Monarx ailələr çoxuşaqlıdır
Çox örtülü geyinirlər
Onlar üçün adlarının əxlaqsız bir xəbərdə hallanması qəbuledilməzdir
Silikon dodaq, insan yaradılışına zidd estetik əməliyyatları həyata keçirmirlər və s.

Bu şeylər aşağı təbəqə üçün nəzərdə tutulub. Tarix boyu belə olub. Həmişə zəif təbəqə, qullar, yoxsullar üryan, cırıq paltarda gəziblər, monarxların önündə klounluq ediblər, oxuyublar, oynayıblar, onları əyləndiriblər. Avropadan tutmuş şərqə qədər zadəganlar qat-qat örtünmə adlı yarış ilə bir-birini ötməyə çalışıblar. Zadəganların, monarxların qadınları bəzən örtünmənin, yəni üst-üstə geydikləri zadəgan libaslarının (ki, bu indiki gəlinlik libasına çox bənzəyir) çıxarılması və geyinilməsinin çətinliyi səbəbindən qulluqçular tərəfindən xüsusi ayaqyolu formasında bədənlərindən ifrazat ixracı ehtiyacını təmin ediblər. Təfərrüatına girmək istəmirəm, amma bunlar tarixdir. Zadəganların və monarxların özləri üçün nəzərdə tutduqları müsbətlərin, yəni örtünmə, əxlaq, yüngüllük etməmək və s. həmişə təbliğat ilə aşağı, fəqir təbəqə üçün əksi təbliğ olunub. Çünki zənginlər rəqqas, çalğıçı, əxlaqsız qadın, klounluq edən insan ehtiyaclarını aşağı təbəqələrdən seçməli idilər. Hal-hazırda monarx ailələrin heç bir fərdinin rəqqas, müğənni, dodağı silikonlu, əxlaqsız və digər qeyri-insani estetik əməliyyatlar ilə özlərini anormal görünüşə salmamalarının, əksinə bunları kasıb təbəqənin onların göz, qulaq və cinsi ehtiyaclarını ödəmək üçün etməsinin səbəbi də budur.

İmam Xamenei Hicab kitabında buyurur ki, İslam gəlib insanlara hicabı təhkim etmədi, İslam, örtünmənin təkcə zadəganların deyil, kasıb təbəqənin də haqqı olduğunu bildirdi. Beləcə cəmiyyət içində sektalaşmanın, kastalaşmanın qarşısını aldı. İslam, fəqir təbəqənin də örtünməsinə icazə verməklə onların zənginlərdən hüquqi cəhətdən aşağı olmadığı hökmünü nazil etdi.

Mən, 1400 illik İslam tarixində hicaba İmam Xamenei kimi tərif vermiş ikinci bir şəxsi tanımıram...