group-telegram.com/Sudaniislam/19641
Last Update:
﴿مَا أَنزَلْنَا عَلَيْكَ الْقُرْآنَ لِتَشْقَىٰ﴾♥️.
- جاء في تفسير السعدي لهذه الآية:
"ليس المقصود بالوحي، وإنزال القرآن عليك - أيُّها الرسول - وشرع الشريعة، لتشقى بذلك..
ويكون في الشريعة تكليف يشق على المكلفين، وتعجز عنه قوى العاملين.
وإنما الوحي والقرآن والشرع،
شرعه الرحيم الرحمن..
وجعله مُوصلاً للسعادة والفلاح والفوز..
وسهله غاية التسهيل،
ويسر كل طرقه وأبوابه
وجعله غذاء للقلوب والأرواح
وراحة للأبدان،
فتلقتُه الفطر السليمة والعقول المستقيمة بالقبول والإذعان..
لعلمها بما احتوى عليه من الخير في الدنيا والآخرة..♥️
- في إحدى قروبات الواتساب أرسلت
المُشرفة - جزاها الله خير الجزاء - هذه
القصة التي تروِيها إحداهّن قائلة:
"كنت مُحتارة في أختي اﻷصغر مني..
كيف ما بتسمع أغاني وزمنها كلو مع القرآن؟
كيف في المناسبات كانت بتلبس عباية وطرحة كبيرة..
وما بتتعقد من البنات اللي في نفس عمرها وهي لسه صغيرة!
كيف عايشة حياتها عادي..
بدون مسلسلات وأفلام وبتحضر
قنوات دينية؟
كيف بتكون محبوسة في الغرفة
وبتشغل قرآن بصوت عالي وبتنفصل
من العالم الخارجي لمن نكون مُتجمعين وقاعدين رجال ونسوان!
كيف هي قريبة من ربنا وما عندها قدوة ﻻ من قريب أو بعيد..
واستغربت جدًا لمن قررت تتنقب..
هي كيف قريبة من ربنا كده برغم سوء المجتمع الحولها؟
- تساؤﻻت كتيرة بتجي في رأسي لمن أصحى بالليّل وألقاها بتصلي وبتقرأ في القرآن!
يوم ..
وأنا جيت داخلة غرفتها سمعت:
﴿مَا أَنزَلْنَا عَلَيْكَ الْقُرْآنَ لِتَشْقَىٰ﴾..
يا سلام!
دي سورة شنو؟
ليه اﻵية دي كأني أول مرة أسمعها!
وبقيت بردد:
﴿مَا أَنزَلْنَا عَلَيْكَ الْقُرْآنَ لِتَشْقَىٰ﴾
﴿مَا أَنزَلْنَا عَلَيْكَ الْقُرْآنَ لِتَشْقَىٰ﴾..
-هل دي الإجابة عن سبب سعادة أختي الدائمة؟!
يارب هي عشان بتقرأ القرآن دائمًا..
عشان كده فرحانة وما مُتأثرة باللي
بحصل حولها من فساد؟!
- بقيت بتجاوب مع نفسي..
أنا بسمع أغاني..
بلبس أحلى لبس.. مكياج.. تسريحات.. وعزومات ..الخ
وبعد ده حزينة..
وزهجانة أغلب الوقت.. ليه!
قعدت أتذكر آخر مرة مسكت المصحف رمضان الفات!
معقولة التعاسة اللي أنا فيها دي ﻷني بعيدة من ربنا شديد؟!
ﻷني بعيدة من كلام ربنا؟
ولسه لساني بكرر في:
﴿مَا أَنزَلْنَا عَلَيْكَ الْقُرْآنَ لِتَشْقَىٰ﴾♥️
مشيت غرفتي وبقيت أستغفر..
انتظرت متين الليّل يجي ﻻنو ده أكتر وقت بتكون فيه هادئ وبعيد من الحواليك..
قمت صليت وبكيت..
ودعيت ربنا كتير انو يغفر لي الفات وإني عايزة اتغير..
أول مرة أحس انو ربنا قريب لي كده!
أول مرة أنا اتكلم مع ربنا..
يا الله احساس ما بتوصف! ♥️
أنا ليه كنت بعيدة من ربنا الفترة دي كلها؟!
هل ربنا بغفر لي الفات كلو؟!
مشيت فتشت عن السورة اللي فيها:
﴿مَا أَنزَلْنَا عَلَيْكَ الْقُرْآنَ لِتَشْقَىٰ﴾
دي سورة طه..
طوالي نزلتها وبديت أسمع فيها..
وصلت للاية:
﴿وَإِنِّي لَغَفَّارٌ لِّمَن تَابَ وَآمَنَ وَعَمِلَ صَالِحًا ثُمَّ اهْتَدَىٰ﴾.
فرحت لمن بكيت من أول
وجديد..
أنا ربنا يغفر لي لو تبت!
ومن اليوم داك وأنا حياتي متغيرة 180 درجة..
والحمدلله ربنا هداني واتنقبت عديل
اللهم الثبات..
آية كانت سبب في توبتي ورجوعي لربنا..
- وتختم بدعائها:
فاللهم اغفر لي وتب علي إنك أنت التواب الرحيم.. ♥️
- في يوم الجمعة..
اذكروا الله كثيرًا..
وصلوا على النبي صلى الله عليه وسلم..
ولا تنسوا الدعاء لأنفسكم ومن تُحبون
والمسلمين والمسلمات في كل مكان ♥️.
#زكية_عاطف.
BY خطوات للأجُر🌸.))
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/Sudaniislam/19641