group-telegram.com/viasna_brest/2435
Last Update:
📍Палітвязня Алега Рубца перавялі ў жодзінскую турму
Па рашэнні наваполацкай суддзі Вольгі Баліка палітзняволенага пінчука Алега Рубца перавялі на тры гады ў следчую турму № 8 г. Жодзіна. Узмацненне рэжыму Алегу ініцыявала адміністрацыя наваполацкай калоніі №1. У лютым яго закінулі ў ШІЗА на 40 сутак. Пасля гэтага яго змясцілі ў ПКТ, а таксама пазбавілі перадач, званкоў і спатканняў.
Алега затрымалі 10 жніўня 2020 года за ўдзел у масавых беспарадках у ноч з 9 на 10 жніўня ў Пінску (ч. 2 арт. 293 КК). Пры затрыманні быў моцна збіты. 30 красавіка Рубцу прысудзілі 5,5 гадоў калоніі ўзмоцненага рэжыму. Хлопец скончыў ліцэй у Пінску і працаваў трактарыстам па адпрацоўцы.
«Гэта было ўжо не збіццё, гэта былі катаванні». Пяць гісторый палітвязняў «Пінскай справы»
💌Падтрымайце палітвязня па новым адрасе: Следчая турма № 8, 222163, г. Жодзіна, вул. Савецкая, 22А, Алег Віктаравіч Рубец
🔺Чытайце як пераследуюць палітвязняў у калоніі па спасылцы.
BY Вясна | Брэст
Share with your friend now:
group-telegram.com/viasna_brest/2435