group-telegram.com/sarkis_tsaturyan/1932
Last Update:
ՍԱՐԳԻՍ ԾԱՏՈՒՐՅԱՆԻ ԳԻՐՔԸ ՀԱՅԿԱԿԱՆ ԵՐԱԶԱՆՔԻ ՄԱՍԻՆ Է, ՈՐԸ ԿՈՉՎՈՒՄ Է` «ՀԱՅԿԱԿԱՆ ԵՐԱԶԱՆՔ»
Գրքի էությունը հայկականությունն է` Հայի ինքնություն, հայոց փառապանծ դարեր ու ողբերգություններ, հայոց պատմություն, Մեծ Հայքի կորուստ, Արարատյան թագավորության անկում, 15 նահանգներ, հաղթանակներ ու պարտություններ, թագավորներ ու դավադրություններ, Հայաստանը որպես Եփրատ, Տիգրիս, Փիսոն և Գեհոն չորս գետերի մեջ ընկած Աստծո կողմից ստեղծված դրախտավայր: Եվ անթիվ վկայություններ հազարամյակների պատմիչներ` Պտղոմեոսից մինչև Մովսես խորոնացի, Եղիշեից մինչև Գամկրելիձե ու Դյակոնով, բազմաթիվ այլոց անչար, երբեմն վեհերոտ վկայությունները` աշխարհի քաղաքակրթության կենտրոն համարվող աստվածների երկրի ու նրա մշակույթի մասին: .... Ծատուրյանը այս գրքում իմի է բերել ոչ միայն դեպքերն ու ժամանակները, նաև աշխարհի հայությանը: Եվ գուցե հենց դա է պատճառը, որ իր նախաձեռնությամբ ստեղծեց <<Աշխարհաժողով>> շարժումը: Աշխարհը հայի տունն է, բայց հայի երազանքը իր հայրական օջախն է` Հայքի տունը:
Գրող, փիլիսոփա, խմբագիր, <<Աշխարհաժողով>> շարժման ղեկավար, մոսկովաբնակ Սարգիս Ծատուրյանը 2023թ. վերջերին Մոսկվայում 1000 օրինակ տպաքանակով ընթերցողների դատին հանձնեց ռուսերեն լեզվով տպագրված «Հայկական երազանք» գիրքը, որն արագ սպառվեց ռուսալեզու մեր հայրենակիցների կողմից: Սարգիսը, ում պապերը այսօր օտարության մեջ մնացած հեռավոր Գարդմանից են եղել, 2024թ. ընտանիքով մշտական բնակության հաստատվեց Հայաստանում: Գիրքն արդեն թարգմավել է հայերեն և շուտով կդրվի հայ ընթերցողի սեղանին:
Զարմանահրաշ «Հայկական երազանք» գիրքը հեղինակից նվեր ստանալուց հետո, որոշեցի ծանոթանալ, որովհետև առաջին տողից սկսեց տանել խորքերը և որքան խորանում էի, այնքան վերլուծություններն ու փաստերը իրենց անժխտելի ճշմարտացիությամբ ափսոսանքի ու ցավի զգացողությամբ էին պարուրում ընթերցողին:
«Ովքեր են հայերը և ինչպես են աշխարհն ու հայերը փոխկապակցված ներգործում միմյանց վրա ... Հարցնում է հեղինակը և շարունակում,- ինչ սկզբունքներով կկարողանանք վերականգնել Արարատյան թագավորությունը»; Հայկական երազանքը պետք է պատասխանի երեք կարևոր հարցերի, Նա պետք է դադարի բուֆերային երկիր լինելուց` աշխատի իր համար, ոչ թե ուրիշների...
Նա պետք է ունենա հայկական երազանք, որ ծառայի ինքն իրեն...
ԻՆքնագնահատականի ափսոսանքը նրա գիտակցության մեջ անհրաժեշտ ճանապարհ պետք է հարթի դեպի Արարատյան թագավորության վերհառնում... ,-գրում է հեղինակը: Ընթերցողը բազում անպատասխան մնացած հարցերի պատասխանը կարող է գտնել այս գրքի էջերում: Ուստի յուրաքանչյուր հայ պետք է ունենա հայի իր երազանքի գիրքը, որն իր մասին է...
Բարի գալուստ «Աշխարհաժողով»...
Բանաստեղծ, հրապարակախոս, հասարակական գործիչ Ռուզան Ասատրյան
BY Саркис Цатурян
Share with your friend now:
group-telegram.com/sarkis_tsaturyan/1932