group-telegram.com/viasna_brest/4150
Last Update:
Учора Следчы камітэт заявіў, што знайшоў яшчэ адну ўдзельніцу "карагоднай акцыі", жанчыну змясцілі ў СІЗА. Відаць па ўсім, гаворка ідзе пра Алену Дзмітрыеву, якую нядаўна прызналі палітзняволенай
СК адсправаздачыўся, што тры гады пасля ўсё яшчэ шукае "карагоднікаў". Ды нядаўна знайшоў "50-гадовую мясцовую жыхарку", якую змясцілі пад варту.
А нядаўна мы паведамлялі, што праваабарончая супольнасць прызнала палітзняволенай Алену Дзмітрыеву. Жанчына нарадзілася 19.10.1972, то бок ёй як раз 50 гадоў. І дакладна вядома, што ёй прад'явілі абвінавачванні па арт.342 КК у межах "карагоднай справы". Так што, відаць, менавіта пра яе гаворыць СК у сваім паведамленні.
Пра Дзмітрыеву вядома, што яна ўраджэнка Ўкраіны, доўгі час жыла ў Берасці. Затрымана пасля паездкі ў Польшчу за пакупкамі.
Падтрымайце жанчыну грашовым пераводам, лістом:
📮 СІЗА-7, г. Брэст, вул. Савецкіх памежнікаў, 37, 224030
Дзмітрыева Алена Рыгораўна
Фота: СК
BY Вясна | Брэст
Share with your friend now:
group-telegram.com/viasna_brest/4150