group-telegram.com/viasna_brest/3893
Last Update:
Пасля падачы на візу, мужчын, якія яшчэ не адслужылі ў арміі, выклікаюць у ваенкамат. Пра гэта паведамляе выданне "Зеркала"
У рэдакцыю "Зеркала" звярнуўся мужчына, які распавёў: спачатку ён падумаў, што гэта проста супадзенне. Але пазней аналагічная гісторыя здарылася з ягоным сябрам.
Мужчыне 20 год, ён быў годным да арміі з 18 год, але павесткі яму не прыходзілі. Да моманту, пакуль ён не падаў заяўку на польскую візу пра візавы цэнтр VFS Global.
Візу яму выдалі, але з краіны беларускія памежнікі ўжо не выпусцілі. Сябру павестка ў ваенкамат прыйшла на трэці дзень ад даты падачы заяўкі на польскую візу.
❓Як ваенкамат (і ўвогуле беларускія ўлады) могуць даведацца, што Вы запісаліся на атрыманне візы?
Тут, нажаль, усё проста: з нядаўніх часоў для запісу на візу VFS Global (візавы цэнтр Польшчы ў Беларусі), трэба абавязкова карыстацца беларускім МСІ (Міжбанкаўская сістэма ідэнтыфікацыі).
Гэтыя змены ўводзіліся, хутчэй за ўсё, для барацьбы з цяжкасцямі запісу на візу (бо была практыка, што пэўныя людзі масава бранавалі ўсе даступныя месцы, і далей перапрадавалі іх па высокіх коштах).
Але як толькі гэтыя змены з'явіліся, тое ж "Зеркала" разбірала з візавым кансультантам рызыкі, і спецыяліст ўжо тады падкрэсліў: такім чынам кожны, хто запісваецца на польскую візу праз візавы цэнтр, сваімі ж рукамі паведамляе ўладам пра ўласныя планы.
BY Вясна | Брэст
Share with your friend now:
group-telegram.com/viasna_brest/3893