⛷️ Хайаҕа хайыһардыыр “Алмаастаах хочо” баазаҕа сырыттыбыт

💎 АЛРОСА тэрийбит “Мииринэй тардар күүһэ” бэстибээл чэрчитинэн Мииринэй куораттан 12 км тэйиччи баар хайаҕа хайыһардыыр “Алмаастаах хочо” баазаҕа сырыттыбыт.

⛷️ Манна дьон сылдьан дьарыктанарыгар сөптөөх усулуобуйа барыта баар: дьиэ-уот, хайыһар суолун арааһа, кэнсиэрдиир сыана, о.д.а. АЛРОСА хайыһар успуордун сайыннарыыга ааспыт сылга хаары чиҥэтэр тиэхиньикэ атыыласпыт. Бу 380 миэтэрэ усталаах хайыһар суолун биллэрдик тупсарбыт. Сыыртан түспүт хайыһардьыттар, сноубордистар үөһээ анал ханаатынан тахсаллар.
Икки күннээх хайыһар уонна сноуборд күрэхтэһиилэригэр Мииринэйтэн, Айхалтан, Удачнайтан, Чернышевскайтан, Ленскэйтэн, Дьокуускайтан, Мэҥэ Хаҥаластан, Москваттан барыта 70-тан тахса спортсмен кэлбиттэр.  Күрэхтэһии бириистээх пуондата 1600000 солкуобай эбит.

🏂 Күрэхтэһиини арыйыы үөрүүлээх чааһыгар АЛРОСА хампаанньа генеральнай дириэктэрэ Павел Марыничев, солбуйааччыта Алексей Дьячковскай, Мииринэй куорат баһылыга Алексей Тонких, о.д.а. кыттыыны ыллылар. Тэрээһин дойдубут өрөгөй ырыатынан арылынна. Кэнсиэрдиир сыанаҕа куорат уус-уран кэлэктииптэрэ, биирдиилээн толорооччулар ыллаатылар, үҥкүүлээтилэр. Оҕолорго араас оонньуулар ыытылыннылар. Кафеларга киирэн итии чэй, кофе, аһылык аһыаххын сөп, шашлык да баар.

👏 Спортсменнар саастарынан 3 бөлөххө арахсан кытыннылар. Мэҥэ Хаҥаластан 19-34 саастаахтарга 1-кы миэстэ буолан үрдүк ситиһиилээхтик кыттыбыт биир дойдулаахпытын Александр Егоровы эҕэрдэлиибит!

Сиһилии ⏪

@gazetaerkeii
@ulusmedia

🪕 Табаҕаҕа кылыһах кырыымпа уустара түмүстүлэр

🎼 Мэҥэ Хаҥалас улууһун Тараҕай нэһилиэгин Капиталина уонна Иван Бурнашевтар ааттарынан култуура киинигэр кыл кылыһах кырыымпа оҥорор уустар ортолоругар “КЫРЫЫМПА УУС” аһаҕас өрөспүүбүлүкэтээҕи күөн-күрэс буолан ааста.

🪕 Кырыымпа –  былыргыттан баар саха тѳрүт музыкальнай үстүрүмүөнэ буолар. Урукку аата кылыһах, ол аата «кылы сах» диэн суолталаах. Саха норуотун култууратын, музыкальнай ускуустубатын, үтүө үгэһин үгүс үйэлэри нөҥүөлээн кэлбит, саха норуотун духуобунай култууратын байытар үтүө дьылҕалаах, биһиги ыллыыр ырыабытын, ис санаабыт иэйиитин ыллатар, кылыһаҕын таһаарар кыахтаах, сахалыы куттаах үстүрүмүөн буолар.

🪕 Кылыһах кырыымпаны үйэтитэр, көҕүлүүр улуу дьонунан айылҕаттан талааннаах биһиги киэн туттар  кырыымпабыт уустара буолаллар.

❤️ Кылыһах кырыымпаны оҥорор Сахабыт сирин уустарыгар аналлаах күрэх дьүүллүүр сүбэтин састаабыгар ытыктыыр дьоммут Руслан Прокопьевич Габышев, Анна Ивановна Томская, Афанасий Афанасьевич Томскай үлэлээтилэр.

🎵 Күөн-күрэс түмүгүнэн анал ааттар иҥэрилиннилэр, кыайыылаахтар быһаарылыннылар.

Сиһилии 🤩

@gazetaerkeii
@ulusmedia