group-telegram.com/viasna_brest/4025
Last Update:
У Берасці другі раз судзілі экс-палітвязня. Што дакладна яму прад'яўлялі — невядома, суд ад самага пачатку зрабілі закрытым
Берасцеец Віталь Зарадзей у пэўны момант лічыўся самым сталым палітычным зняволеным у краіне. За скаргі, якія ён накіроўваў у суд (і дзе знайшлі "абразы суддзяў", "абразы Лукашэнкі") пенсіянеру тады прысудзілі 2 гады калоніі. Ён цалкам адсядзеў тэрмін ды ў снежні 2022 выйшаў на волю.
🔻Але 5 і 6 верасня суд Берасцейскага раёну разглядаў новую крымінальную справу супраць Віталя Зарадзея.
Дзе і ў якім стане знаходзіцца Зарадзей — дакладна невядома. У судовую залю ён напачатку суду не заходзіў.
Таксама дакладна невядома, што Зарадзею ставілі ў віну на гэты раз. Бо ад самага пачатку суддзя Сухадольская закрыла працэс. Але ў судовым раскладзе былі пазначаны артыкулы, якія закідалі Зарадзею: арт.391 (абраза суддзі), ч.2 арт.368 (абраза Лукашэнкі), ч.1 арт.377 (пашкоджанне дакументаў).
Калі Вам вядома, дзе 71-гадовы Віталь Зарадзей, што яму прысудзілі — паведаміце нам 👉 @BrestSOS
BY Вясна | Брэст
Share with your friend now:
group-telegram.com/viasna_brest/4025