group-telegram.com/uamurusahargata/43245
Last Update:
Кини кимий Бааска саха диэн? Кини – Вася Копырин, Бээди ситэтэ суох орто оскуолатын 5-с кылааһын үөрэнээччитэ, сааһа 11-рэ.
Вася үөрэҕэр үчүгэй. 4-5 сааһыттан, быһаҕы сатаан тутта үөрэниэҕиттэн, ас астаан барбыта. Төрөппүттэрэ – түөрт оҕолоох эдэр ыал Анна Семеновна уонна Иван Васильевич Копыриннар аныгы олоҕу кытта тэҥҥэ хардыылыыр, урбаан араас көрүҥүнэн дьарыктанар күн иллэҥэ суох дьон.
Ол эрээри иккис уоллара Вася кинилэри суохтаппат. Ийэлээх аҕата үлэҕэ тардылыннахтарына, балыстарын араас аһынан күндүлүүр. Төрөппүттэригэр анаан сотору-сотору ресторан курдук остуол тардан көрсөр. Ас ырысыаптарын интернеттэн көрөр. Бэйэтэ атыннык, саҥаны толкуйдаан буһарар.
Вася социальнай ситимҥэ мөлүйүөнтэн тахса сурутааччылаах анал страницалаах. Кини астыырын өрөспүүбүлүкэ таһыгар кытта интэриэһиргээн көрөллөр. Саамай сөбүлээн астыыр бүлүүдэлэрэ – «Цезарь» салаат, пицца, суши.
Быйыл Вася улахан ситиһиитинэн «Тук, тук, профессия!» муниципальнай IV чемпионакка Суотту техникумун баазатыгар ыытыллыбыт «Асчыт идэтэ» компетенцияҕа 11-13 саастаах оҕолор ортолоругар I миэстэни суруммута буолар.
Кулун тутар 4 күнүгэр күнүс 12 чааска ким баҕалаахтарга пиццаны уонна оливье салааты астааһын ньыматыгар бастакы маастар кылааһын босхо ыытыаҕа. МАННА ↩️киирэн көрүөххүтүн сөп.
Васяҕа – Бааска сахаҕа талаана арыллан, дьоҕура сайдан иһэригэр баҕарабын.
