group-telegram.com/unter_monchisher_Kutte/89
Last Update:
[УСТУП]
ці ты мне сястра Мірыям
ці посах пасуе да пасмаў тваіх
ці плешча пясок паміж пальцаў тваіх
ці не панурыць пэсах пелюхоў тваіх
ты свабодная Мірыям
будзе зь цябе нявеста
[СТАЦЫЯ І]
выплюньце вуснаў зьмяю
нас у школах вучылі
ператвараць на галіны вужоў
і на сарафімаў назад
хай мова вашая полымем пад Пітонам
не перасмыкаецца
нябожчыкаў у тэтрапаках усёведнае галы
было меней
як пясчынак на стоме тваіх плячэй
мы пакрышым іх на кавалкі
прынясём на радасьць плоднай Дэмэтры
на стогне тваёй бісернай працы
зьлітуйся зь беднай жывёлы
[СТАЦЫЯ ІІ]
ня дзьмі так моцна
пясок на маіх дамінантах
мы ахвяруем сьнегу якому
смакуюць франтоны найлепш
якая розьніца як называць цукар
карамель маіх зрэнак пазаколерная
пан
тон
пан
тэон
[СТАЦЫЯ ІІІ]
валасы твае плятуць павукі
яны спускаюцца да шыі
ім ножкі падрэжуць цырульнікі
зямля абяцаная
абясцэненая пірамідамі іх павуціння
не знайшоўшы ў кустах агрэсту
там сястра шукай збавеньня
BY сатурнінскія скокі
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/unter_monchisher_Kutte/89