ХАЛЫҠ АРБАҺЫ - НАРОДНАЯ ТЕЛЕГА

1967 йылдың тап 17 ноябрендә Өфөлә Салауат Юлаев һәйкәле асыла. Ул шунда уҡ башҡалабыҙ символына әүерелә. Ағиҙелдең бейек ярында урынлашҡан милли батырыбыҙ һәйкәле шулай уҡ тотош Башҡортостандың визит картаһы булып тора.

Был монументаль һынды башҡорт халҡы өсөн генә мөһим тип иҫәпләү хата. Салауат Юлаев шәхесе, тәү сиратта, халыҡтар берҙәмлеге өлгөһө. Был һүҙҙәргә тағы ла бер миҫал. Совет режиссёры Яков Протазановтың "Салауат Юлаев" фильмы 1941 йылда төшөрөлә. Был кино ул осорҙа оло ваҡиға тип баһалана. Кино сәнғәтенең көсө иҫ китмәле юғары ваҡытта тап Салауат Юлаев тураһында фильм төшөрөүгә дәүләт заказы булыуы күп нәмә тураһында һөйләй. 1941 йылда Салауат Юлаев кинотаҫмаһы ауылда йәшәгән башҡорт халҡына нисек күрһәтелгәндер, ғөмүмән, күрһәтелгәнме, әйтеүе ауыр. Ә бына Бөйөк Ватан һуғышы һалдаттары уның тәүге тамашасылары була. Фильм бөтә ҙур госпиталдәрҙе урап сыға. Ул милләтенә ҡарамай һәр һалдатты еңеүгә рухландырыусы мәҙәни көс булып тора. Бына шуға ла Генерал Шайморатов башҡорт һыбайлыларын "Салауат вариҫтары сигенә белмәй!" тигән саҡырыу менән алға әйҙәй.

Башҡорт халҡының милли батыры исемен Рәсәй, Башҡортостан тарихы һәм мәҙәниәтенән һыҙып ташлап булмаған кеүек, һәйкәлде лә Ағиҙелдең текә ярынан алып ташлап булмаясаҡ. Шуға реставрация мәсьәләһенә бәйле ығы-зығыға ҡушылыу йүләрлек. Был осраҡта ла берҙәмлекте һаҡлап, йәмғиәттә, бигерәк тә йәш быуында ҡиммәттәр буталған осорҙа милли батырыбыҙға дәүләт иғтибары булыуын лайыҡлы баһаларға кәрәктер. Һәйкәлдең яңырып үҙ урынына ҡайтыуы ла оло ваҡиға буласаҡ. Йылдар дауамында онотола, онотторола килгән Генерал Шайморатовҡа асылған һәйкәл асыҡ миҫал. Бөгөн Башҡортостанда "кем ул Миңлеғәле Шайморатов?" тигән һорауға яуап бирә алмағандар һирәктер.

Европалағы өс терәүҙә торған иң ҙур монументаль һәйкәл, йә хоккей командаһы тигән тар ҡарашты киңәйтеү өсөн дә бик урынлы булыр был реставрация.

Салауат Юлаев һәйкәле асылған көн менән!

www.group-telegram.com/no/halykarba.com/267

385 viewsedited  Nov 17 at 07:17

1967 йылдың тап 17 ноябрендә Өфөлә Салауат Юлаев һәйкәле асыла. Ул шунда уҡ башҡалабыҙ символына әүерелә. Ағиҙелдең бейек ярында урынлашҡан милли батырыбыҙ һәйкәле шулай уҡ тотош Башҡортостандың визит картаһы булып тора.

Был монументаль һынды башҡорт халҡы өсөн генә мөһим тип иҫәпләү хата. Салауат Юлаев шәхесе, тәү сиратта, халыҡтар берҙәмлеге өлгөһө. Был һүҙҙәргә тағы ла бер миҫал. Совет режиссёры Яков Протазановтың "Салауат Юлаев" фильмы 1941 йылда төшөрөлә. Был кино ул осорҙа оло ваҡиға тип баһалана. Кино сәнғәтенең көсө иҫ китмәле юғары ваҡытта тап Салауат Юлаев тураһында фильм төшөрөүгә дәүләт заказы булыуы күп нәмә тураһында һөйләй. 1941 йылда Салауат Юлаев кинотаҫмаһы ауылда йәшәгән башҡорт халҡына нисек күрһәтелгәндер, ғөмүмән, күрһәтелгәнме, әйтеүе ауыр. Ә бына Бөйөк Ватан һуғышы һалдаттары уның тәүге тамашасылары була. Фильм бөтә ҙур госпиталдәрҙе урап сыға. Ул милләтенә ҡарамай һәр һалдатты еңеүгә рухландырыусы мәҙәни көс булып тора. Бына шуға ла Генерал Шайморатов башҡорт һыбайлыларын "Салауат вариҫтары сигенә белмәй!" тигән саҡырыу менән алға әйҙәй.

Башҡорт халҡының милли батыры исемен Рәсәй, Башҡортостан тарихы һәм мәҙәниәтенән һыҙып ташлап булмаған кеүек, һәйкәлде лә Ағиҙелдең текә ярынан алып ташлап булмаясаҡ. Шуға реставрация мәсьәләһенә бәйле ығы-зығыға ҡушылыу йүләрлек. Был осраҡта ла берҙәмлекте һаҡлап, йәмғиәттә, бигерәк тә йәш быуында ҡиммәттәр буталған осорҙа милли батырыбыҙға дәүләт иғтибары булыуын лайыҡлы баһаларға кәрәктер. Һәйкәлдең яңырып үҙ урынына ҡайтыуы ла оло ваҡиға буласаҡ. Йылдар дауамында онотола, онотторола килгән Генерал Шайморатовҡа асылған һәйкәл асыҡ миҫал. Бөгөн Башҡортостанда "кем ул Миңлеғәле Шайморатов?" тигән һорауға яуап бирә алмағандар һирәктер.

Европалағы өс терәүҙә торған иң ҙур монументаль һәйкәл, йә хоккей командаһы тигән тар ҡарашты киңәйтеү өсөн дә бик урынлы булыр был реставрация.

Салауат Юлаев һәйкәле асылған көн менән!

BY ХАЛЫҠ АРБАҺЫ - НАРОДНАЯ ТЕЛЕГА