«Тамаша» журналы

Үткәндәге хәтирәләр

Мәрзиә апайҙың өйөнән сыҡтым да, урамды ашатлап сығайым тигәндә, Күсәбә буйлап мәктәп яғынан бер ир килгәнен күреп, туҡтап ҡалдым. Тегене көтөп торҙом. Килеп еткәс кенә таныным. Сыңғыҙ мәктәбендә уҡытып йөрөгән уҡытыусы Ильгиз Ишбулды улы Хәмитов икән. (Буранбайҙан йөрөп уҡыта).
– Мине көтөп тораһығыҙмы? – тине ул киң йылмайып.
– Эйе, һине көтөп торам. Олпат баҫып бер ир килә, юлын ҡыймайым, тип көтөп тороуым. Һин икәнһең дә.
– Элек урамда берәй ир күренһә, әбейҙәр көтөп тороп, үткәреп ебәрерҙәр ине! – тине ул. – Һеҙ ҙә шуға көтөп тороп, мине үткәреп ебәрергә булдығыҙ инде?
– Тап уртаһына баҫтың! Мин дә бит ошо ауыл балаһы, өләсәй менән үҫтем. Борон, ысынлап та, шулай булды бит!
– Элек мине, йәш егетте, институт тамамлағандан һуң, Ниғәмәт ауылына уҡытырға ебәрҙеләр. Мәктәптән сығып, урам буйлап килһәм, оло-оло инәйҙәр мине көтөп тороп, юлыңды ҡыймайыҡ тип, үткәреп ебәрерҙәр ине! Борон әбейҙәр юлда килә ятҡан берәй ирҙе күрһәләр, һеҙҙең һымаҡ көтөп тороп, үткәреп ебәрерҙәр ине!
– Эйе, шулай булды шул!
Ҡапҡанан Салауаттың башы күренде. Ҡапҡа эсендә беҙҙең һөйләшеүҙе ишетеп йөрөгән икән ул, һүҙгә ҡушылды.
– Әйтәм, әбейҙәр минең килгәнде күрһәләр, мине гел үткәреп ебәрәләр! Мин аптырай торғайным... Белмәгәйнем.
– Хәҙер белерһең инде, – тип Илгиз Ишбулдович эре баҫып атлап китеп барҙы. Мин юл аша сығып, өйөмә ыңғайланым.

P.S. Беҙҙең яҡта борон шундай йола булды. Хәҙер бындай йоланы йәштәр белмәй, әммә ҡайһы бер оло быуын кешеһе белә һәм (белдеклеләре) был ғәмәлде үтәй. Әммә был йола юғалып бара, бәлки, бөтөнләй юғалғандыр, һәр хәлдә, йәштәр белмәй. Башҡорт йолаларында хакиҡәт бар. Ирҙәрҙе ололау, хөрмәтләү зарур, уларҙың баһаһы ҙур! Һәр хәлдә, борон шулай булды...

Тәнзилә Кейекбаева

www.group-telegram.com/no/tamasha1995.com/874

100 viewsFeb 12 at 07:58

Үткәндәге хәтирәләр

Мәрзиә апайҙың өйөнән сыҡтым да, урамды ашатлап сығайым тигәндә, Күсәбә буйлап мәктәп яғынан бер ир килгәнен күреп, туҡтап ҡалдым. Тегене көтөп торҙом. Килеп еткәс кенә таныным. Сыңғыҙ мәктәбендә уҡытып йөрөгән уҡытыусы Ильгиз Ишбулды улы Хәмитов икән. (Буранбайҙан йөрөп уҡыта).
– Мине көтөп тораһығыҙмы? – тине ул киң йылмайып.
– Эйе, һине көтөп торам. Олпат баҫып бер ир килә, юлын ҡыймайым, тип көтөп тороуым. Һин икәнһең дә.
– Элек урамда берәй ир күренһә, әбейҙәр көтөп тороп, үткәреп ебәрерҙәр ине! – тине ул. – Һеҙ ҙә шуға көтөп тороп, мине үткәреп ебәрергә булдығыҙ инде?
– Тап уртаһына баҫтың! Мин дә бит ошо ауыл балаһы, өләсәй менән үҫтем. Борон, ысынлап та, шулай булды бит!
– Элек мине, йәш егетте, институт тамамлағандан һуң, Ниғәмәт ауылына уҡытырға ебәрҙеләр. Мәктәптән сығып, урам буйлап килһәм, оло-оло инәйҙәр мине көтөп тороп, юлыңды ҡыймайыҡ тип, үткәреп ебәрерҙәр ине! Борон әбейҙәр юлда килә ятҡан берәй ирҙе күрһәләр, һеҙҙең һымаҡ көтөп тороп, үткәреп ебәрерҙәр ине!
– Эйе, шулай булды шул!
Ҡапҡанан Салауаттың башы күренде. Ҡапҡа эсендә беҙҙең һөйләшеүҙе ишетеп йөрөгән икән ул, һүҙгә ҡушылды.
– Әйтәм, әбейҙәр минең килгәнде күрһәләр, мине гел үткәреп ебәрәләр! Мин аптырай торғайным... Белмәгәйнем.
– Хәҙер белерһең инде, – тип Илгиз Ишбулдович эре баҫып атлап китеп барҙы. Мин юл аша сығып, өйөмә ыңғайланым.

P.S. Беҙҙең яҡта борон шундай йола булды. Хәҙер бындай йоланы йәштәр белмәй, әммә ҡайһы бер оло быуын кешеһе белә һәм (белдеклеләре) был ғәмәлде үтәй. Әммә был йола юғалып бара, бәлки, бөтөнләй юғалғандыр, һәр хәлдә, йәштәр белмәй. Башҡорт йолаларында хакиҡәт бар. Ирҙәрҙе ололау, хөрмәтләү зарур, уларҙың баһаһы ҙур! Һәр хәлдә, борон шулай булды...

Тәнзилә Кейекбаева

BY «Тамаша» журналы