Повесть современных лет

Подай же ему, Господи, государю, чего у Господа Бога желает благых, иже к ползѣ душевных и тѣлесных, по вся дни царства его на многа лѣта. Чтобы Господь Богь избавил, и Пречистая Богородица, и великие чюдотворцы царя государя великого князя и все православие от латыньства, от бесерменства и от всѣх врагов, видимых и невидимых. А царя государя бы нашего рука высока была над всѣми супостаты, и царство бы его государево исполнилъ Богь всякия благодати.

А кто ему, государю, добра хочет, тѣ бы все с государем здравы были и спасены на многие лѣта. А недоброхота бы государю и не было, — все бы государю благая и полезная мыслили. А хто про государево здравье чашу изопиетъ, той бы здрав был и спасен, а у кого в дому — и домъ его всякоя благодати.

Во многолѣтный живот и здравие, и во благоденьство, благопоспѣшение, и еже на враги побѣда благочестивому и христолюбивому царю, великому князю <имярек>, самодержцю всеа Росии, сотвори, Господи, по милости твоей, и даруй многое благоденьство царю нашему.

Благодать Божиа буди с тобою, царю святый православный, яко да утвердит тя, и сохранитъ, и воздвигнетъ к добродѣтелемъ дѣйственымъ, купно хранению и исправлению вѣры, и укрѣпит и споспѣшит на сопротивныя наша. Святый царю, царствуй и здравствуй на многа лѣта.

И глаголютъ единогласно: «Сотвори, Господи, по милости твоей, и даруй многое благоденьство царю нашему».

ЧАША ГОСУДАРЕВА ЦАРЯ, ВЕЛИКАГО КНЯЗЯ ИВАНА ВАСИЛЬЕВИЧА ВСЕЯ РОССИИ.

www.group-telegram.com/no/povest_let.com/17

3.5K viewsedited  Oct 6 at 17:58

Подай же ему, Господи, государю, чего у Господа Бога желает благых, иже к ползѣ душевных и тѣлесных, по вся дни царства его на многа лѣта. Чтобы Господь Богь избавил, и Пречистая Богородица, и великие чюдотворцы царя государя великого князя и все православие от латыньства, от бесерменства и от всѣх врагов, видимых и невидимых. А царя государя бы нашего рука высока была над всѣми супостаты, и царство бы его государево исполнилъ Богь всякия благодати.

А кто ему, государю, добра хочет, тѣ бы все с государем здравы были и спасены на многие лѣта. А недоброхота бы государю и не было, — все бы государю благая и полезная мыслили. А хто про государево здравье чашу изопиетъ, той бы здрав был и спасен, а у кого в дому — и домъ его всякоя благодати.

Во многолѣтный живот и здравие, и во благоденьство, благопоспѣшение, и еже на враги побѣда благочестивому и христолюбивому царю, великому князю <имярек>, самодержцю всеа Росии, сотвори, Господи, по милости твоей, и даруй многое благоденьство царю нашему.

Благодать Божиа буди с тобою, царю святый православный, яко да утвердит тя, и сохранитъ, и воздвигнетъ к добродѣтелемъ дѣйственымъ, купно хранению и исправлению вѣры, и укрѣпит и споспѣшит на сопротивныя наша. Святый царю, царствуй и здравствуй на многа лѣта.

И глаголютъ единогласно: «Сотвори, Господи, по милости твоей, и даруй многое благоденьство царю нашему».

ЧАША ГОСУДАРЕВА ЦАРЯ, ВЕЛИКАГО КНЯЗЯ ИВАНА ВАСИЛЬЕВИЧА ВСЕЯ РОССИИ.

BY Повесть современных лет