group-telegram.com/uzbprokuratura/49730
Last Update:
Бухоро вилояти прокурори У.Хамдамов томонидан камбағалликни қисқартириш, аҳолини ижтимоий қўллаб-қувватлаш борасида маҳаллаларда амалга оширилаётган ишлар ҳамда табиий газ, электр энергиясидан оқилона фойдаланиш, имкон даражасида тежаш, тежамкор ускуналарни қўллаган ҳолда иқтисод қилиш, қуёш панеллари ўрнатиш орқали табиий ресурслардан фойдаланиш юзасидан Ромитан туманида йиғилиш ўтказилди.
Дастлаб, вилоят прокурори ижтимоий-иқтисодий соҳаларда тўққиз ойлик кўрсаткичлар ижросини тўлиқ таъминлаш, ҳар бир йўналиш ва соҳа раҳбарлари томонидан ишларни тизимли ташкил этиш бўйича амалга ошириладиган вазифалар хусусида тўхталди.
Сўнгра, аҳоли бандлигини таъминлаш, камбағалликни қисқартириш, фуқаролар ташвиш-мурожаатларини тизимли ўрганиш ва ҳал қилиш, “маҳалла еттилиги” фаолияти, ижтимоий муҳофазага олинган оилалар ва улардаги ёшлар билан ишлаш, уларга даромад манбаини яратиб берилиши ҳолати муҳокама қилинди.
Жорий йил 11 сентябрь куни Давлат раҳбари раислигида ўтказилган видеоселектор йиғилишида белгиланган вазифалар ижроси бажарилишида сусткаштликка йўл қўйган раҳбарлар танқид қилиниб, қаттиқ огоҳлантирилди.
Шунингдек, табиий газ, электр энергиясидан оқилона фойдаланиш, имкон даражасида тежаш, тежамкор ускуналарни қўллаган ҳолда иқтисод қилиш, қуёш панеллари ўрнатиш орқали табиий ресурслардан фойдаланиш хусусида тўхталиб ўтилди.
🌐 Бош прокуратуранинг ижтимоий тармоқлардаги саҳифаларига аъзо бўлинг!
Telegram | Instagram | YouTube | Facebook | Veb-sayt
BY Bosh prokuratura
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/uzbprokuratura/49730