Музей государственности РС (Я) им.П.А.Ойунского

 
Иннокентий Тарбахов – Чөркөөх музейдарын попечителэ
Бу күннэргэ биһиги киэҥ туттар биир дойдулаахпыт,  омук быһыытынан уратыбытын көрдөрөр аспытын-үөлбүтүн аан дойдуга таһаарбыт, кэпсээбит, талба талааннаах асчыт, РФ маастар-повара, А.Е.Кулаковскай-Өксөкүлээх Өлөксөй аатынан  Государственнай бириэмийэ лауреата Иннокентий Тарбахов төрөөбүтэ 80 сааһын общественность сүгүрүйэн туран  бэлиэтээтэ.
Тааттаттан анал делегация киирэн ытык мааны киһибитигэр Дьокуускай куоракка улахан тэрээһини, кэнсиэри тэрийсэн дириҥ ытыктабыл, барҕа махтал бэлиэтин көрдөрдүлэр. Бу күн республика уһулуччулаах асчытыгар 73,16 карат ыйааһыннаах кини аатынан анал алмаас таас куоппуйатын СӨ Правительствотын председателин солбуйааччы С.В.Местников туттарда, маны сэргэ “Асчыт буолар” дьылҕам диэн документальнай киинэ презентацията ыытылынна.
 Онтон төрөөбүт дойдутугар Таатта музейдарыгар Иннокентий Иннокентьевич куруутун сылдьар, үлэһиттэрин кытары бииргэ алтыһар этэ. Ол курдук Чөркөөх музейын сотруднига Сардаана Аввакумова: “Иннокентий Тарбахов биһиги музейбыт доҕоро, попечителэ. Дойдутугар кэллэҕинэ биһиги музейбытын тумнубакка, оҕолорун кытта кэлэн хайаан да сылдьан, туох саҥа экспонат кэлбитин бэлиэтии көрөн, санаатын этэрэ. Биһиэхэ сэбиэдиссэйинэн үлэлээбит, олус сөбүлүүр, ытыктыыр салайааччыбыт Николай Ефимович Попов ыкса доҕоро. Николай Ефимович эппитин өйдөөн хаалбыппын: “Иннокентий Иннокентьевич “Сохраним памятники” өрөспүүбүлүкэтээҕи хамсааһын биир саҕалааччыта буолар”, - диирэ. Онон түгэнинэн туһанан туран биһиги саха аатырбыт асчытын, музейбыт доҕорун бэлиэ үбүлүөйдээх сааһынан эҕэрдэлиибит”, - диэн санаатын үллэһиннэ.
Хас биирдии музей үлэһитэ фонданы хаҥатыыга сонордьут кэриэтэ. Уон сыл анараа өттүгэр  Николай Ефимович Попов саҥа үлэҕэ киирбит П.А.Ойуунускай аатынан судаарыстыбаннас музейа фондата хаҥыырыгар үгүс сыратын-сылбатын биэрбитэ. Судаарыстыбаннас музейын фондатын үлэһитэ Дария Кириллина бэлиэтээбитинэн: “2013 сыллаахха балаҕан ыйын 27 күнүгэр биһиги музейбытыгар Николай Ефимович Попов, Иннокентий Иннокентьевич Тарбаховтан 75 устуука иһит-хомуос бэлэҕин аҕалан туттарбыта. Бу манна бааллар Россия бастакы Президенэ Б.Н.Ельцин Саха сиригэр  кэлэ сылдьан  аһаабыт иһиттэрэ, урукку кэмҥэ оҥоһуллубут сахалыы оһуордаах “Саха сирэ” уонна кэнники республика гербэлээх сервизтэри, мельхиор прибордары, Саха сирин салайааччыларын Г.И.Чиряев, Ю.Н.Прокопьев, Е.А.Борисов самовардарын, бэйэтэ Намҥа остолобуойга үлэлии сылдьан туттубут улахан самоварын бэлэхтээбитэ. Билигин музейбытыгар кэлэр ыалдьыттар бу иһиттэри, салайааччылар самовардарын олус сөбүлээн, сонургуу көрөллөр”.
Биир дойдулаахпытын, Тааттаттан тахсыбыт аартыгы арыйааччыны, Чөркөөх музейдарын аҕа табаарыһын, попечителин үбүлүөйдээх үтүө мааны күнүнэн үгүс үтүө эҕэрдэлэргэ кыттыһабыт.
С.Халгаева.
М.Васильева үбүлүөйдээх дьоро күнтэн хаартыскалара.

www.group-telegram.com/nl/oyuns.com/1074

30 viewsedited  Dec 18 at 06:37

 
Иннокентий Тарбахов – Чөркөөх музейдарын попечителэ
Бу күннэргэ биһиги киэҥ туттар биир дойдулаахпыт,  омук быһыытынан уратыбытын көрдөрөр аспытын-үөлбүтүн аан дойдуга таһаарбыт, кэпсээбит, талба талааннаах асчыт, РФ маастар-повара, А.Е.Кулаковскай-Өксөкүлээх Өлөксөй аатынан  Государственнай бириэмийэ лауреата Иннокентий Тарбахов төрөөбүтэ 80 сааһын общественность сүгүрүйэн туран  бэлиэтээтэ.
Тааттаттан анал делегация киирэн ытык мааны киһибитигэр Дьокуускай куоракка улахан тэрээһини, кэнсиэри тэрийсэн дириҥ ытыктабыл, барҕа махтал бэлиэтин көрдөрдүлэр. Бу күн республика уһулуччулаах асчытыгар 73,16 карат ыйааһыннаах кини аатынан анал алмаас таас куоппуйатын СӨ Правительствотын председателин солбуйааччы С.В.Местников туттарда, маны сэргэ “Асчыт буолар” дьылҕам диэн документальнай киинэ презентацията ыытылынна.
 Онтон төрөөбүт дойдутугар Таатта музейдарыгар Иннокентий Иннокентьевич куруутун сылдьар, үлэһиттэрин кытары бииргэ алтыһар этэ. Ол курдук Чөркөөх музейын сотруднига Сардаана Аввакумова: “Иннокентий Тарбахов биһиги музейбыт доҕоро, попечителэ. Дойдутугар кэллэҕинэ биһиги музейбытын тумнубакка, оҕолорун кытта кэлэн хайаан да сылдьан, туох саҥа экспонат кэлбитин бэлиэтии көрөн, санаатын этэрэ. Биһиэхэ сэбиэдиссэйинэн үлэлээбит, олус сөбүлүүр, ытыктыыр салайааччыбыт Николай Ефимович Попов ыкса доҕоро. Николай Ефимович эппитин өйдөөн хаалбыппын: “Иннокентий Иннокентьевич “Сохраним памятники” өрөспүүбүлүкэтээҕи хамсааһын биир саҕалааччыта буолар”, - диирэ. Онон түгэнинэн туһанан туран биһиги саха аатырбыт асчытын, музейбыт доҕорун бэлиэ үбүлүөйдээх сааһынан эҕэрдэлиибит”, - диэн санаатын үллэһиннэ.
Хас биирдии музей үлэһитэ фонданы хаҥатыыга сонордьут кэриэтэ. Уон сыл анараа өттүгэр  Николай Ефимович Попов саҥа үлэҕэ киирбит П.А.Ойуунускай аатынан судаарыстыбаннас музейа фондата хаҥыырыгар үгүс сыратын-сылбатын биэрбитэ. Судаарыстыбаннас музейын фондатын үлэһитэ Дария Кириллина бэлиэтээбитинэн: “2013 сыллаахха балаҕан ыйын 27 күнүгэр биһиги музейбытыгар Николай Ефимович Попов, Иннокентий Иннокентьевич Тарбаховтан 75 устуука иһит-хомуос бэлэҕин аҕалан туттарбыта. Бу манна бааллар Россия бастакы Президенэ Б.Н.Ельцин Саха сиригэр  кэлэ сылдьан  аһаабыт иһиттэрэ, урукку кэмҥэ оҥоһуллубут сахалыы оһуордаах “Саха сирэ” уонна кэнники республика гербэлээх сервизтэри, мельхиор прибордары, Саха сирин салайааччыларын Г.И.Чиряев, Ю.Н.Прокопьев, Е.А.Борисов самовардарын, бэйэтэ Намҥа остолобуойга үлэлии сылдьан туттубут улахан самоварын бэлэхтээбитэ. Билигин музейбытыгар кэлэр ыалдьыттар бу иһиттэри, салайааччылар самовардарын олус сөбүлээн, сонургуу көрөллөр”.
Биир дойдулаахпытын, Тааттаттан тахсыбыт аартыгы арыйааччыны, Чөркөөх музейдарын аҕа табаарыһын, попечителин үбүлүөйдээх үтүө мааны күнүнэн үгүс үтүө эҕэрдэлэргэ кыттыһабыт.
С.Халгаева.
М.Васильева үбүлүөйдээх дьоро күнтэн хаартыскалара.

BY Музей государственности РС (Я) им.П.А.Ойунского