قدرات ثانوي ( ورقي و محوسب )

قدرات ثانوي ( ورقي و محوسب )

Photo

#تجربه

السلام عليكم و رحمة الله و بركاته. الحمد لله جا اليوم الي كنت استناه عشان اعلمكم عن تجربتي في البداية كنت ببدي في القدرات من ثاني ثانوي و رحت شريت المعاصر و يوم اذاكر و يوم لا و قعدت اماطل اماطل لين خلصت ثاني و بعدي ما خلصته يوم تعدلت اوضاعي و خلصنا اختبارات ثاني ثانوي الفصل الثالث جت الإجازة و قلت خلاص باخلص عليه قبل الدراسة طبعا نفس الكلام قعدت اماطل لين قبل الدراسة بأسبوع ( السنة الحالية قبل ثلاثة شهور تقريبا أو أكثر ) و شفت ان الوضع يخوف خاصة أن كل يوم أهلي يسألوني كيفك مع القدرات و من ذا الكلام و أنا كنت أمشي و أسلك لهم فا قلت خلاص لمتى و انا على هالحال قلت بذاكر من الحين بس انا عارف اني يمكن اماطل و ما التزم فحطيت نفسي امام الأمر الواقع و قلت خلاص بحجز بعد شهرين لثلاثة شهور عشان يكون عندي وقت محدد اذاكر فيه و ان كل يوم محسوب عليي فالمفروض ما اضيع و لا يوم و فعلا حجزت و حطيت لي جدول و مصادر معينة لان كنت متشتت من المصادر و مو عارف وشو آخذ و وشو أخلي بس كان عندي المعاصر ٦ بلس و ال١٢٠ كمي قلت باعتمد عليهم فقط في الكمي و اللفظي سمعت ان ال١٢٠ نموذج يغنيك في اللفظي عن اي مصدر آخر بديت اول اسبوعين و كنت ماشي في المذاكرة و فجأة نزل المعاصر ٧ هنا انا كنت متردد بين اشتريه و اذاكره كامل ولا استمر على ٦ بلس قعدت و سألت طمنوني الناس و أستاذ عماد ان اذا كنت ماشي في ٦ بلس كمل عليه و امورك تمام إن شاء الله بس سبحان الله ما ارتحت و انا اذاكر ال ٦ بلس و قلت لازم اشتري ٧ و اذاكره قبل امتحاني و فعلا شريته و خلصته مرتين و خلصت ملف الرسومات البيانية و راجعته و كنت ماشي في ال١٢٠ لفظي كل يوم تقريبا ٤ إلى ٥ نماذج على حسب و كانت خطتي محددة ان قبل الاختبار اخلص كل شيء الحمد لله خطتي كانت ماشية تمام لين قبل اختباري أقل من اسبوعين بقى لي بس ال ١٤٠ نموذج كمي و تقريبا ٣٥ نموذج لفظي و انا مستمر في المذاكرة ضرب عليي العصب في السن و تعبت و كان يخف الألم في الليل و يصير مالي خلق اذاكر حسيت ان مخي انهلك خاصة قبل الاختبار بشوي صرت ما انام عدل و لا آكل عدل ما قدرت اخلص من ال١٤٠ نموذج الا ٤٠ يعني بقى لي ١٠٠ نموذج ما ذاكرتهم حزتها تضايقت لأن كان هدفي اخلصهم كلهم و كنت ابغى اقفل على القدرات من أول محاولة بس الحمد لله صار الي صار و اللفظي خلصت النماذج بس آخر ١٠ نماذج ما ذاكرتهم و كان اليوم الي قبل اختباري الجلسة الاولى لخلع العصب و كنت خايف ان يأثر عليي وقت الاختبار بس توكلت على الله و طلعت ذاك اليوم مو عارف اسوي شيء من الالم و متضايق لأن كان عندي جزئية قبل اختباري بيوم و هي ان اتابع تسريبات الاسبوع كامل خف الالم في الليل نمت و قعدت الصباح و بعدها رحت للإختبار و الحمد لله كان سهل و قفلت عليه بفضل الله من اول محاولة و طلعت النتيجة بعد اربعة ايام و لا احكي عن الشعور لمن تشوف الدرجة الي كنت تطمح فيها و تتذكر اللحظات الي مرت عليك و أخيرا حاب أشكر اهلي و من ساندني من الزملاء الأعزاء و الحمد لله أولًا و أخيرًا

مصادري كانت
الكمي : المعاصر ٧ مع ملف الرسومات البيانية مع ال١٤٠ نموذج ( جميعهم مع بعض )

اللفظي : ال ١٢٠ لفظي فقط

مدة مذاكرتي شهرين تقريبا
و الحمد لله رب العالمين خلصته من أول محاولة مع ان ناس كثير قالوا صعب انك تجيب الدرجة الي تبغاها لكن بالعكس شفت انك اذا شديت على روحك و عطيت القدرات حقه يمديك بإذن الله أن تقفل عليه من أول محاولة و بس اتمنى اني ما طولت عليكم و اعطيتكم دفعة من الحماس و دعواتكم لي بالتحصيلي و بالتوفيق للجميع 💙💙

📍 قناة تجارب القدرات : https://www.group-telegram.com/nl/Kodurat1.com
📍 قروب قدرات ثانوي : https://www.group-telegram.com/Kodurat2
📍 قناة تسريبات قدرات : https://www.group-telegram.com/Kodurat3
-
لمشاركة تجربتك أرسل هنا @Tgarpqudrat_bot

www.group-telegram.com/nl/Kodurat1.com/1316

13.5K viewsNov 10, 2022 at 09:38

#تجربه

السلام عليكم و رحمة الله و بركاته. الحمد لله جا اليوم الي كنت استناه عشان اعلمكم عن تجربتي في البداية كنت ببدي في القدرات من ثاني ثانوي و رحت شريت المعاصر و يوم اذاكر و يوم لا و قعدت اماطل اماطل لين خلصت ثاني و بعدي ما خلصته يوم تعدلت اوضاعي و خلصنا اختبارات ثاني ثانوي الفصل الثالث جت الإجازة و قلت خلاص باخلص عليه قبل الدراسة طبعا نفس الكلام قعدت اماطل لين قبل الدراسة بأسبوع ( السنة الحالية قبل ثلاثة شهور تقريبا أو أكثر ) و شفت ان الوضع يخوف خاصة أن كل يوم أهلي يسألوني كيفك مع القدرات و من ذا الكلام و أنا كنت أمشي و أسلك لهم فا قلت خلاص لمتى و انا على هالحال قلت بذاكر من الحين بس انا عارف اني يمكن اماطل و ما التزم فحطيت نفسي امام الأمر الواقع و قلت خلاص بحجز بعد شهرين لثلاثة شهور عشان يكون عندي وقت محدد اذاكر فيه و ان كل يوم محسوب عليي فالمفروض ما اضيع و لا يوم و فعلا حجزت و حطيت لي جدول و مصادر معينة لان كنت متشتت من المصادر و مو عارف وشو آخذ و وشو أخلي بس كان عندي المعاصر ٦ بلس و ال١٢٠ كمي قلت باعتمد عليهم فقط في الكمي و اللفظي سمعت ان ال١٢٠ نموذج يغنيك في اللفظي عن اي مصدر آخر بديت اول اسبوعين و كنت ماشي في المذاكرة و فجأة نزل المعاصر ٧ هنا انا كنت متردد بين اشتريه و اذاكره كامل ولا استمر على ٦ بلس قعدت و سألت طمنوني الناس و أستاذ عماد ان اذا كنت ماشي في ٦ بلس كمل عليه و امورك تمام إن شاء الله بس سبحان الله ما ارتحت و انا اذاكر ال ٦ بلس و قلت لازم اشتري ٧ و اذاكره قبل امتحاني و فعلا شريته و خلصته مرتين و خلصت ملف الرسومات البيانية و راجعته و كنت ماشي في ال١٢٠ لفظي كل يوم تقريبا ٤ إلى ٥ نماذج على حسب و كانت خطتي محددة ان قبل الاختبار اخلص كل شيء الحمد لله خطتي كانت ماشية تمام لين قبل اختباري أقل من اسبوعين بقى لي بس ال ١٤٠ نموذج كمي و تقريبا ٣٥ نموذج لفظي و انا مستمر في المذاكرة ضرب عليي العصب في السن و تعبت و كان يخف الألم في الليل و يصير مالي خلق اذاكر حسيت ان مخي انهلك خاصة قبل الاختبار بشوي صرت ما انام عدل و لا آكل عدل ما قدرت اخلص من ال١٤٠ نموذج الا ٤٠ يعني بقى لي ١٠٠ نموذج ما ذاكرتهم حزتها تضايقت لأن كان هدفي اخلصهم كلهم و كنت ابغى اقفل على القدرات من أول محاولة بس الحمد لله صار الي صار و اللفظي خلصت النماذج بس آخر ١٠ نماذج ما ذاكرتهم و كان اليوم الي قبل اختباري الجلسة الاولى لخلع العصب و كنت خايف ان يأثر عليي وقت الاختبار بس توكلت على الله و طلعت ذاك اليوم مو عارف اسوي شيء من الالم و متضايق لأن كان عندي جزئية قبل اختباري بيوم و هي ان اتابع تسريبات الاسبوع كامل خف الالم في الليل نمت و قعدت الصباح و بعدها رحت للإختبار و الحمد لله كان سهل و قفلت عليه بفضل الله من اول محاولة و طلعت النتيجة بعد اربعة ايام و لا احكي عن الشعور لمن تشوف الدرجة الي كنت تطمح فيها و تتذكر اللحظات الي مرت عليك و أخيرا حاب أشكر اهلي و من ساندني من الزملاء الأعزاء و الحمد لله أولًا و أخيرًا

مصادري كانت
الكمي : المعاصر ٧ مع ملف الرسومات البيانية مع ال١٤٠ نموذج ( جميعهم مع بعض )

اللفظي : ال ١٢٠ لفظي فقط

مدة مذاكرتي شهرين تقريبا
و الحمد لله رب العالمين خلصته من أول محاولة مع ان ناس كثير قالوا صعب انك تجيب الدرجة الي تبغاها لكن بالعكس شفت انك اذا شديت على روحك و عطيت القدرات حقه يمديك بإذن الله أن تقفل عليه من أول محاولة و بس اتمنى اني ما طولت عليكم و اعطيتكم دفعة من الحماس و دعواتكم لي بالتحصيلي و بالتوفيق للجميع 💙💙

📍 قناة تجارب القدرات : https://www.group-telegram.com/nl/Kodurat1.com
📍 قروب قدرات ثانوي : https://www.group-telegram.com/Kodurat2
📍 قناة تسريبات قدرات : https://www.group-telegram.com/Kodurat3
-
لمشاركة تجربتك أرسل هنا @Tgarpqudrat_bot

BY قدرات ثانوي ( ورقي و محوسب )