕрӕсейы генералон прокурор Игорь Красновы ӕххуыс.

«Сапӕ» ма куыд хъусын кодта, афтӕмӕй йын тыхмитӕ чи бакодта, уыцы ӕмкусӕг Григорий Авакяныл сылгоймаг-прокурор бахъаст кодта июлы райдианы. Нӕлгоймаджы ӕрцахстой, августы та хъуыддаг йӕхимӕ райста Слестгӕнӕн комитеты сӕйраг управлени Мӕскуыйы. 16-ӕм декабрмӕ уыдзӕн хъахъхъӕнджыты къухы.

💬 «Цы 'рцыдис, уый тыххӕй 3-ӕм июлы йӕ разамындӕн куы фехъусын кодта, уӕд ын ӕххуысӕй зӕрдӕ бавӕрдтой, фӕлӕ куыд уынӕм, афтӕмӕй уавӕр бынтон ӕндӕрхуызон у. Генералон прокуратурӕйӕ куырдтам, цӕмӕй хъуыддагмӕ цӕст дарой, уыдон та йӕ фӕстӕмӕ ардӕм ӕрбарвыстой. Ӕмӕ уӕдӕй фӕстӕмӕ иу сгӕрст иннӕйы фӕдыл», — зæгъы йæ адвокат Кокайты Алан.

Сылгоймаг ныффыста Уӕрӕсейы президентмӕ ӕмӕ бацагуырдта адӕймаджы бартӕ хъахъхъӕнӕджы ӕххуыс. Йӕ ныхӕстӕм гӕсгӕ, слестгӕнджыты къорды нæ бауагътой, фыдми кӕм ӕрцыд, уыцы кабинетмӕ, ӕвӕстиатӕй йӕ цалцӕг кӕнын райдыдтой, камерӕты видеотӕ та схафтой. 

Сылгоймаг «Сапӕ»-йӕн куыд радзырдта, афтӕмӕй 1-ӕм ноябры республикон прокуратурӕйы ӕдасдзинады службӕйы разамонӕг Мысыкаты Левыл Уӕрӕсейы слестгӕнӕн комитет байгом кодта уголовон хъуыддаг, рӕстдзинад ӕмӕ хъуыддаг равзарынӕн цӕлхдуртӕ кӕй ӕвӕрдта, уый тыххӕй. Фӕлӕ дыккаг бон генералон прокуратурӕ йӕ уынаффӕ аивта.

💬 «15 азы кӕм фӕкуыстон, уыцы къабазы бон мӕ бахъахъхъæнын нӕу, кӕнӕ та йӕ нӕ фӕнды. Мӕ зындзинӕдтимӕ иунӕгӕй аззадтӕн. Ацы хъуыддаг тагъддӕр куы фӕуид ӕмӕ аххосджын закъонмӕ гӕсгӕ ӕфхӕрд куы баййафид, уый мӕ тынг фӕнды» — зӕгъы сылгоймаг.

⚫️ Дæхи «СапÆ»-йыл бафысс