group-telegram.com/tealkramm/356
Last Update:
عايش الم حرك الخيم. مزروع بيه
صوت القلب يرسم درب مقسوم اليه
_______
يحسين اريد اوياك اضل توفيقي صار ابدربك
هنياله كلمن بل بشر يحسين فاز بحبك
صرت اكره الماي شكثر من شفته يبس قلبك
يبس دليلك سيدي يحسين بيش ايطلبك
دمعه وجرح. ليل ورمح ارسم بديه
________
بلكي وعلينه ينكتب انصارك الوفايه
مايخلص اعليك البجي كل سنه انصير اهوايه
كلشي بلا اسمك عدم. يابعد هايه وهايه
حتى النهر مايه بهت. جي ماضكت من مايه
حتى السمه. تحس بضمه. يابو رقيه
________
والله بفضلك سيدي صارلنه صيت وقيمه
نجازيك ماندري بشنو خيرك الباري يديمه
خليهه تجوينه الشمس عيشنه حر الهيمه
ماي اعتبرنه سيدي بدينه فوك الخيمه
كطرة وفه. وماي انجفه بل غاظريه
_________
انه انتميلك ياوطن والغربه صعبه اعليه
ياهوه مثلك بل بشر شايل وفه وحنيه
كل ساعه اشوفنلي ضعن شايل مره مسبيه
بل سوك اشوفن تنشره وتنباع جم ترجيه
دمعي يهل .فوك الهزل زينب سبيه
______
كل خدمه ذله تحسسك بس خدمتك محلاه
هيه احلى شي من العمر خدمتك نتلكاه
تبجي عليك ام الحسين كل احنه نبجي اوياه
صوغه الله جايب خدمتك للخدم هايه انطاه
يل رحمتك. يل خدمتك اعظم هديه
_______
محمود الساعدي
BY محمود الساعدي
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/tealkramm/356