Сенатар Ігар Сяргееў перадаў слаўгарадскім патрыётам макеты стралковай зброі

ℹ️ Гэта адбылося падчас урачыстага мерапрыемства, прымеркаванага да ўручэння Слаўгарадскаму раёну вымпела «За мужнасць і стойкасць у гады Вялікай Айчыннай вайны», прысвоенага яму Указам Прэзідэнта Рэспублікі Беларусь ад 8 красавіка 2025 года.

🎁 У якасці падарунка Ігар Сяргееў перадаў двум ваенна-патрыятычным клубам Слаўгарада «Спадчыннікі» і «Патрыёты», якія існуюць пры СШ №№ 1 і 2, чатыры макеты стралковай навучальнай зброі АК-74. 

zviazda.by

🗓 Для каго 26 красавіка не будзе працоўным днём❓

🔹29 красавіка ў Беларусі адзначаецца Радаўніца, і гэтая дата з’яўляецца афіцыйным выходным. У сувязі з гэтым працоўны дзень 28 красавіка (панядзелак) пераносіцца на 26 красавіка (субота). Такім чынам, выходнымі днямі будуць 27, 28 і 29 красавіка — тры дні запар.

🔹Згодна з календаром, у красавіку ў беларусаў пры шасцідзённым працоўным тыдні будзе 25 працоўных дзён, а пры пяцідзённым — 21. Разліковая норма працоўнага часу ў другім месяцы вясны пры 40-гадзінным працоўным тыдні складзе: для пяцідзённай з выходнымі ў суботу і нядзелю — 166 гадзін, а для шасцідзённай з выходным у нядзелю — 165 гадзін.

🔹Калі 28 красавіка супадае з перыядам водпуску (працоўнага або сацыяльнага) работніка, то для яго 26 красавіка будзе непрацоўным днём. А калі 28 красавіка прыпадае на службовую камандзіроўку ці навучанне, то 26 красавіка застанецца працоўным днём.

zviazda.by1

🎥 У кінатэатрах краіны адбудзецца прэм’ера дылогіі «Лагеры смерці» і «Спаленыя вёскі»

Ва ўсіх кінатэатрах краіны 17 красавіка адбудзецца прэм’ера дылогіі «Лагеры смерці» і «Спаленыя вёскі».

Фільмы будуць паказаны ў рамках рэспубліканскай акцыі «Гэта павінен бачыць кожны беларус». У іншых краінах (Расіі, Кітаі, В’етнаме, Сербіі, Калумбіі, Турцыі, Таджыкістане, Аргенціне, ЗША) гэтыя стужкі дэманструюцца ў рамках акцыі «Памятаць. Помнить. Remember».

👀 Першымі гледачамі дылогіі сталі журналісты, якіх запрасілі на прэс-паказ у сталічны кінатэатр «Перамога».

zviazda.by

🤝 Прэзідэнт сустрэўся з кіраўніком Службы знешняй разведкі Расіі

Прэзідэнт Беларусі Аляксандр Лукашэнка сустрэўся з кіраўніком Службы знешняй разведкі Расійскай Федэрацыі Сяргеем Нарышкіным, які прыехаў у Мінск для ўдзелу ў сумесным пасяджэнні калегіі яго ведамства з Камітэтам дзяржаўнай бяспекі Беларусі. Але найперш — сустрэча з кіраўніком дзяржавы.

zviazda.by

Які вопыт Шчучынскага раённага Савета дэпутатаў запатрабаваны ў калег❓

На чале народных выбраннікаў Шчучыншчыны вось ужо сёмы год знаходзіцца вопытны кіраўнік з больш як 30-гадовым стажам дзяржслужбы, дэпутат раённага Савета пяці скліканняў.

Для старшыні Шчучынскага раённага Савета дэпутатаў Ганны Хвядзюк служэнне Радзіме, людзям, якія аказалі ёй высокі давер, — яе жыццёвая місія.

Старшыня райсавета перакананая, што без каманды патрыётаў і прафесіяналаў дасягнуць значнага выніку нельга, а таму толькі сумеснымі намаганнямі выканаўчай і прадстаўнічай улады можна рухацца наперад.

zviazda.by

Чым жыве Лепельская выбарчая акруга

▫️У склад Лепельскай выбарчай акругі № 23 уваходзяць Бешанковіцкі, Чашніцкі і Лепельскі раёны з агульнай колькасцю выбаршчыкаў больш за 60300 чалавек.

▫️Член Пастаяннай камісіі па дзяржаўным будаўніцтве, мясцовым самакіраванні і рэгламенце Палаты прадстаўнікоў Нацыянальнага сходу Віктар Азаронак расказаў аб тым, чым жыве акруга і якія добрыя справы ўжо ўдалося рэалізаваць.

zviazda.by

❕Магілёўшчына першая сярод рэгіёнаў распрацавала ўласную Стратэгію рэгіянальнага развіцця

У Магілёўскай вобласці падвялі вынікі V Рэгіянальнага форуму па ўстойлівым развіцці.

Удзел у форуме прынялі прадстаўнікі выканаўчай улады, дэпутаты, члены абласной рабочай групы па ўстойлівым развіцці, СЭЗ «Магілёў», абласных асацыяцый мясцовых Саветаў дэпутатаў, прамыслоўцаў і прадпрымальнікаў, моладзь.

На пленарным пасяджэнні ў Палацава-паркавым ансамблі ў аграгарадку Жылічы Кіраўскага раёна былі агучаны прыярытэтныя кірункі развіцця Магілёўскага рэгіёну ў рамках абноўленай Стратэгіі ўстойлівага развіцця вобласці да 2040 года.

Найважнейшым з іх з’яўляецца рэсурсазберажэнне. Спікеры расказалі пра пілотныя ініцыятывы па ўкараненні прынцыпаў цыркулярнай эканомікі і рэсурсазберажэння на прадпрыемствах і ў арганізацыях Магілёўскай вобласці, аб працэсе ўцягвання насельніцтва ў прыняцце рашэнняў на мясцовым узроўні.

zviazda.by

Аўтарынак Беларусі дэманструе высокую актыўнасць. Якія аўто сёння найбольш папулярныя?

Аўтамабільная асацыяцыя «БАА» падвяла вынікі продажаў 2024 года. Летась аўтадылеры рэалізавалі 53178 новых легкавых і лёгкіх камерцыйных аўтамабіляў.

Гаворка ідзе пра аўто, якія былі пастаўлены ў Беларусь па афіцыйных каналах або зробленыя ў Беларусі. Гэта больш чым удвая перавышае паказчык 2023-га, калі было прададзена 25408 машын, адзначыў Дзмітрый Ярота, дырэктар УП «БАА-Кансалт».

zviazda.by

На экскурсію ў Палац Незалежнасці завіталі медыкі

Наведаць Палац Незалежнасці гэтым разам выдалася магчымасць работнікам Гомельскай абласной дзіцячай клінічнай бальніцы — найстарэйшай дзіцячай бальніцы ў краіне — якраз учора споўнілася 105 гадоў з дня адкрыцця гэтай установы.

Гасцямі Палаца таксама сталі ўдзельнікі ХХХ юбілейнай выстаўкі-форуму «Ахова здароўя Беларусі», а менавіта гродзенскія ўрачы анка- і кардыядыспансераў, урачы і спецыялісты Віцебскай і Мінскай бальніц хуткай медыцынскай дапамогі, якія выратавалі людзей пасля пажару ў гандлёвым цэнтры ў Віцебску, а таксама прадстаўнікі трох унікальных РНПЦ — дзіцячай хірургіі, кардыялогіі, неўралогіі і нейрахірургіі, на рахунку якіх сотні ўнікальных аперацый.

zviazda.by

Што цікавага паглядзець на міжнародным медыцынскім форуме «Ахова здароўя»?

У сталіцы адкрыўся 30-ы юбілейны міжнародны медыцынскі форум «Ахова здароўя Беларусі — 2025». Сёлета ў выстаўцы бяруць удзел каля 190 экспанентаў з 8 краін — Беларусі, Расіі, Кітая, Егіпта, Ірана, Турцыі, Венгрыі і Швейцарыі.

Сярод іх вядучыя айчынныя вытворцы медыцынскай тэхнікі, вырабаў медыцынскага прызначэння, расходных матэрыялаў, стаматалагічнага абсталявання і фармацэўтычнай прадукцыі.

zviazda.by

Пачынаем дзень са «Звяздой» — з цікавостак!

Чым запомніўся гэты дзень❓

📜1864 год — нарадзіўся (г. Слуцк) Аляксандр Іванавіч Слупскі, беларускі і расійскі гісторык і археолаг. Скончыў Мінскую гімназію, у 1887-м — Пецярбургскі ўніверсітэт. Пасля працаваў на Урале, дзе вывучаў архітэктуру і археалогію Паўночнага Урала. Аўтар нарыса «Ізяслаўль і Тураў...», які быў апублікаваны ў «Паўночна-Заходнім календары» на 1888 год. У гэтым выданні ў наступныя гады надрукаваў «Народны каляндар», артыкул «Гісторыя Мінска» і іншыя матэрыялы. У газеце «Минский листок» за 5 мая 1895-га ён першым расказаў пра творчасць Вінцэнта Дуніна-Марцінкевіча.

✍🏻1935 год — нарадзіўся (в. Данейкі Навагрудскага ваяводства) Анатоль Клышка, беларускі савецкі празаік, журналіст, крытык, перакладчык, педагог. Заслужаны работнік культуры Рэспублікі Беларусь. Член Саюза пісьменнікаў СССР. Працаваў у газеце «Літаратура і мастацтва», часопісе «Полымя», у выдавецтве «Юнацтва». Аўтар «Беларускага буквара».

📎1960 год — нарадзіўся (в. Май Пухавіцкага раёна) Мікалай Пятровіч Чэпік, воін-інтэрнацыяналіст, удзельнік баявых дзеянняў у Афганістане, Герой Савецкага Саюза. У час выканання адной з баявых задач яго падраздзяленне трапіла ў засаду душманаў. У перастрэлцы намеснік камандзіра ўзвода старшы сяржант Чэпік быў паранены. Каб не трапіць у рукі ворага жывым, ён падарваў міну, загінуў сам і знішчыў пры гэтым некалькі дзясяткаў ворагаў.

📚1844 год — нарадзіўся Анатоль Франс, французскі раманіст і літаратурны крытык, лаўрэат Нобелеўскай прэміі ў галіне літаратуры. Аўтар раманаў «Багі прагнуць», «Востраў пінгвінаў», «Паўстанне анёлаў», «Таіс» і іншых. Член Французскай акадэміі.

📌1947 год — амерыканскі фінансіст і дзяржаўны дзеяч Бернард Барух першым у афіцыйнай абстаноўцы выкарыстаў паняцце «Халодная вайна» для азначэння дачыненняў паміж СССР і ЗША, якія на той момант сталі імкліва пагаршацца. Пазней гэты тэрмін набыў і больш шырокае значэнне.

Cёння ўжо да плюс 23

▫️Воблачна з праясненнямі. Раніцай і днём на большай частцы тэрыторыі краіны пройдуць кароткачасовыя дажджы.

▫️Днём месцамі прагрымяць навальніцы. Вецер паўднёва-ўсходні парывісты, удзень у асобных раёнах моцны парывісты.

▫️Тэмпература паветра максімальная днём плюс 12 — плюс 18 °С, па паўднёвым захадзе краіны паветра прагрэецца да плюс 23 °С. Атмасферны ціск будзе слаба расці.

zviazda.by

Паліцыя Брытаніі расследуе апаганенні 85 мусульманскіх магіл

Паводле інфармацыі СМІ, гэта здарылася ў мусульманскай частцы могілак ва Уотфардзе, дзясяткі надмагільных знакаў былі апаганены. Як адзначае выданне, многія з магіл належалі немаўлятам ці маленькім дзецям.

zviazda.by