group-telegram.com/tealkramm/339
Last Update:
كتبناك بمشاعرنه دفناك بضمايرنه
عشك واحد يوحدنه--- والله يحسين
-------------------------------------------------
فعل ماضي اوي غيرك ذيج الايام
بس وياك فعل الحب مضارع
من الطم عليك وابجي مولاي
احس كل البجي من كلبي طالع
من ادير وجهك عني احتار
احس بين السمه والكاع ضايع
من تتركني اتبهذل --اصيرن دربي مااندل
اليخدمك زلمه ومعدل----والله يحسين
--------------------------------------------------
موبس ابمحرم دمعي سجاب
من طبع المحب ماتطفه ناره
معذورين خل الناس شتكول
بس المنجوي يحس بل حراره
صف واحد نصير ونحيي ذكراك
يبو الاحرار خدامك غياره
محد يفهم اصوابك --- بس العايش مصابك
تلكا عاشك ترابك ----والله يحسين
---------------------------------------------------
درب الخدمه عالم ثاني وياك
يحسين اليخدمك يعله شانه
مومجنون بيك اهواي مجنون
شلت قلبي وصرت انته بمكانه
دليني اليشبهك وين موجود
منو عدنه بكطع نحره اشترانه
معجونين من طينك--أحسبنه حساب سبعينك
الله يحب محبينك ---والله يحسين
--------------------------------------------------
اصلنه الخدمه هايه وتبقه للموت
موحلوه البشر من ينكر اصله
بدمعنه بلكي يلتم جسمك الصار
من دوس الحوافر وصله وصله
اسمع صوت حمزه يبجي الاجبال
ويراويك شكتب عبود غفله
ماعفنه مبأدئنه---- تضل للموت صيحتنه
يحسين بضمايرنه ---- والله يحسين
--------------------------------------------------
وصيت اهلي باجر لواجه الموت
ماريد الجفن ينجاب اليه
اريد اشتم ضريحك مره يحسين
وخلي النوب تاخذني المنيه
عليه مو جفن ابيض يخلون
ثوب اسود يخلونه عليه
وصيتي يهلي نفذوهه --- روحي لاتخلوهه
بحسينيه ادفنوهه ------ والله يحسين
----------------------------------------------------
محمود الساعدي
BY محمود الساعدي
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/tealkramm/339