Ил Дархан Киргизияҕа РФ Боломуочуйалаах Посуолун кытта көрүстэ

Ил Дархан Айсен Николаев Бишкек куоракка сэтинньи 29 күнүгэр Киргизияҕа РФ Ыксаллаах быһыыга-майгыга уонна Боломуочуйалаах Посуолун Сергей Вакуновы кытта көрүстэ.

Кэпсэтиигэ Россия уонна Киргизия хардарыта сыһыаннаһыыларын туругун дьүүллэстилэр, итиэннэ Саха сирэ-Киргизскэй өрөспүүбүлүкэ бииргэ үлэлэһиилэрин боппуруоһун көрдүлэр.

Сергей Вакунов Россия уонна Кыргызстан сибээстэрэ бөҕөргүүрүгэр Саха сирэ улахан оруоллааҕын, атыы-эргиэн, экономика, итиэннэ култуурнай-гуманитарнай бииргэ үлэлэһиигэ улахан болҕомто уурарын эттэ.

@nvk_sakha

✅Саха сирэ Киргизскэй өрөспүүбүлүкэни кытта салгыы бииргэ үлэлэһиэҕэ

Сэтинньи 29 күнүгэр Бишкек куоракка Ил Дархан Айсен Николаев уонна Киргизия өрөспүүбүлүкэтин бэрэсидьиэнэ Садыр Жапаров көрсүһүүлэрэ буолла. Салайааччылар салгыы бииргэ үлэлэһии сайдыытын туһунан дьүүллэстилэр.

Киргизскэй өрөспүүбүлүкэ бэрэсидьиэнэ регионнар сибээстэһиилэрэ Россия уонна Киргизия сыһыаннарын бөҕөргөтүүгэ улаханнык дьайарын ыйда.

«Билиҥҥи туругунан Саха сирэ уонна Киргизскэй өрөспүүбүлүкэ сыһыаннара бары хайысхаҕа тэтимнээхтик сайдар»,-диэтэ Садыр Жапаров.

@nvk_sakha

📺Программа ТВ НВК "Саха" на 30 ноября (сбт.)

06:00-Аһаҕастык 12+
06:30-Геван 12+
07:00-Саҥа күн 6+
09:00-Истиҥ илдьит 6+
09:45-Парламентский вестник 12+
10:00-Айар-тутар Сахам сирэ! 6+
10:45-Кэрэ кэпсээн 6+
12:00-Новости 12+
12:15-Аал луук мас 12+
13:00-Күн дэлэйэ 6+
13:30-Саха сирэ. Күнтэн күн 12+
14:30-Көмүс дорҕоон. Валерий Ноев 6+
15:30-Ума палата 6+
16:00-Урбаан 6+
16:30-Хомус күнүгэр. Уһуктуу 6+
17:30-Геван 12+
18:00-Новости 12+
18:15-Истиҥ илдьит 6+
19:00-Үҥкүүлээ 6+
21:00-VI Чемпионат мира по мас-рестлингу в Бишкеке 12+
22:00-Саха сирэ. Күнтэн күн 12+
23:00-VI Чемпионат мира по мас-рестлингу в Бишкеке 12+
01:00-Үҥкүүлээ 6+
03:00-Новости 12+
03:15-Якутск сегодня 12+
04:00-Документальный фильм 12+
05:30-Репортаж 12+

Уважаемые телезрители, напоминаем, что в программе возможны изменения.

@nvk_sakha

👋🏼⛄❄️
Ыраас сибиэһэй салгыннаах сандаархай сарсыардабыт саҕаламмытынан,
Санаабыт көтөҕүллэн күлэн-үөрэн үүммүт күнү көрсүөххэ,
Эһиэхэ дьоммор доҕотторбор эйээрэр эҕэрдэбин Туймаада Хочотуттан ыытабын,
Үүммүт күн үчүгэйи эрэ аҕаллын кэрэни эрэ кэпсээтин дьолу эрэ түстээтин.

Дьуон Элэһин.

@nvk_sakha

🌿Төрүт боруода саха сүөһүтүттэн кэлэр бородууксуйа доруобуйаҕа туһалааҕа учуонайдарынан дакаастанан турар. Бэйэбит төрүт боруодабыт тыйыс тымныыга тулуурдааҕын, ыарыыга бэриммэтинэн, аһыгар талымаһа суоҕунан сөхтөрөр.

🌿Саха сүөһүтүн туһунан баар чахчылары, учуонайдар чинчийиилэрин, тус көрүүтүн РФ үтүөлээх суруналыыһа,"Төрүт баай" уопсастыбаннай түмсүү салайааччыта, "Кыым" хаһыат ырытааччыта, инженер-технолог үөрэхтээх Владимир СТЕПАНОВ "КҮН ДЭЛЭЙЭ" биэриигэ анаан сырдатта.

🌿Саха сүөһүтүттэн кэлэр ас-үөл туһатын туһунан бу субуотаҕа, сэтинньи 30 күнүгэр, 13:00 көтүппэккэ көрүҥ!

@nvk_sakha

⚡️Мас тардыһыыга аан дойду чемпионатын «Саха» НКИХ социальнай ситимигэр көрүҥ

Сэтинньи 30 күнүттэн ахсынньы 1 күнүгэр диэри «Саха» НКИХ ханааллара уонна «ВКонтакте» бөлөҕө мас тардыһыыга аан дойду чемпионатын быһа эпииргэ көрдөрүөҕэ.

Бишкек куораттан «ВКонтакте» социальнай ситимҥэ быһа холбонуу бириэмэтэ:

Субуота, сэтинньи 30 күнэ

20:00-21:00 - чемпионат үөрүүлээх арыллыыта

21:00-23:00 - финал

Баскыһыанньа, ахсынньы 1 күнэ

19:00-21:00, 21:00-22:30

Күөх экраҥҥа күрэхтэһиини быһа эпииргэ НВК «Саха», «Мамонт» ханааллар көрдөрүөхтэрэ.

Күрэххэ Россия сүүмэрдэммит хамаандатын улахан аҥаара Саха сирин мадьыналарыттан турар. Хамаанда састааба Россия чемпионатын түмүгүнэн талыллыбыта. Онон аан дойду чемпионатыгар Дмитрий Саввины, Сергей Константиновы, Дмитрий Попову, Иван  Галкины, Наталья Черноградскаяны уонна  Махинур Абдузойированы көрүөхпүт.

@nvk_sakha

Саха университетын бастакы ректора, философ, Былатыан Ойуунускай саамай эрэнэр киhитинэн хаалларбыт Авксентий Егорович Мординов олоҕун, уhулуччулаах үлэтин-хамнаһын тула сэһэргэһии

“Таас Тумус күөнүгэр” субуотаҕа сэтинньи 30 күнүгэр күнүс 12.15 чааска, хатылааһына оптуорунньукка ахсынньы 3 күнүгэр киэһэ 17 чааска көстүөҕэ.

@nvk_sakha

😍😋 Арчы дьиэтигэр алаадьы сыта дыргыйда

«Кыһын Саха сириттэн саҕаланар» бэстэбээл «Саргылаах сахам аһа» анал тэрээһин чэрчитинэн Арчы Дьиэтигэр алаадьы арааһын амсаттылар.

«Күн төгүрүк алаадьыта» айыы аһын алаадьыны араас көрүҥүнэн астыыр ырысыаптаах альбомун сүрэхтээтилэр.

Тэрээһиҥҥэ араас түмсүүлэр, биирдиилээн кэрэ аҥаардар араас алаадьыны астаатылар.

Кэлбит ыалдьыттары быардаах, эттээх, отонноох, балыктаах, барыанньалаах уо.д.а. алаадьыларынан күндүлээтилэр.

Бырайыак ааптарынан СӨ култууратын туйгуна Любовь Константинова-Кыталы Куо буолар.

@nvk_sakha

Бырайыак ааптара СӨ култууратын туйгуна Любовь Константинова-Кыталы Куо тэрээһин туһунан кэпсиир.

@nvk_sakha

«Атласовтар уһаайбалара» шеф-пуобара, «Саха сирин амтана» гастрономическай бэстибээл көхтөөх кыттааччыта, кыайыылааҕа, Россия араас регионнарыгар саха төрүт аһын билиһиннэрэр Николай Атласов алаадьыны буһарыы туһунан кэпсиирин истиҥ.

@nvk_sakha

Күннээҕи олоххо сахалыы эрэ таҥнар, айар куттаах, талба талааннаах, сахалыы ииһи сөргүтээччи, үйэтитээччи, СӨ култууратын туйгуна, Намнааҕы Олоҥхо дьиэтин дириэктэрэ Вера Васильевна Колпашникова бу тэрээһиҥҥэ таба этиттэн алаадьы оҥорон аҕалбыт. Ырыссыабын кэпсиирин истиҥ.

@nvk_sakha