group-telegram.com/northernlightsff/572
Last Update:
Міжнародная праграма на «Паўночным ззянні» — 2024
Дзікая, крымінальная, філасофская, вострая, абсурдная, самабытная — такой будзе міжнародная праграма дзясятага сезону «Паўночнага ззяння». 15 стужак, якія зацягнуць вас у свет кіно ўжо гэтай восенню.
У міжнародным конкурсе дэбютаў сёлета ўдзельнічаюць сем стужак. Яны — першыя ў кар'еры рэжысёраў з краін Скандынавіі і Балтыі. Знятыя ў розных фарматах — ад гонза-дакументалістыкі да падлеткавай драмеды, — яны прапануюць свежы погляд на сацыяльныя праблемы, сямейныя адносіны, мастацтва і сталенне. Фільмы пра моладзь і для моладзі, якім мы надаем вялікую ўвагу, адзначаныя як «Новы погляд»/«New gaze»
Большасць фільмаў, прадстаўленых у конкурсе, адзначаны ўзнагародамі і намінацыямі на найбуйнейшых фестывалях: Венецыянскі кінафестываль, Лакарна, CPH:DOX, кінафестываль у Гётэборгу.
Па-за конкурсам прадстаўлены яшчэ восем фільмаў. Разам з імі мы будзем вяртацца да каранёў праз некранутыя прыродныя пейзажы, лакальныя традыцыі, мастацкае асэнсаванне нацыянальных траўм і, канешне, праз адвечныя пытанні жыцця і смерці.
Некаторыя фільмы можна будзе пабачыць у кінатэатрах Вільнюса і Варшавы — сачыце за раскладам на сайце «Паўночнага ззяння».
Ззя!
BY Кінафестываль «Паўночнае ззянне»
Share with your friend now:
group-telegram.com/northernlightsff/572