group-telegram.com/gazetanyurba/30863
Last Update:
Ытыктабыллаах Ис дьыала уорганнарын үлэһиттэрэ уонна бэтэрээннэрэ! Эһигини идэлээх бырааһынньыккытынан истиҥник эҕэрдэлиибин! Эһиги олоххутун уустук, кутталлаах уонна улахан эппиэтинэстээх идэни кытта ситимнээбиккит - уопсастыбаҕа уонна норуокка сулууспалаан, бэрээдэги уонна дьон-сэргэ холку, нус-бааччы олохтоох буолуутун хааччыйаҕыт. Бу бырааһынньык күн сокуоннаһы уонна сиэрдээх буолууну, киһи олоҕун уонна быраабын, судаарыстыба уонна уопсастыба интэриэстэрин көмүскүүрү бэйэлэрин гражданскай иэстэрин быһыытынан ааҕар эр санаалаах уонна күүстээх дьону чиэстиибит. Полиция үлэһиттэрэ үгүстүк олус уустук-быһымах түгэннэргэ түбэһэллэр. Дьон олоҕун быыһыыртан, кинилэргэ олохторун уустук түгэнигэр көмө-өйөбүл буолартан ордук үрдүк анал суох. РФ ИДьМ Ньурба оройуонунааҕы отделын үлэһиттэрэ күннэтэ дьүккүөрдээх үлэлэринэн дьону-сэргэни бөрүкүтэ суох дьайыылартан көмүскүүллэр. Полиция отделыгар идэлэрин эҥкилэ суох баһылаабыт элбэх профессионаллар, дойду дьиҥнээх патриоттара үлэлииллэр. Ньурба оройуонунааҕы Ис дьыала отдела СӨ ИДьМ отделларын ортотугар үлэтин көрдөрүүтүнэн инники күөҥҥэ сылдьар. Манна эһиги хас биирдии бэйэҕит кылааккыт баар. Эһиги билиигит-көрүүгүт, сатабылгыт, суһал-түргэн туттунуугут уонна кэхтибэт дьулуургут оройуоҥҥа, өрөспүүбүлүкэҕэ уонна бүттүүн дойдуга социальнай бигэ туруктаах буолуу мэктиэтинэн буола туруоҕар бигэ эрэллээхпит. Эһиги дьоһуннаах сулууспаҕыт иһин ис сүрэхтэн махтанабын! Эһиэхэ үлэҕитигэр салгыы ситиһиилэри, кытаанах доруобуйаны, дьиэ кэргэҥҥитигэр или-эйэни уонна дьолу-соргуну баҕарабын! "Ньурба улууһа" МО баһылыга А.М.ИННОКЕНТЬЕВ.
BY Газета "Ньурба" / Нюрбинский улус
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/gazetanyurba/30863