group-telegram.com/pllll880/3565
Last Update:
____
جلست بشاير تفكر في خالد لين غطاها النوم ورقدت .
من بكره يوم جديد الساعه 9 صباح
صحى خالد وقام واول مره يحس بحساس حلو ومتحمس لليوم جدا مهوب زي الايام الي راحت يحس بحماس ماقد حسه من قبل ابتسم ومسك جواله عطول وارسل : صباح الخير يروحي اشتقت لش ابتسم ويحرك راسه وحط جواله ويمالي نفسه يروح للمستشفى ولا !!
عند عواطف ومحمد .
محمد: قومي قومييي
عواطف فزت: يمههه شقومك
محمد: مرقد قومي ابغى فطور
عواطف: بسم الله ذي الحزه شقومك
محمد حاط ايده ع خصره: شرايش يعني
عواطف: بس منت متعود
محمد: تحسبين اني مثلش راقد عندي دوام
عواطف: طيب شقومك كذا
محمد: تعودي على اسلوبي الجديد دبر وطلع ثيابه من الشنطه: رتبيهاا لا اوصيش
عواطف منصدمه من حركاته وقامت تتمطط
دخل الحمام وتسبح وغير ثيابه وطلع وجلس ع الكنب مسك جواله وقام يرسل وهو يبتسم
عواطف عطت فطور وعينها عليه: من ترسل له!
محمد: شدخلش حلوه ذي
عواطف: بس انا زوجتك
محمد: احلفي عادني دريت تصدقين المهم طلعي ثيابي الوصخه وغسليها
عواطف: محمد
محمد: نعم روحي كبي الحقاق
عواطف دنقت : طيب دخلت الغرفه وهي كبدها منحرقه وجاها فضول منهو يرسل له
محمد سجل صوت : حبيبتييييي تدرين اني اموت فيش
سمعته عواطف وجلست ع السرير : من حبيبته يعني خانيي لا مستحيل من يكلم ذا اوفففففف طلعت بشويش وتراقبه من بعيد
محمد التفت عليها: تعالي اجلسي ليه اطلين من بعيد
عواطف فزت: لا بخلص شغلي
محمد ابتسم: طيب طيب مايهم
انضغطت عواطف واقبلت عليه : من تحاكي انت!!
محمد: تفهمين انتي مالش دخل
عواطف: كيف مالي دخل محمد تخوني
محمد: مابينا شي عشان اخونش كلن رايح لشخص الي يرتاح له
عواطف: بس انا خليت كلشي وعدتك اني معاد اسوي شي واني بحبك
محمد: سكت شوي
عواطف: انا اكلمككك رد علي من تراسل !!
محمد: ماني معلمش وبسوي الي ابغى
عواطف: محمد تسوي ذا الشي عشان تفحرني هاه!!
محمد: ليه افحرش اصلن منتي تحبيني ولا فكرتي فيني
عواطف : لا مهوب كذاا
محمد: اجل ايش افسر حركتش!!
عواطف: ترجاني يا محمد
محمد ابتسم استهزا: يعني اي شخص يترجاش بتسايرنه !!
عواطف: لا اكيد لاااا وعدتك يا محمد
محمد: طيب مالش دخل في حياتي ذلحين وبسوي الي ابغى
عواطف: محمد تبغى ادخل الشك بينا
محمد: اي اييي بدخل الشك بينا انتي الي بديتي
عواطف : اسفهه اسفهه نفداك عرفت غلطتي
محمد: روحي من عندييي يا عواطف كبدي مهيب زينه
عواطف: محمد احبك
سكت محمد بصدمه الكلمه ودنق
عواطف: انت بس والله في قلبيي انت بس محد يخاشرك انت اوعدني ان مافي شي رح يفرقنا اوعدني
رفع راسه صوبها : عواطف
عواطف: لبيه يا محمد
محمد : بتسوين الي انا ابغى
عواطف: لو تبغى عيوني
محمد: تمم اول شي جوالش معي موافقه الا وقت حد دق عليش من هلش ثاني شي نبغى لنا وقت لين تصفى نفوسنا يعني مارح ارجع معش مثل اول بالتدريج لين نتعود ع بعض تمام
عواطف: موافقه الي تبغى
محمد: طيب يلا روحي خلصي شغلش
دبرت ورجعت: منهي!!
محمد: من
عواطف: الي ترسل لها
محمد ابتسم: مافي حد روحي
عواطف: طيب
BY - : روايات.
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/pllll880/3565