group-telegram.com/presbyter_iurius/513
Last Update:
За декілька днів буде пам’ять — святителя Спиридона, єпископа Триміфунтського, чудотворця. З цієї нагоди ділюся тим, що знайшов декілька років тому: можливо комусь стане в нагоді для ще біль урочистого прославлення дивовижного святого — це тропарі після полієлею із Афонської, а ще точніше — Зографської, служби святителю.
По поліеле́и тропари́, гла́съ 5:
Благослове́нъ еси́, Го́споди, научи́ мя Спиридо́на пѣ́ти.
Ангельское мно́жество и ли́ки человѣ́честіи со удивле́ніемъ зову́тъ: сме́рти крѣ́пость Спиридо́нъ разори́, и́бо во гро́бѣ дѣ́йствуетъ чудесы́ и безъ истлѣ́нія живе́тъ, я́ко безсме́ртный.
Благослове́нъ еси́, Го́споди, научи́ мя Спиридо́на пѣ́ти.
Почто́ сле́зъ то́ки источа́ете, вѣ́рніи, ко іера́рху? — небе́сный а́нгеловъ ли́къ глаго́лаше ко керкире́омъ, — ви́дите вы́ его́ ны́нѣ и ра́дуйтеся, я́коже у́бо жи́ва зри́те во гро́бѣ.
Благослове́нъ еси́, Го́споди, научи́ мя Спиридо́на пѣ́ти.
Зѣло́ тща́тельно Спиридо́нъ тече́ къ Сѵно́ду въ Нике́и, и предста́ де́рзостнѣ ко Áрію, и рече́: ба́сней вре́мя преста́, о безбо́жне, въ Тро́ицу же, я́ко и мы́, вѣ́руй.
Благослове́нъ еси́, Го́споди, научи́ мя Спиридо́на пѣ́ти.
Мѵрото́чныя мо́щи твоя́ па́че на́рда, Спиридо́не всече́стне, благоуха́ютъ: а́нгелы бо сему́ содѣ́йствуютъ. Что́ бо, я́ко ме́ртва, жива́го вмѣня́ете? Не ме́ртвъ бо, но жи́въ на́мъ явля́ется.
Сла́ва Отцу́, и Сы́ну, и Свято́му Ду́ху.
Поклони́мся Отцу́, и Безлѣ́тному Сы́ну, отъ Того́ рожде́нному, и Утѣ́шителю Боже́ственному, отъ Отца́ происходя́щему, и со а́нгелы взыва́емъ: Свя́тъ, Свя́тъ, Свя́тъ еси́, Го́споди.
И ны́нѣ и при́сно и во вѣ́ки вѣко́въ. Ами́нь.
Живопода́тельная утро́ба Твоя́, Приснодѣ́во Отрокови́це, Сы́на и Бо́га Твоего́ заче́ншая неизрече́нно, и вмѣсти́вшая Еди́на, точа́щаго на́мъ правле́ніе къ жи́зни, хода́тайствы Твои́ми къ Бо́гу и человѣ́комъ.
Аллилуія, Аллилуія, Аллилуія, слава Тебѣ, Боже. [Три́жды.]
BY прεсвѷтεръ Юрїй
Share with your friend now:
group-telegram.com/presbyter_iurius/513