group-telegram.com/carkva/6295
Last Update:
🙏 Шэсьць кардыналаў прачыталі малітвы з просьбамі аб прабачэньні ад імя Царквы, якія ўклаў Папа Францішак за розныя правіны, учыненыя членамі Царквы. Пакаянным набажэнствам у базыліцы сьвятога Пятра 1 кастрычніка 2024 г. завяршылася духоўная падрыхтоўка да другой сесіі асамблеі Сіноду біскупаў пра сінадальнасьць.
🛐 Францішак заклікаў Царкву стаць сапраўды сінадальнай, што магчыма толькі праз лячэньне хворых адносінаў. Ён паставіў рытарычнае пытаньне: «Як мы можам быць вартымі даверу ў місіі, калі мы не прызнаем нашых памылак і не схіляемся, каб вылечыць раны, якія мы выклікалі сваімі грахамі?» «Лячэньне раны пачынаецца з прызнаньня граху, які мы зьдзейсьнілі», – падкрэсьліў Папа Рымскі.
🙏 Сьвяты Айцец прачытаў наступную малітву: «Ойча, мы сабраліся тут, усьведамляючы, што маем патрэбу ў Тваім поўным любові поглядзе. Нашыя рукі пустыя, мы можам атрымаць толькі столькі, колькі Ты можаш нам даць. Просім у Цябе прабачэньня за ўсе нашы грахі, дапамажы нам аднавіць Тваё аблічча, якое мы зьнявечылі сваёй нявернасьцю. Мы, адчуваючы сорам, просім прабачэньня ў тых, хто быў паранены нашымі грахамі. Дай нам адвагу шчырага пакаяньня для сапраўднага навяртаньня. Просім аб гэтым, заклікаючы Духа Сьвятога, каб Ён напоўніў Сваёй ласкай сэрцы, якія Ты стварыў у Хрысьце Ісусе, Госпадзе нашым. Усе мы просім прабачэньня. Усе мы – грэшнікі, але ўсе мы спадзяемся на Тваю любоў, Госпадзе. Амін».
👉 У матэрыяле па спасылцы можна даведацца пра зьмест тых просьбаў аб прабачэньні ад імя Царквы, якія Папа Францішак падрыхтаваў для пакаяньня і якія кардыналы па чарзе прачыталі падчас малітвы.
https://www.vaticannews.va/uk/pope/news/2024-10/pokayanne-bogosluzhinnya-pered-pochatkom-synodu.html?fbclid=IwZXh0bgNhZW0CMTEAAR3wE3ddVWmeTGFWo4ep6GvvcynHnpdprmsnItipU6lMIc1Ypb438tS0HpU_aem_JaVsxzedW7M_RFHRMAkGOw
BY Грэка-католікі Беларусі
Share with your friend now:
group-telegram.com/carkva/6295