Битарты Вячеславы арфæтæ куыд аив æмæ зæрдæмæхъаргæ сты, афтæ диссаджы рæсугъд у йæ ногазон наз бæлас æмæ йыл цы хъазæнтæ æрцауыгътой, уыдон дæр.

@XurZaerin

Ног азы хорзæх, Ирыстоны адæм!
Цæмæдæриддæр бæллут, уыдон уыл æрцæуæт уæхи фæндиаг!

@XurZaerin

Абон газет "Хурзæрин"-ыл сæххæст 101 азы.
Цы ма уа уымæй æхсызгондæр, сабыргай дæхи æвзагыл куы кæсай канд нæ республикæйы цы цаутæ цæуы, уыдон нæ, фæлæ дунейы æрцæугæ цаутæ дæр.
101 азы цъус не сты. Уал азы дæргъы лæггадгæнæг у, ирон адæмæн.

Арфæгонд уæнт, чи йыл кусы, уыдон иууылдæр. Сæ алы бæрæгбоныл дæр æмбæлæнт æнæниз æмæ æнæмастæй.

@XurZaerin

В первый день нового года свой праздник - день образования отмечают сразу две государственные газеты в Южной Осетии: «Хурзарин» и «Южная Осетия»

Единственной осетинской газете исполнился 101 год, а газете «Южная Осетия» - 32 года.

Газета «Южная Осетия» впервые вышла в печать в 1983 году, как дубляж газеты "Советская Осетия", и лишь через 10 лет она стала самостоятельным изданием.

Издания по достоинству занимают главные позиции среди СМИ РЮО.

🎉Мы присоединяемся ко всем пожеланиям и желаем коллективам газет процветания и творческих успехов!

@ia_res

Знауыры районы сабитӕ ӕмӕ сӕ ныййарджытӕн районы администрации сарзта рӕсугъд бӕрӕгбон мадзал.
Районы клубы скъоладзаутӕ равдыстой спектакль ӕмӕ аив музыкъалон номыртӕ. Мадзал рауад хъӕлдзӕг ӕмӕ цымыдисон. Районы администрацийы сӕргълӕууӕг бузныг загъта бӕрӕгбонон мадзал чи бацӕтӕ кодта, уыдонӕн ӕмӕ ӕппӕт ӕрмбырдуӕвджытӕн ракодта бӕрӕгбонон арфӕ.
Скъоладзаутӕн радтой бӕрӕгбонон лӕвӕрттӕ.

Цæмæй сывæллæттæ сæ ногазон каникултæ хъæлдзæгдæрæй арвитой, уый тыххæй нæ паддзахадон театры сценæйыл 2, 3, 4 январы æвдисдзысты диссаджы аргъау «Сыгъзæрин кæсаг». Уый тыххæй хъусын кæнынц РХИ-йы Культурæйы министрады пресс-службæйы.

Спектакль æвдыст цæудзæнис боны 13:00 сахатыл. Билеттæ балхæнæн уыдзæнис театры кассæйы.

@XurZaerin

Абон Сывæллæтты сфæлдыстадон галуаны райдайдзысты Ногазон мадзæлттæ. Уыдон уадздзысты æрвылбон дæр æртæ сменæйæ 8-æм январмæ.
Президент æмæ Хицауады уæнгтæ бæрæгбонон мадзалмæ æрбацæудзысты 3-æм январы.
Программæйы ис Остъаты Аланы аргъау "Зæнджынбег æмæ Æдылыбег" - æй скъуыдзаг. Иу сменæйы хъæлдзæг рæстæг сæ бон арвитын уыдзæн 100 сывæллонæн.

@XurZaerin

Сывæллæтты сфæлдыстадон галуаны.
@XurZaerin

Ноггуырды фæзынд хӕдзары бинонтæн у стыр цины бæрæгбон, уый у Хуыцауы лæвар, фарн æмæ царды нысан.

Ног 2025 азы Хуссар Ирыстоны гуырæн хæдзары райгуырдис æртæ сывæллоны. Уыдонæй сæ иу райгуырд, Ног азмæ бирæ нал хъуыд, афтæ. Иннæ дыууæ та - 1 æмæ 2 январы.

Бинонты циныл фæцин кодта нæ бæстæйы сæргълæууæг дæр æмæ ноггуырдтæн раарфæ кодта.

Сæрмагондæй РХИ-йы Президент Гаглойты Аланы номæй сывæллæттæн æмæ сæ мадӕлтæн гуырæн хæдзармæ бахастой ногазон лæвæрттæ.

@XurZaerin

Къахдзоныгътыл бырæн трассæ ныр та Рукъы хъæуы сырæзт.

Трассæ байгом уыдзæнис 3 - æм январы. Цæмæй ардæм улæфт бонты зæрдæрухс æмæ хъæлдзæгæй сæ рæстæг æрвитынмæ цæуой, уый тыххæй æрвылбон Цхинвалы автовокзалæй 9 сахаты æмæ 30 минутыл цæудзæнис автобус.
Ам,бынаты райсæн уыдзæн лыжæтæ æмæ сноубордтæ. Бырæн трассæ ис бæрзонд ран, хохрæбын. Уырдæм улæфджыты хæццæ кæндзæн сæрмагонд транспорт. Билеты аргъ у 150 сомы. Лыжæтæ æмæ сноубордтæ прокаты райсæн уыдзæнис иу мин сомæй.

Уæ зæрдыл уын дарæм, Рукъмæ уæхи ирхæфсынмæ куы цæуат, уæд-иу æнæмæнгæй рахæссут уæ паспорттæ.

@XurZaerin