group-telegram.com/Ilmfanjurnali/448
Last Update:
📣 “Ilm-fan va innovatsion rivojlanish” jurnalining 2024-yil 5-sonida Namangan toʻqimachilik sanoati instituti xodimlari – t.f.d., professor Muradov Rustam Muradovich, t.f.f.d. (PhD), doktorant Saloxiddinova Maxliyo Nurmuxammad qizi hamda Namangan muhandislik texnologiya instituti dotsenti, t.f.f.d. (PhD) Qosimov Axtam Akramovich tomonidan yozilgan “Paxtani tashishda havodan ajratish jarayoni eksperimentlarini rejalashtirish va optimallashtirish” sarlavhali maqola chop etilmoqda.
✅ Maqolada paxta tozalash korxonalari hududida asosiy binolardan uzoq masofada joylashgan g‘aramlardagi paxtani quvurlar orqali tashishda qo‘llaniladigan qo‘zg‘aluvchan qurilma bo‘yicha olib borilgan ilmiy tadqiqot ishlarining tahlili keltirilgan.
✅ O‘rganishlar davomida mazkur qurilmaning afzalliklari bilan bir qatorda kamchiliklari ham ko‘zga tashlangan, qurilma ish samaradorligining pastligi, tashish hamda paxtani havodan ajratish jarayonida tola va chigit sifatiga zarar yetishi, tolaning yo‘qotilishi kabi holatlar aniqlangan.
✅ Ushbu kamchiliklarni kamaytirish yoki bartaraf etish maqsadida qo‘zg‘aluvchan qurilma uchun takomillashgan separator taklif etildi. Mazkur konstruksiya paxta tozalash korxonasining ishlab chiqarish jarayoniga joriy etilib, ishlab chiqarish sharoitida ham sinab ko‘rildi.
✅ Yangi konstruksiyaga doir tadqiqotlarning optimal parametrlarini aniqlash uchun tajribalar rejalashtirildi va belgilangan standart asosida o‘tkazildi. Tajribalar mobaynida olingan qiymatlar zamonaviy kompyuter dasturida qayta ishlanib, regression tenglamalar olindi. Styudent mezoni asosida regression tenglamalar koeffisientlarining ahamiyatga molikligi, Fisher mezoni yordamida esa olingan tenglamaning adekvatligi, ya’ni to‘g‘riligi tekshirib ko‘rildi.
Facebook | Telegram | Web | Instagram
BY "Ilm-fan va innovatsion rivojlanish" ilmiy jurnali
Share with your friend now:
group-telegram.com/Ilmfanjurnali/448