group-telegram.com/myhalprykazuie/899
Last Update:
🔔Петро Кузмяк (1816 - †13.01.1900) - русинськый педаґоґ, поет, культурный чинитель. У 2025 році уповнює ся 125 рокув уд його смерти.
Родив ся у Странянах на Пряшовщині. Учив ся у Подолинцьови тай у Дебреценови, куртый час ходив на педаґоґічні курсы в Ужгороді. Спозад фінансовых проблем пушов служити в монастырь, но лишив го. У 1841-1848 рр. учительовав тай робив нотарьом у селови Якубяны недалеко Старої Любовні. Быв учасником революції 1848 року. У 1855 році осів у Руському Керестурі у Воєводині, де став учительом парафіяльної школы. На сьому скромному посту робив аж до выхода на пінзію у 1892 році. Умер у Руському Керестурі у 1900 році.
Петро Кузмяк честує ся ги єден із закладателюв русинського школованя тай культурного живота. Кузмяк за 38 рокув учительованя в Руському Керестурі уплекав цілу ґенерацію русинської інтеліґенції: межи ними Михайло Мудри, Дюра Биндас, Гавриїл Костельник і другі. Русинська ґімназія у Керестурі дотипир носить імня Петра Кузмяка.
#тямиме #будителі #Кузмяк
BY Мигаль приказує
Share with your friend now:
group-telegram.com/myhalprykazuie/899