group-telegram.com/soliqnews/10923
Last Update:
#YTT
Yuridik shaxs tashkil qilmasdan yakka tartibdagi tadbirkor (YTT) sifatida tadbirkorlik faoliyatini amalga oshirish mumkin.
👉Soliq kodeksi 31-modda
Ro'yxatdan o'tish uchun quyidagi ikki usuldan birini tanlash lozim:
1. Davlat xizmatlari markaziga murojaat qilish;
2. Tadbirkorlik subyektini davlat ro‘yxatidan o‘tkazish uchun masofadan turib new.birdarcha.uz sayti orqali ariza berish.
Agar:
▫️shaxsan kelib ariza berilsa BHMning 1 baravari miqdorida (330 000 so‘m) davlat boji to‘lanadi;
▫️Internet orqali ariza berilganda to‘lov BHMning 0,9 baravarini tashkil etadi (297 000 soʻm).
Shundan so'ng, YTTga ro'yxatdan o'tganlik to'g'risida guvohnoma beriladi.
👉YTTlar shug‘ullanishi mumkin bo‘lgan faoliyat turlari ro‘yxati
Tovar (xizmat)lar realizatsiyasi 100 mln so‘mdan oshmagan YTTlar davlat ro‘yxatidan o‘tkazilayotganda daromad solig‘ini to‘lashning quyidagi rejimlaridan birini tanlash huquqiga ega:
🔹jami yillik daromadlar to‘g‘risidagi deklaratsiya asosida;
🔹qatiy belgilangan miqdorda.
👉 Soliq kodeksi 385-modda
Deklaratsiya asosida daromad solig‘i toʻlashning oxirgi muddati 1-iyun.
Qat'iy belgilangan miqdorlardagi daromad solig'i davlat ro'yxatidan o'tgan oydan keyingi oydan boshlab har oyda 15-sanadan kechiktirmay to'lanadi.
👉Qat'iy belgilangan miqdorlardagi daromad solig'i stavkalari
YTTning tovar (xizmat)lar realizatsiyasidan olingan daromadi kalendar yilida
- 100 mln so‘mdan oshsa AOS to‘lashga,
- 1 mlrd so‘mdan oshsa QQS va foyda solig‘ini to‘lashga o‘tadi.
👉 Soliq kodeksi 385-modda
YTT ijtimoiy soliq ham to'laydi:
▫️ o'zi uchun oyiga kamida BHMning 1 baravari – 330 000 so'm;
▫️savdo majmualari va bozorlarda faoliyat yurituvchi YTTlarning yollanma xodimlari uchun oyiga BHMning 0,5 baravari – 165 000 so‘m;
▫️ faoliyatning boshqa sohalarida yollanma xodim uchun yiliga BHMning 1 baravari – 330 000 so‘m.
YTTlar 5 nafargacha xodim yollash huquqiga ega
👉Yollanma xodimlar soliq organlarida qanday hisobga qo‘yiladi?
Ma'lumot uchun. O‘zbekistonda 1-may holatiga, 238 mingdan ortiq yakka tartibdagi tadbirkor faoliyat yuritmoqda.
Тelegram |Facebook |Youtube| Instagram |Twitter