مەرزییە فەریقی (ڕۆژێ بەجێت دێڵم)

کوا پێم بڵێ چیم لە دەست دێ خۆشەویستیم بێگەرد و پاک بێ
کوانێ سووچی منی تیایە گەر دڵت سارد و بێ باک بێ
خۆشەویستیت بێ ئەرزشە چونکە پێت وایە من دیلم
هەر دەڵێم ئەمڕۆ نە سبەی ڕۆژێ دێ من بەجێت دێڵم

کێ دەزانێ چەن بەهارم بە خۆڕایی لێ ڕۆییوە
کوانێ لە کوێ باخی دڵم نەرگس و وەنەوشەی دیوە
خۆشەویستیت بێ ئەرزشە چونکە پێت وایە من دیلم
هەر دەڵێم ئەمڕۆ نە سبەی ڕۆژێ دێ من بەجێت دێڵم

هەر بەڵێنە بە دوای بەڵێن ئیتر من هێزم تیا نەما
بۆ من هەر وەک خەیاڵێکی دەڵێی ناژی لەم سەردەمە
خۆشەویستیت بێ ئەرزشە چونکە پێت وایە من دیلم
هەر دەڵێم ئەمڕۆ نە سبەی ڕۆژێ دێ من بەجێت دێڵم

#مەرزییە_فەریقی
@Xunyager 🌱

بە دیتنی ئەو کارە لە هونەرمەند (یوڤاڵ ڕۆبیچێکYuval Robichek) وەبیر ئەو نووسراوەی پیرباڵ هاتمەوە کە دەڵێ: گریان پاکت دەکاتەوە.
هەڵبەت زۆرتر بەم نووسراوەیە بڵاو بۆتەوە: چ لە فرمێسکەکانت دەکەی.

کاری گرافیک: سۆنیا ئەحمەد
هۆنراوە: عەلی حەسەنیانی
دەنگ: لەیلا فەریقی
@Xunyager 🌱


#لەیلا_فەریقی
#عەلی_حەسەنیانی
#هاوار

لەیلا فەریقی (کیژی خەم)
کیژێک، بێناوێک،
خەم لێ هاڵاوێک،
بووکی چارەڕەش،
لە ژیان بێبەش،
زەردەی خەزەڵوەر،
سروودی ڕۆژپەڕ،
دوو چاوی کەژاڵ،
وەک بادەی خەیاڵ:
مەستن، مەست ئەکەن
دڵ پڕ هەست ئەکەن
کەزیە: باری شان،
لەش: زیندانی گیان،
لێو: خونچەی ژاکاو
بەستەی نەوتراو
خۆی: ڕەنگی بێڕەنگ
بێهەست و بێدەنگ،
ئاواتی مردوو
بۆنی بابردوو،
بڵێسەی بێتین،
دواهەناسەی ژین،
چاوەڕێی نەمان
کەوتن، هەڵنەستان
《عەلی حەسەنیانی/هاوار》

#عەلی_حەسەنیانی
#هاوار
#لەیلا_فەریقی
@Xunyager 🌱

ژیانم پڕ لە ڕەنجە و نامرادی
بە هەڵکەوتیش نەهاتم تووشی شادی
دڵم هێند تەنگە هەر جێی تۆ دەبێ و بەس
ئەتۆش مەحکوومی حەپسی ئینفیرادی
《هۆنراوە: هێمن/ دەنگ: عەلی خزری》

#هێمن
#عەلی_خزری
@Xunyager 🌱

ئەی وەتەن یەعقووبی تۆم و یۆسفم لێ گوم بووە
《قانع》

#قانع
@Xunyager 🌱

هەینی باش کوردستان 🌱

بە عەشقت ژیام لەسەر ڕووی دونیا...
《کەماڵی》

#کەماڵی
@Xunyager 🌱

تیپی مۆسیقای بابان ئەم هۆنراوەی بە گۆرانی کوتووە.

لەسەر تا جەواڵێکی کاروانچییەکان بەچیچکانەوە هەڵتروشکام و سەرم نایە سەر ئەژنۆم. لە ئەوەڵی عومرمەوە هەتا ئەو دەقیقەیە پەڕە پەڕە تەئریخی ژیانی خۆم خوێندەوە کە لە دنیادا من بە ئەمەل و هیوای چی ژیاوم و ئێستا چ ڕۆژ و سەعاتێکم دی، زۆر زۆر مەئیوس بووم دڵم پڕ بوو لە خوێناو.
《جەمیل سائیب/لە خەوما》

#جەمیل_سائیب
@Xunyager 🌱

هەینی باش کوردستان 🌱

باران گڕی دەروونم ناکوژێنێتەوە

لەیلا فەریقی (سەفەر)


#لەیلا_فەریقی
@Xunyager 🌱

لەیلا فەریقی(سەفەر)
@Xunyager 🌱
وام ئەزانی گەر سەفەر کەم ئیتر تۆم بیر ئەچێتەوە
چیتر ڕەگی خۆشەویستیت لە ناو دڵما وشک ئەبێ و ناژێتەوە
کەچی نەمزانی عەشقت دەبێتەوە تەوقێک و دێتە ملم
زامی دڵیش سات لە دوایی سات گەورە دەبێ و ئەکولێتەوە
گەر دووریش بیت و نەتبینم قەت ساڕێژ نابێ برینم
تەنیا هەر تۆی نازەنینم هەر بۆ تۆیە خەندە و شینم
  
بەجێت دێڵم دڵنیاشم ئەگەر ڕۆیشتم سەرابترین ژینی دنیا لە غەریبی چاوەڕێمە
بەجێت دێڵم گەر نامۆش بووم ئەندێشەی تۆ و بیرەوەری و یادەکانت هەموو شەوێ مۆتەکەیە و لە سەر جێما لە یاد ناچێ
 
سیمای مەرگی ئەرخەوانی عەشقێکی وێڵ لەسەر ڕێمە
وا ئەڕۆم و سەری کاسم هەڵگرتووە
هەگبەی غەمم لە کۆڵ ناوە
دڵی وێڵم بە ناچاری بە زیندوویی لە چاڵ ناوە

دەمێ ساڵە چاوەڕێم و داری هیوام بەر ناگرێ
زۆر لە مێژە عەشقی تۆم و گوڵی عومرم چرۆ ناگرێ
عازیزەکەم  وا ئەڕۆم و هەنگاوەکان بەرەو دواوە ڕامئەکێشن
یادگارییەکان، هەناسەی بێ ئومێدیم بۆ هەڵئەکێشن
عازیزەکەم گەر ڕۆیشتیشم
لەگەڵ زەردەی ئێوارانا یادی خەندەم بکەرەوە
لەگەڵ ڕەهێڵەی بارانا گریانم بێنەرەوەیە یاد
لەگەل وەرینی گەڵادا سۆزی عەشقی بەجێماوم
ئارامگای دڵەی شێواوم بۆ ساتێ بەسەر کەرەوە

ئەڕۆم، ئەڕۆم تا ئەگەمە ئەو جێگایەی تۆیەکی تر ئەدۆزمە
یان ئەمجارەش بە ناچاری کۆرپەی خۆزگەم بە دەستی خۆم ئەنێژمەوە

#لەیلا_فەریقی
@Xunyager 🌱

لەگەڵ زەردەی ئێوارانا یادی خەندەم بکەرەوە
لەگەڵ ڕەهێڵەی بارانا گریانم بێنەرەوەیە یاد
لەگەل وەرینی گەڵادا سۆزی عەشقی بەجێماوم
ئارامگای دڵەی شێواوم بۆ ساتێ بەسەر کەرەوە

#لەیلا_فەریقی
@Xunyager 🌱

نە بە کووچەی خەزاندا وەریوم
بە مەکری با،
نە ژاری ژیانەوە لە زارما
تاڵ
کە هەزار تام
دەدرەوشێتەوە لە خەڵوەتی خەندەتا
بە ئاکاری هەنار.
《فەرەیدوون ئەرشەدی》

#فەرەیدوون_ئەرشەدی
@Xunyager 🌱

لە خۆی دەپرسی: بۆچی من دەبێ پێویستم بە کەسێک بێت تا دوو قسەی لەگەڵ بکەم؟
خۆ بۆخۆم لەگەڵ خۆم زۆر زۆرتر لە دوو قسە دەتوانم بکەم و لەخۆشم تێبگەم و ئەگەر کەسێک وەها کارەساتێکی بەسەر هات ئیتر بەدوای کەسدا ناگەڕێت و چاوەڕوانی لە هیچ کەسێک نییە لەگەڵی بدوێ و لێی تێ بگات.

ئەو نووسراوە بەشێک لە کتێبی شەوە ڕۆشنەکانی دۆستۆیەڤسکیە کە زۆر لەوەپێش خوێندمەوە و ئێستا هاتەوە بیرم و هاوکات چەند نووسراوەی کوردیشم هاتەوە یاد کە چەند بە تێر و تەواوی لە چاوەڕوانی دەدوێن و تا سەر ئێسقان هەستیان پێ کردووە، عەتا نەهایی دەڵێ: مردن ئەو ڕۆژەیە کە چاوەڕوانی وەک گەڵایەک بە داری ئەندێشەوە وشک دەبێ و دەوەرێ.
ڕەفیق سابیر دەڵێ: چاوەڕوانی دووڕیانێکە
گیان لە جەستە دەترازێنێت/ چاوەڕوانی جۆرێکی تری مردنە هەڵبەت ڕەفیق سابیر زۆر زۆرتر لەوانە لە چاوەڕوانی دەدوێ.
هێدی دەڵێ: ناتگەمێ، سەرێکم لێ هەڵێنه چاوەڕوانی چاوانمی کەم‌سۆ کرد
بەختیار عەلی لە دیوانی شێعری شەوێک ئاسمان پڕ بوو لە ئەستێرەی شێتدا نووسراوەیەکی هەیە بە نێوی چاوەڕوانی لەوێدا نووسەر وەها چاوەڕوانە کە دار و بەرد و دەریا و هەور و بروسکە و خوداش دەیانهەوێ مەنعی ئەو چاوەڕوانییەی بکەن بەڵام لە کۆتاییدا دەگاتە ئاستێک دەڵێ: لە چاوەڕوانی زیاتر چی هەبوو بیسەلمێنم کە من هەم. ئاوها چاوەڕێم کردی من چاوەڕوانی تۆم، کەواتە هەیت تەنیا بە چاوەڕوانی ویستم بۆ دەریای بسەلمێنم کە دێیت، بۆ خودای بسەلمێنم کە هەیت.

نازانم ڕەنگبێ چاوەڕوانی ڕۆحی ژیان بێ!
@Xunyager 🌱

هەینی باش کوردستان🌱
هاوڕێیان بە ئیزنی مامۆستا عەتا نەهایی گرەوی بەختی هەڵاڵە بە دەنگی مێهرداد ئەحمەدزادە خوێندراوەتەوە و لە 9 ئێپیزۆددا پێشکەش بە خونیاگەرییەکان دەکرێ.
هەموو حەوتوو ڕۆژانی هەینی ئێپیزۆدێک بڵاو دەکرێتەوە.
هیوادارم چێژی لێ وەرگرن
@Xunyager 🌱

گرەوی بەختی هەڵاڵە1

ئێپیزۆدی یەکەم
نووسەر: عەتا نەهایی
دەنگ: مێهرداد ئەحمەدزادە
@Xunyager 🌱

به‌ جورعه‌ و مورعه‌ كار پێک نایه‌ ساقی پڕ كه‌ مینایه‌
به‌ قه‌د كێوی ده‌ماوه‌ند و سه‌هه‌ندم خه‌م له‌ دڵ دایه‌
《حەقیقی》

#حەقیقی
@Xunyager 🌱