Хайдах маннык буолуохха сөбүй?

Тойон-Арыы Бэчиэкэн диэн оттуур сир хаһаайына Александр Корякин бүгүн маннык ыйытыылаах. Сөптөөх ыйытыы.

Атын киһи сиригэр көҥүлэ суох сылгыларын түмэн аһаппыттар, аны рулоннаах отторун быатын дьаһайбатахтар.

Бу сылгылаах дьон атын киһи сирин-уотун киртиппиттэр, суобаһа суох сыһыаннаспыттар. Бэйэлэрэ хаһаайыстыбалаах эрээрилэр, атын киһи оттуур сирин харыстаабаттара - сиэрэ суох быһыы.

"Былырыын эмиэ сылгы сааҕа элбэҕэ, быа да баара. Бэйэм хомуйбутум. Быйыл наһаалаабыттар. Маны хомуйбатахха, бу сиргэ от үүммэт буолар. Улахан ааннар буолалларын билэбин", - диир Александр.

Сиргэ, буолаары буолан, атын хаһаайыстыба сиригэр харыстабыллаах сыһыан хайаан да баар буолуохтаах. Киртиппит дьон хайаан да ыраастыахтаах.

#сирхаһаайына #сирдээхдьон

Бэҕэһээ үөһэ мырааҥҥа тахса сырыттыбыт.

Уубут этэҥҥэ курдук. Быйыл уу хаайыытыгар сүөһүлэрбитин туруорар сирбитин саҥартыбыт.

Уубут этэҥҥэ буолан, көспөтүбүт. Ити эрээри икки күн сүөһүлэрбитин дьиэ таһыгар хоннордубут. Маҕыраһыы бөҕө. Күөххэ-киэҥҥэ талаһыы кытаанаҕа.

Ол сылдьан лабыкта көрдүм. Сып-сымнаҕас, тэллэйдиҥи сыттаах. Сүөһү лабыктаны сиэтэҕинэ үүтэ эбиллэр диэни истэн, биир кыра салапааҥҥа хомуйан аҕалан, ынахтарга сиэтэ сатаатым. Кэрийэ сылдьан, барыларын айаҕар уга сатаатым, сыттата сатаатым. Суоо-ооох, ылымматылар.

Онтон интернеккэ хаһыспытым, лабыктаны ынахха сиэтэргэ хатаран баран туустаах ууга илитиллэр уонна отторугар буккуйуллар диэн суруллубут. Олус "питательнай" диэбиттэр.

#хотонолоҕо #тыасирэ

https://ysia.ru/poezdka-na-podushke-cherez-lenu-passazhirka-rasskazala-o-slozhnostyah-i-bezopasnosti/

Бүгүн "подушканан" айаннаан кэллим. Бэстээх өттүгэр кытыл мууһунан бүрүллэн турар (хаартыска) Хара-хара таҕыстыбыт. Иҥнэ сырыттыбыт иҥин. Ортото мууһа аҕыйах (видео). Дьокуускай өттүгэр суудуна тиксэр сирэ ыраас (видео)

Куорат биэрэгэр тиксэн баран, суоппарга махтанным. Оннук, этэҥҥэ кэллибит диир. Бэйэтэ эмиэ үөрбүт.

Билиҥҥи кэмҥэ улахан наадалаах эрэ киһи айанныыр, "хайаан да" диэн статустаах. Оннук балаһыанньаҕа чахчы мин олохпор эппиэтинэс ылан, тиэйэр-таһар үлэни тэрийэр тэрилтэҕэ махтал.

Кэллиэгэбэр Мария Гороховаҕа кэпсээбиппин, дьон биллин диэн "суоллааҕы бэлиэтээһин" оҥорон, ЯСИА саайтыгар таһаарда.

#айан #өлүөнээбэ

Эти ларьга кистиир кэмҥэ баппатаҕы кэнсиэрбэлээбитим (1фото). Наһаа сөбүлээбиппит. Атыылыам дуу дии санаабытым да, бэйэбит былдьаһа-тараһа сиэн кэбиспиппит.

Ол иһин бу куоракка кэлбиччэ эмиэ оҥордум 😋😋😋 (2 фото). Куораттар ылыаххытын баҕардаххытына миэхэ төлөпүөннээҥ 89142369392.

Илин холун этэ, туус, кыра чочунаах уонна хара биэрэс куттум. Эт бэйэтин амтанын сүтэрбэт туһуттан, атын приправаны куппаппын.

#бэйэаһа #тыасирэ