❗️У Брэсьце карнікі расстралялі аўтамабіль беларуса, падазраванага ў "экстрэмізме" — мужчына паранены

Сьцвярджаецца, што 46-гадовы жыхар Брэста меў дачыненьне да «дэструктыўнай дзейнасці». Карнікі спынілі яго аўтамабіль, аднак мужчына «не рэагаваў і замкнуўся ў машыне».

Затрыманьне праходзіла ў прыватным сектары, і дзеяньні мужчыны нібыта «ўяўлялі рэальную пагрозу для навакольных». Каб спыніць аўтамабіль, служкі стралялі з агнястрэльнай зброі. Мужчына атрымаў «нязначныя траўмы».

Паведамляецца, што затрыманьне праводзіў ГУБАЗіК і атрад «Шторм».

Пры вобшуку ў яго дома быццам бы знайшлі светлашумавыя гранаты і рэчыва, падобнае на порах.

Распачата крымінальная справа за «гвалт або пагрозу прымяненьня гвалту ў дачыненьні да супрацоўніка органаў унутраных спраў».

Варта адзначыць, што "экстрэмізмам" акупацыйны рэжым называе любыя патрыятычныя, прабеларускія погляды.