group-telegram.com/katolik_life/1696
Last Update:
Дзе і як адзначыць Дзень святога Валянціна? У адзіным у Беларусі касцёле ў ягоны гонар
Узначаліць свята ў парафіі ў Смалявічах біскуп Андрэй Зноска.
[на русском с VPN – здесь, если не открывается – пробуйте здесь]
Адпуст святога Валянціна адбудзецца 16 лютага ў Смалявічах. Тут знаходзіцца адзіны ў Беларусі касцёл, які мае тытул Святога Валянціна і штогод збірае мясцовых вернікаў і гасцей, якія жадаюць па-хрысціянску адзначыць «дзень закаханых».
Свята перанеслі на выходны, каб больш вернікаў змаглі ўдзельнічаць у ім.
Цэлебрацыю святой Імшы аб 11-й гадзіне ўзначаліць дапаможны біскуп Пінскай дыяцэзіі Андрэй Зноска.
Як гаворыцца ў аб'явах парафіі, падчас Імшы будуць маліцца ў інтэнцыях да святога Валянціна, якія збіраюць на спецыяльных картках. Дзеці пакажуць сцэнку, пасля адбудзецца абед – удзельнікаў просяць прыносіць з сабой стравы, каб частаваць адзін аднаго.
Нагадаем, святы Валянцін – біскуп і пакутнік, адпачатку папулярнае свята не мае ніякіх «антымаральных» рысаў, насуперак распаўсюджаным памылкам.
BY Katolik.life. Неафіцыйнае
Share with your friend now:
group-telegram.com/katolik_life/1696