Нӕ Республикӕйы фæзындзæн сывæллæттæн психологон, педагогон, медицинон æмæ социалон æххуысы центр.
Уый тыххæй республикæйы Информаци æмæ мыхуыры комитеты пресс-центры конференцийы рӕстӕджы фехъусын кодтой Уæрæсейæ ӕрхонгӕ дӕсны - дефектолог Александр Крысов, дефектолог Цхуырбаты Анна ӕмӕ логопед Хъӕцмӕзты Маргарита. Сæ ныхæстæм гæсгæ, ацы фарсты фæдыл активон куыст цæуы Ахуырады министрад æмæ республикӕйы хицауадимæ.

Тӕфӕрфӕстӕ ӕмӕ Хъусинӕгтӕ. 04.01.2025.
Соболезнования и Объявления.

ККЗ «Чермен»-ы нæ Республикæйы æвзонг цæрджытæн æртæ боны дæргъы уагъд цыд бæрæгбонон равдыст «Ног азы серпантин».
Мадзал райдайыны агъоммæ фойейы æрыгон сценæмæкæсджытыл сæмбæлдысты аргъæутты персонажтæ. Бæрæгбонон равдыст адарддæр ис цымыдисон номыртæй, зарджытæ æмæ хъæлдзæг ерыстæй Митын Дада æмæ Митын Чызджы хайадистæй. Чысыл уазджытæ февзæрдысты бæрæгбон æмæ хъæлдзæгдзинады кæлæнгæнæг атмосферæйы. Мадзалы организатор у Хуссар Ирыстоны культурæйы министрад.

Амалиуæгдар Джуссойты Альберт ногазон лæвæрттæ бакодта Дзауы районы сабитæн æмæ хистæркъласонтæн.
Лæвæрттæ дихгонд æрцыдысты 6 – 11 къласы онг, уымæн æмæ уыцы кары сывæллæттæ лæвæрттæ нал фæисынц ахуырады Министрады æрдыгæй. Лæвæрттæ Джуссойты Альберты номæй райстой районы рæвдауæндæтты сабитæ дæр. Джуссойты Альбертæн уый фыццаг хæрзаудæн мадзал нæу. Уый æппынæдзух æххуыс кæны районы скъола-интернатæн. Афтæ ма Дзауы районы Администраци ногазон лæвæрттæ бакодта районы ацæргæ адæмæн. Адджын лæвæрттæ райстой 80 азæй фылдæр кæуыл цæуы, ахæм хистæр кары адæм.

Цхинвалы горæтон библиотекæйы ауагъдæуыд публицист Остъаты Аланы сфæлдыстадон изæр.
Ацы аз фыссæг-публицист, актер æмæ журналистыл сæххæст 55 азы. Остъаты Аланæн арфæйы æмæ бузныджы ныхæстæ загътой æрымбырдуæвджытæй бирæтæ. Уый дæр бузныг загъта йæ архайдæн ахæм аргъ лæвæрд кæй цæуы æмæ банысан кодта, зæгъгæ, йын сæйраг ахуыргæнæг у цард йæхæдæг.

Паддзахадон университеты ацыд уырыссаг æвзæг æмæ литературæйы ахуыргæнджыты ассоциацийы тымбыл фынг.

Тӕфӕрфӕстӕ ӕмӕ Хъусинӕгтӕ. 05.01.2025.
Соболезнования и Объявления.

Цхинвалы бирӕпрофилон колледжы бирӕ професситӕ райсӕн кӕй ис, уый фӕдыл ахуыргӕнӕндоны къухдариуӕгад хъусын кӕны скъолаты фидӕны рауагъдонтӕн. Ныр дӕр та къорд хистӕркълассоны ӕрбахуыдтой колледжмӕ ӕмӕ сын равдыстой ам цы зонындзинӕдтӕ райсӕн ис, уыдон.

Фыццаг хатт нӕ республикон медицинон центры зоныгыл арӕзт ӕрцыд артроскопион операци. Ацы вазыгджын операци сарӕзтой бынӕттон ӕвзонг травматологтӕ ӕмӕ куыд банысан кодтой, афтӕмӕй ахӕм операцитӕ аразынӕн бынаты ис ӕппӕт уавӕртӕ дӕр.

Куыд ӕгас дунейы, афтӕ нӕ республикӕйы дӕр чырыстон диныл хӕст адӕм ахсӕв нысан кӕндзысты Нӕ Ирвӕрзынгӕнӕг Йесо Чырыстийы Райгуырд. Уый цытӕн аргъуанты уагъд цӕуынц бӕрӕгбонон бакуывдтытӕ. Уӕрӕхдӕрӕй Биазырты Стеллайы бацӕттӕгонд ӕрмӕджы.

Тӕфӕрфӕстӕ ӕмӕ Хъусинӕгтӕ. 06.01.2025.
Соболезнования и Объявления.

2024 аз нӕ республикӕйы спортивон цард хъӕздыг уыд алыгъуызон цаутӕй. Хицӕн спортсментӕ та сӕхи иттӕг хорз равдыстой дунейон ӕмвӕзадыл дӕр.

Ног Азы цытӕн бӕрӕгбонон мадзӕлттӕ цыдысты районты дӕр. Ног азон Наз бӕлас цытджын ӕгъдауӕй байгом Дменисы хъӕуы. Сывӕллӕтты хъӕлдзӕг кодтой алыгъуызон аргъӕутты персонажтӕ.

Аргъӕутты радон чиныг та рауагъта сывӕллӕтты фыссӕг Джыгкайты Белла. Ныр та презентаци уыд чиныг «Миколы бӕстӕ»-йӕн. Аргъауӕн ис хъомыладон нысаниуӕг.

Нӕ республикӕйы цӕрджытӕ дӕр банысан кодтой Чырыстийы райгуырд. Уый цытӕн бӕрӕгбонон бакуывтытӕ уагъд ӕрцыдысты аргъуанты ӕмӕ сӕ хайад райстой чырыстон диныл хӕст сӕдӕгай адӕймӕгтӕ.

Тӕфӕрфӕстӕ ӕмӕ Хъусинӕгтӕ. 07.01.2025.
Соболезнования и Объявления.