group-telegram.com/qazaqstan161291/1966
Last Update:
Бұл – Ұлттық статистика бюросының 2024 жылғы мәліметтері негізінде дайындалған Батыс Қазақстан облысының этностық картасы.
Негізгі деректер:
#Орал қаласында және барлық ауданда #қазақтар абсолютті басымдықты құрайды.
Орал мен 7 ауданда саны жағынан екінші орында – #орыстар. Қалған бес ауданда – #татарлар.
Бұлардан бөлек, үздік үштікте кей ауданда #украиндер, бір ауданда #башқұрттар, бір ауданда #қырғыздар тұр. Бірақ облыста башқұрттардың жалпы саны 509, қырғыздар 206 адам ғана...
#БҚО-ның этностық картасына қарап отырып, бір «әп-бәрекелді» дейтін, бір «әттеген-ай» дейтін жайтты байқаймыз.
Әп-бәрекелдісі – кеңес заманындағы орыстілді Орал қаласы мен солтүсіктегі бірқатар ауданның барынша #қазақылануы. Бала күнімізде Оралға барғанда қазақша сөйлейтін адамды көру қиын еді. Қазір керісінше орысша сөйлейтін қазақ некен-саяқ.
Әттеген-айы – халық саны тым аз.
Мәселен, қазақ тарихында айрықша орны бар Батыс Алашорданың орталығы болған #Сырым ауданында (Жымпиты) 17 мың адам ғана тұрады...
Кезіндегі Ішкі Орданың бүгінгі жалғасы – Бөкейордасы ауданының халық саны 15 мың адамға да жетпейді. ШОК!
Ресеймен шектесетін #Жәнібек, #Тасқала, #Шыңғырлау аудандарында да сол жағдай.
Шекаралық аймақтардағы халықтың селдіреуі – геосаяси тұрғыда осал тұсымыз.
Менің туған жерім – #Қазталовка ауданында 27 мың адам бар. Оның 99 пайызға жуығы – қазақ. Халқы 100 пайыз қазақша сөйлейді...
Реті келгенде айтсақ, бұл ауданнан қазір өзім жұмыс істейтін «Egemen Qazaqstan» (ол кездегі «#Ұшқын») газетінің ең алғашқы редакторы Халел Есенбаев, боксшы Данияр Елеусінов, әзіл-сықақшы Тұрсынбек Қабатов, әнші Райым секілді бірқатар танымал адамдар шыққан...
Алдағы уақытта тағы қай облыстың этностық картасын жасайық? Пікірге жазыңыздар.
Дереккөз: FB #ескендірзұлқарнай
BY Қазақстан демографиясы | Население Казахстана
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/qazaqstan161291/1966