Презентація далшого числа "Алманаха" русинської літературы удбыла ся вчора в Ужгородськӯв Публичнӯв Бібліотецї. Два три слова за саму подїю уд мене.

Сьогорӯчный номер є збирьков шелиякого красного писаня по-русинськы за 2023. гӯд, хоть на тітулі видиме гӯд 2024 - бо кӯнцьом сього рока ся лиш выдав. Сись рочник, як знаєме выд самого ушорителя тай головного редактора, Юры Шиповича, быв зобратый тай фактічно вычитаный и готовый до выпуска щи кӯнцьом такой 2023. года. Айбо спозад проблем из фінансованьом тай поєдных другых насущных проблем удклав ся аж сяк надовго.

Сама презентація была доста скромна, рунявучи из спередущов, но даяк по-сімейному тепла. Анна Меґела, коректорка сього числа, похвалила кваліту матеріалу, удмітила новых інтересных авторӯв. 4 нові авторы публиковали ся у сьому числови, помежи котрыми и Віра Мурничка, та вже там кушницькых маєме двох :)

Найшло ся там місто и про мою єдну новелу, за котру-м быв, кидь чесно, домак забыв.

2. новембра в Ужгородськуй публічнуй бібліотеці ся удбыла презентація «Алманаха днешньої русинської літературы» за 2024. рук.

Читайте на сайтови «Отцюзнины»:
https://otcuznyna.com/prezentacija-almanacha-2024/

У сектемброви сьме збирали гроші Славови Приймови на потач на фронт. Пак дуже скоро по тому ворог поцїлив по ним, Славови почемсало читаво руку, раз є на реабілітації, заходив до ня на кавиль тай на ратоту. Познакомив им го из Сїрочком.

Закидь ся монтує ОЗМ10, та нагадаву вам, ож сут люди, вдяку котрым можете си вичӯр пустити на ютубови епізоду даякого шоу. Завирзьте копійку дакому з них. Дакому, тко вас сокотит.

Можеме обрадовати честованых читачув «Отцюзнины» — майсвіжоє число уже иде д вам.
На сесь раз дарабы ся заганяли в основному силами «Нової пошты»; часть тиража буде роздана «у рукы» позад специфікы ситуації. Електронный варіант «Отцюзнины» чекайте на нашому сайтови за пару тыжнюв.