أصعب معارك التي ستخوضها
في حياتك تلك هيَ التي تدور
بين عقلك الذي يعرف الحقيقة
وقلبك الذي يرفض أن يتقبلها .

- محمود درويش

أغلبية البشر ينضج حسب ظروف الحياة
بس أكثر شخص ينضج من تقسو عليّ الحياة هو الشخص الطيب،
يتحول تدريجيًا من شخص يغفر ويسامح لشخص يتقبل الاعتذار بس ماينطيك بعد فرص جديدة.
شخص تتحول أولوياته لكسب راحته النفسية بعد ما سابقًا بقى يدافع بأستماته عن أحبابه وأفكاره، يتحول لشخص يشوف الخذلان بالمقابل عطف تجاهه بس تقل قيمته للأبد، يصير عنده الناس فترات وتنتهي ويا الوقت، لايعاتب أحد ولا ينتظر احد
ويحفظ أسراره لنفسه،

الشخص الطيب ما يتحول لشخص مؤذي بس يتجاهل
يتجاهل ويعيش بصمت.

وكلكم عيوني.

ماكو أصعب من صَفنه تنتهي
بصوجي والله .؟

مرة اشتريت قميص ماركة جان بوكته، جنت قليل البس قمصان ، اكثر لبسي بالصيف تشيرتات وبالشته بلوز ، هذا القميص الغالي كلما البسه أتقيد وماارتاح بي ، ارجع انزعه والبس بلوزي ابو العشرتالاف المرتاحله ، مرات تشوف واحد غني صاعد سيارة عادية ، هو يكدر يشتري اَي سيارة تعجبه بس تشوفه صاعد سيارة هوندا صغيرة
الموضوع مو فلوس بس هو مرتاحلها

وجنت اعرف ابو شركة موبايلة ايفون فايف قديم برغم ماجان توه نازل ال7plus سألته ليش ماتغير موبايلك كلي هذا تعودت علّي بعد وحتى لو ردت أغيره اشتري فايف نفسه

الموضوع ماله علاقة بالشكل والجمال والسعر
الموضوع اقتناع وثقة وتجربة وموضوع مهم يوصلك للحقيقة
لاتستغرب انت كشاب حلو ومرتب وسيارتك اخر موديل المعجب بيها تحب واحد حالته ميسورة لأن شافت جزء منه يكملها ، ولاتتعجبين انتي وحده حلوه واغلب العالم تباوع عليج واحد يختار غيرج انسانة بسيطة لأن ارتاحلها وفهمها .

التفاهم هذا اهم موضوع بهذا الكوكب، الراحة النفسية التلكاها بناس يشبهوك، بمطعم ترتاح لكعدته، بتشيرت ماخذ راحتك بي، بأغنية تسمعها، الراحة التلكاها ويه الهادئين امثالك لو ويه التافهين الي على نيتهم اليشبهوك
الموضوع مابي مغامرة، مادام انت اختاريت راحتك النفسية ومارايد شي غصب عنك وتبقى تشوفه غلطة مستديمة تعيش بيها الباقي من حياتك.

عيش حياتك برغبتك، لا غصبًا عليك.

وكلكم عيوني

قرِبت تَنتهي سنة 2024
مُمكن تَكون أكثر سَنة مُختلفه
عشت ب حزنها وب فرحها
أكثر سنه أني تأذيت بيها
وتمرضت وتعبت
بس، تغيرِت
عَرفت مَنو اليسِتاهلني
ومنو ال لا عرفت الزين وال موزين
جَانت سنة مَشاعر وشعور
وكَلشي متلخبط
راح تَنتهي هِل سَنه
وراح ينتهي الشعور ول مشاعر.

أجلس على طرف سريري يوميًا
قبل أن أنام أتذكر معاناتي اليومية
واقول لنفسي أحسنت لقد صمدت
يوم أخر🙇🏻🖤 .

كانَتْ سَنة مَليئة بـ :

{يُؤۡتِكُمۡ خَيۡرٗا مِّمَّآ أُخِذَ مِنكُمۡ}

مشتاق لأيام الصداقه الحقيقية، للأيام بدون معرفة الأنترنيت والمبايل، لأيام بنات الطفولة، من چانت البنيه كائن عادي وطبيعي مو مثل ما تشوهت هسه بفعل الأفكار الغربية الشيطانية، مشتاق لأصدقائي الي ماغيرتهم الظروف والأيام من چنا نلعب حرب بالرشاشات بأول يوم العيد، وتصير بالقنا*** بينا وبين الطرف الاخر ومن نكمل نروح نشتري بوشار سويه ونتصالح لان گلوبنا نظيفة وطيّبة، ماعدنا حقد وماعدنا كُره لأحد، مشتاق لأيام الفزعات الزينه، من چان يجي خطار لبيت جيرانَه وتصيحني اجيبلها ببسي، تحس انطتَك مهمه تجيب كأس العالم ب3 دقايق، مشتاق للمطر مال قَبل، من تمطر واحنا بالمدرسة، او دنشتري من الحانوت، وبالحَله نلعب جوه المُطر ونتنكع، ونرجع للبيت وتتلگاني امي گبل تروح ع جنطه تشوف الكتب خاف تنكعت، ومن تتأكد مابيهن شي، تبتسم ويانه وتكول "رعنين"
مشتاق من چنه نجي لبغداد بذاك الوقت، عبالك مسافرين لباريس او سويسرا، ومن ناكل موطة من مرطبات الملكة بالشتة، اقصى درجات الإستمتاع ، ونبقى نفتر بالسيارة ونمر على الأعظمية،
مشتاق للأوقات الحلوه الما تتقدر بثمن، للنيّة الصافية البريئة، للطفولة، للحياة قَبل.
شكد اتمنى كل الذكرتهم فوك، بخير وصحة وعافية ويرزقهم الله بكد رحمته.

وكلكم عيوني.

أَنا الَّذي سَمَتني أُمي حَيدَرَه
ضِرغامُ آجامٍ وَلَيثُ قَسوَرَه
عَبلُ الذِراعَينِ شَديدُ القِصَرَه
كَلَيثِ غاباتٍ كَريهِ المَنظَرَه

عَلى الأَعادي مِثلَ رِيحٍ صَرصَرَه
أَكيلُكُم بِالسَيفِ كَيلَ السَندَرَه
أَضرِبُكُم ضَرباً يَبينُ الفَقَرَه
وَأَترُكُ القِرنَ بِقاعِ جُزُرِهِ
أَضرِبُ بِالسَيفِ رِقابَ الكَفَرَه
ضَربَ غُلامٍ ماجِدٍ حَزوَرَه
مَن يَترُكِ الحَقَّ يَقوِّم صِغَرَه
أَقتُلُ مِنهُم سَبعَةً أَو عَشَرَة
فَكُلَّهُم أَهلُ فُسوقٍ فَجَرَه


متباركين بولادة الامام علي بن ابي طالب(عليه السلام)

نحنُ الذينَ فهمنا كُلَّ شيءٍ مُبكرًا، نحتاجُ إلى كُرَة أرضيَة أُخرى، نَستريحُ فيها بَعيدًا عن صراعات
الذينَ لَم يفهَموا بَعد.

السَّلامُ عَلَى المُعَذَّبِ فِي قَعرِ السُّجُونِ وَظُلَمِ
المَطَامِيرِ ذِي السَّاقِ المَرضُوضِ بِحَلَقِ القُيُودِ.

لم تكوني يومًا هامشًا، كُنتِ الفكرة
ولم تكوني يومًا مسمارًا، كُنتِ الصورة
ولم تكوني ابدًا رُبما، كُنتِ اليقين
أنتِ حنانُ الأمهاتِ، أنتِ الأسرة
وإليكِ كُلُّ الكتابات، إليكِ الحنين
لَم أضعكِ يومًا بينهنَّ سطرًا أو نُقطة
أخبريني
هل يوضَعُ بحرٌ في قطرة؟

احيانًا يكون العلاج ، هو بائعة العلاج .

الفرحة بميلاد صاحب الأمر لا تضاهى، هي فَرحة وسعادة ارتبطت بوجود أملٍ قادم .. هذه الحياة لا تُطاق إن لم يكن هناك "مهديها".

لا أريد أن تحبني لأنني أناسبك
لأنني أقول و أفعل الأمور الصحيحة، لأنني ما كنت تبحث عنه دائمًا.
أريد أن أكون الشخص الذي لم تتوقّعَهُ، الذي يتسرّب تحت جلدك، من يفقدك توازنك، من يجعلك تُشكّك في كل ما صدقتَهُ عن الحُبّ،
من يجعلك متهورًا، خارجًا عن السيطرة.
من تنجذب إليه بشكل غريب و غير مفهوم.

عطش الصوم ينتهي
وقت الأذان ، بس أيش ينهي
عطش الإنسان للإنسان