group-telegram.com/mkudkidrverknevilyusk/939
Last Update:
"Ыал - олох төрдө" улуустааҕы дьиэ кэргэн форумугар "Плечом к плечу" диэн анал байыаннай дьайыы дьиэ кэргэттэригэр анаммыт секцияҕа Үөһээ Бүлүүтээҕи авиапорт салайааччыта Иванов Дмитрий Дмитриевич анал байыаннай дьайыы зонатыгар делегация гуманитарнай сырыытын туһунан сырдатта.
Дмитрий Дмитриевич уотпускатын кэмигэр гуманитарнай сырыы делегациятыгар кыттыһар баҕатын этинэн, айанын бэйэтэ уйунан үһүс сырыыга барсыбыта.
Дмитрий Дмитриевич анал байыаннай дьайыы сиригэр элбэх билэр дьонун, ол иһигэр бэйэтин төрөппүт уолун көрсүбүт. Гуманитарнай сырыыга көрсүбүт ыарахаттары, мэһэйдэри кэпсээтэ. "Байыастар настырыанньалара бойобуой, таҥастара-саптара ыраас, чинчис, блиндаждара сылаас, ыраас, хамнастара кэмигэр кэлэ турар эбит", - диэн үллэһиннэ.
Анал байыаннай дьайыы сиригэр аныгыс гуманитарнай сырыыга нэһилиэк баһылыктара барсаллара тоҕоостооҕун бэлиэтээтэ. "Уолаттар ордук кэтэһэр түгэннэрэ - дойдуларын сонунун истээһин", - диэн чуолаан эттэ. Бары байыастар биир дойдулаах дьонноро хайдах олороллорун, күннээҕи сонуннарын олус кэтэһэллэрин бэлиэтии көрбүт. Онон аныгыс сырыыга нэһилиэк баһылыктара барсан биир дойдулаах уолаттарын кытта көрсөллөрө олус улахан суолталаах.
Түмүккэ, бүгүҥҥү форумҥа ылыллар резолюцияҕа СВО зонатыгар Үөһээ Бүлүүттэн бэрэстэбиитэл баар буоларын туруорсарга этии киллэрдэ. Биһиги улууспут бэрэстэбиитэлэ СВО зонатыгар опорнай пууҥҥа үлэлиир түгэнигэр, биһиги биир дойдулаах байыастарбыт харысхаллаах буолалларыгар, кыһалҕаларын миэстэтигэр быһаарарга улахан көмө буолуо этэ диэн этиннэ.
#СВОихНеБросаем
#ҮөһээБүлүү
Үөһээ Бүлүү улууһун дьаһалтатын пресс сулууспата.
BY МКУ "Департамент Культуры и Духовного развития" Верхневилюйского улуса
Share with your friend now:
group-telegram.com/mkudkidrverknevilyusk/939