group-telegram.com/bukis_baza/20785
Last Update:
მედიაში გავრცელებული ინფორმაციით, პრეზიდენტ დონალდ ტრამპის ელჩი საგანგებო საკითხებში, რიჩარდ გრენელი, 31 იანვარს კარაკასში გაემგზავრა ვენესუელის პრეზიდენტ ნიკოლას მადუროსთან შესახვედრად.
აღნიშნულ ინფორმაციას გამოცემა Washington Post საკითხზე ინფორმირებულ ორ წყაროზე დაყრდნობით ავრცელებს. ამასთანავე, მიიჩნევა, რომ 2022 წლის შემდეგ ეს პირველი პირდაპირი შეხვედრა იქნება ამერიკელ მაღალჩინოსანსა და მადუროს შორის.
გრენელი ტრამპის ყოფილი ადმინისტრაციის პერიოდში, 2017-2021 წლებში გერმანიაში აშშ-ს ელჩის თანამდებობას იკავებდა. ამავე პერიოდში გრენელი აშშ-ს ეროვნული დაზვერვის დირექტორიც იყო.
გავრცელებული ცნობების მიხედვით, გრენელი მადუროსთან ერთად აშშ-დან მიგრანტების დეპორტაციის, კრიმინალური ორგანიზაცია Tren de Aragua-ს წინააღმდეგ თანამშრომლობისა და ენერგოპოლიტიკის საკითხებს განიხილავს.
ინაუგურაციამდე, 9 იანვარს, ვენესუელის ოპოზიციის ლიდერის, მარია კორინა მაჩადოს დაკავების შემდეგ, დონალდ ტრამპმა Truth Social-ზე გამოქვეყნებულ პოსტში ვენესუელაში "თავისუფლებისთვის მებრძოლ" ხალხს მხარდაჭერა გამოუცხადა, ხოლო ნიკოლას მადუროს ოპონენტი, ოპოზიციონერი ედმუნდო გონსალესი ქვეყნის არჩეულ პრეზიდენტად მოიხსენია.
BY ჯემნიუსი
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/bukis_baza/20785